استاد سائين نثار ناز جي چوڻ تي مان سنڌونگر جو مختصر تعارف لکي رهيو آهيان..... سنڌونگر جنهن کي ڪلياڻ ڪيمپ به ڪري چوندا هئا. هي شهر هندو سنڌين جي محنت سان وسيل شهر آهي. هن شهر ڪي مني جاپان ڪري سڏيندا آهن. هن شهر کي ڪلياڻ ڪئمپ ان ڪري سڏيو ويندو هو جو ٻي مهاڀاري لڙائي دوران هتي برٽش فوجي رهندا هئا. هي شهر ممبئي کان 50 ڪلوميٽر پرتي آهي. اڄ هي شهر انڊيا جي بهترين شهرن مان هڪ آهي. سنڌي جن پنهنجو ديس ڇڏيو تن کي ڪليمن جي بدلي ۾ هن شهر کان ڪجهه ڪلوميٽر پرتي هڪ شهر ۾ رهڻ لاءِ ڏنو ويو بعد ۾ اتي ٻوڏ ۽ طوفان اچڻ سبب اتان سڀئي ماڻهو اٿي هتي سنڌو نگر ۾ آيا تڏهن هن شهر جو نالو الهاس نگر رکيو ويو هو. سنڌين جام جفا ڪشيءَ سان هن شهر کي سنڌو نگر جو نالو ڏياريو پر ڪجهه شر پسند عناصرن جي ڪري اهو نالو رجسٽرڊ ٿي نه سگهيو. هن شهر ۾ پهريون رهڻ جي لاءِ ماڻهن کي بيريڪس ڏنيو ويون جنهن ۾ پنهنجا باٿروم به نه هئا، پوري دنيا ۾ سپلاءِ ٿيندڙ جينس پينٽن جو 30 سيڪڙو هتان ويندو آهي.... هن شهر ۾ سنڌين پاران اڏيل ڪيتريون ئي ڪاليجون، اسپتالون آهن. پوري مهاراشٽرا اسٽيٽ ۾ ڪٿي به سيمنٽ جي بلاڪن وارا روڊ آهن. پر هتان جي سنڌي ايم ايل ايز جي محنت سان هتي آهن. هتي ڪيترائي سنڌي اسڪول آهن. جن ۾ ڪجهه سال پهريون هزارين شاگرد تعليم پرائيندا هئا. پر افسوس جا اڄ انهن مان چند ئي بچا آهن. جن ۾ سنڌي پڙهائي وڃي ٿي. هتي ڪيتريون ئي ڌرمشالائون، مندر آهن. هتي لڳ ڀڳ 20 کن نيوز پيپر آهن جيڪي سنڌيءَ ۾ نڪرن ٿا..... هندستان ۾ اڄ به ڪيتريون ئي ٻوليون آهن جنهن کي ڪروڙين ماڻهو ڳالهائين ٿا پر انهن ٻولين کي سرڪاري مڃتا نه آهي. پر سنڌي ٻوليءَ کي اها مڃتا حاصل آهي. سنڌ لفظ هتان جي قومي تراني ۾ به آهي. ۽ سنڌي ٻولي هتان جي آئين جي اٺين شيڊول ۾ شامل آهي. الهاسنگر ۾ اها جوت يا ڏيئو آهي جيڪو سنڌي 1947 ۾ زنده پير سکر مان کڻي آيا هئا..... هن شهر کي USA ڪري به سڏيو ويندو آهي. USAمعني الهاسنگر سنڌي ايسوسيئيشن آهي. هيٺ ڪجهه تصويرون ڏجن ٿيون.... باقي وڌيڪ ڄاڻ ٻئي ڪنهن ڏيندس. مهرباني. www.sindhunagar.com
ادا رنجيت اُلهاس نگر يا سنڌو نگر جي باري ۾ ڄاڻ ونڊڻ جي مهرباني۔ باقي توهان جي هن معلوماتي مضمون کي پڙهڻ کانپوءِ مونکي اها ڳالهه سئو فيصد سچ نظر پئي اچي ته آنڌيءَ ۾ جوت جلائڻ وارا سنڌي مِٽِيءَ کي سون بنائڻ وارا سنڌي شال هند سنڌ جا سمورا سنڌي هر هنڌ سُکيا ستابا هُجن، آمين
لک ٿورا ڀائڙا رنجيت؛ سائين نثار ناز جي ڪلام جيئان ته هٿن ۾ جوت هجي ته جهنگ به شهر ٿيو وڃي لک شاباسون سنڌي ڀائرن کي جن پنهنجي صلاحيتن کي هند ۾ به مڃرايو آهي ... اهڙا قرب پيو ڪندو ڪر ... ڀلا اها کولي نمبر هڪ ڪنهنجي آهي ... لڳي ٿو تو وارو ڪڙتو ۽ جين به سڪن پيا ... ٻيو اهو حاجي علي ڪير هو ۽ سمنڊ جي وچ ۾ ڪڏهن ۽ ڪيئن پهتو؟ سدائين سرهو هجين ...
سائين اها پهرين نمبر کولي بيريڪ نمبر 1 جو آهي جيڪو اسان جي گهر جي لڳولڳ آهي.. الله جي ديا ۽ توهان جهڙن ڀائرن جي دعا سان اسان کي هڪ فليٽ آهي. جنهن ۾ ٻه ڪمرا آهن. هتي الهاسنگر ۾ پنج نمبر يا کڻي ايئن چئجي ته پنج ڪئمپون آهن.. پنجين نمبر ۾ جينن جا وڏا وڏا ڪارخانا آهن. حاجي علي ...................... حاجي عليءَ جي درگاه 1430ع ۾ هڪ امير واپاريءَ پير سيد حاجي علي شاهه بخاريءَ ٺهرائي... حاجي علي بخاريءَ جنهن مڪي شريف هي زيارت ڪرڻ کان پهرين پنهنجي سڄي ملڪيت خيرات ڪري ڇڏي.. بخاريءَ سائين 1400ع ۾ پوري دنيا جي چوگرد گهمي آيو هو.. هن پير جو موت تڏهن ٿيو جڏهن هو مڪي شريف جي زيارت تي وڃي رهيو هو... معجري سان سندس لاش سمنڊ مان لڙهندو هتي ممبئي ۾ اچي پهتو.... هن درگاهه کي ممبئي جي سڃاڻپ پڻ ڪري چيو ويندو آهي... هتي هر جمعرات ۽ جمع تي لڳ ڀڳ 50000 ماڻهو زيارت ڪرڻ ايندا آهن. هن درگاه جي نئين سر جوڙجڪ جو ڪم جاري آهي. هتي ڪتب ايندڙ سنگ مرمر راجسٿان ۾ گهرائي وئي آهي جيڪا سنگ مرمر تاج محل ۾ استمعال ٿيل آهي... ادا نثار ابڙا صاحب... سائين مونکي جيتري ڄاڻ ملي اها مان هتي شيئر ڪري ڇڏي
