آءُ سنڌ جي سڀني دردمندن، سنڌ جي سڄڻن کي سنڌ جي قومپرست پارٽين کي ۽ سنڌ جي سرندي وارن کي هٿ ادب جا ٻڌي گذارش ڪندس ته خدارا سنڌ جي لاڙ جا رهواسي جن ۾ بدين، ٽنڊو محمد خان، ٿرپارڪر، عمر ڪوٽ ۽ انجي ڀرپاسي جا ماڻهون تازو آيل بارشن سبب قدرتي آفت ۾ آهن، کاڌي جي کوٽ ٿي وئي اهي، بيمارين منهن ڪڍيو آهي، ٻار، ٻڍا، عورتون ۽ جوان سڀ اوهانجي راهه نهارين ٿا ... انهن جي مدد لاءِ اڳتي وڌو ، اي سنڌي قوم جا سڄڻو هي وقت آهي، هڪٻئي جي مدد ڪرڻ جو، اڄ اسانجي سنڌ جو لاڙ مصيبت ۾ آهي، اتان جا ماڻهون الله ۽ اوهانجي آسري تي آهن ... حب الوطنيءَ يا انسانيت يا مذهبي جذبي سان سندن مدد ڪريو ..سنڌ پڪاري ٿي مدد لاءِ .... زڪوات هجي، خئير هجي يا فطرانو هجي يا ڪهڙي به قسم جي مدد، سندن تائين پهتي ڪريو ... مدد ڪريو، قومپرستيءَ جو ثبوت ڏيو
جواب: سنڌ جو لاڙ مدد لاءِ واجهائي ٿو؛ ڏکئي وقت ۾ مسلمان ڀاء کي گهرجي ته پنهنجي مسلمان ڀاء جي هر ممڪن مدد ڪري اسان به سڀني سرندي وارن دوستن کي عرض ٿا ڪريون ته پنهنجي ڀائرن جي مدد ڪري سندن همدردي جو ثبوت پيش ڪن.
جواب: سنڌ جو لاڙ مدد لاءِ واجهائي ٿو؛ جنهن ڏينهن سنڌ ۾ هڙتال جي ڪال ڏنل هئي ان ڏينهن سنڌ جي لاڙ خاص ڪري، بدين، ٺٽو، ميرپور خاص، ٿرپارڪر جي ڪجهه حصن ۽ ٽنڊي محمد خان ضلعن ۾ برسات سبب وڏي تباهي آئي هئي۔ ان ڏينهن مان سنڌ سلامت تي لکيو هو ته هن هڙتال سبب ماڻهن جي ڪا خاص مدد نه ٿي سگهندي۔ سنڌ حڪومت هڙتال کي ناڪام ڪرائڻ ۽ قومپرست ڌريون ۽ سنڌي عوام هڙتال کي ڪامياب ڪرائڻ ۾ رڌل هئا۔ پر هوڏانهن ماڻهو ٻڏي رهيا هئا ۽ بي يارومددگار هئا۔ اڄ ان ڏينهن کي پنج ڏينهن گذري ويا آهن پر ماڻهو دربدر آهن، فصل تباهه ٿي چڪا آهن ۽ جهڳيون به تباهه ٿي چڪيون آهن۔ سنڌي ماڻهو وري سنڌ ڏانهن ڏسي رهيا آهن، ڪراچي ۾ گهمان ٿو ته ڪابه ڪيمپ ناهي۔ اهي تنظيمون جيڪي ڪشمير جي زلزلي يا گلگت جي بارش زدهه ماڻهن لاء ته چندا گڏ ڪنديون آهن پر سنڌ جي ماڻهن لاء مدد ڪرڻ ته پري سوچڻ به گوارا نه ٿا ڪن۔ ساڳي صورتحال حڪومت ۽ اردو ميڊيا جي به آهي۔ دوستن کي گذارش ته اڳتي اچن ۽ پنهنجي ڀائرن جي مدد ڪن۔
