دوستو اسلام عليڪم...
گذريل مهينو سنڌ سلامت جي لاءِ ڪافي وزنائتو گذريو... ان مهيني سنڌ سلامت جو سرور لڳاتار اپ ڊائون ٿيندو رهيو ... ياد رهي ته هي اهو ئي هوسٽنگ سرور هيو جنهن سنڌ سلامت سان ابتدائي سال خوب ملهايو هيو.. پر جيئن ئي سنڌ سلامت فورم ٻئي سال ۾ داخل ٿيو ته فورم تي ٽريفڪ وڌڻ لڳي ۽ مسلسل 24 ڪلاڪ ۾ رڪنن سميت مهمان جو تعداد 50 کان گهٽ نه ٿيو.. فورم جي مسلسل مصروف هجڻ ڪري هوسٽنگ طرفان مليل بينڊ وڊٿ وڌيڪ خرچ ٿيڻ لڳي ۽ ضرورت پئجي وئي ته پنهنجي هوسٽنگ پيڪيج کي وڌائجي...
پر هوسٽنگ پيڪيج وڌائڻ باوجود سنڌ سلامت فورم تي ننڍا وڏا ايرر اچڻ جو سلسلو نه رڪيو جنهن جو اهم سبب سرور جي مسلسل مينٽيننس هئي... هر دفعي وانگر گذريل مهيني به فورم جي اپ ڊائون ٿيڻ جو سبب سرور جي اپگريڊيشن کي سمجهيو ويو پر هن دفعي هوسٽنگ وارن طرفان اي ميلز وصول ٿيون ته فورم جو بيڪ اپ ٺاهي وٺو جو سرور ڪنهن به ٽائيم ڪريش ٿي سگهي ٿو...
پنهنجي پروفيشنل مصرفيتن جي ڪري آءٌ ان طرف توجه نه ڏئي سگهيس جڏهن ته ادا علي علي پڻ پاڪستان ۾ اچڻ ۽ واپسي ڪري اي ميل نه پڙهي سگهيا... ۽ بي خيالي ۾ سنڌ سلامت جو بيڪ اپ حاصل ٿي نه سگهيو...
سرور جي ڪريش ٿيڻ تي هوسٽنگ ڪمپني فورم کي ٻئي سرور تي منتقل نه ڪري سگهي ... ۽ جڏهن حقيقت واضح ٿي ته خبر پئي ته سنڌ سلامت فورم اسان جي هٿن ۾ نه رهيو آهي...
اهو هڪ تمام ڏکوئيندڙ وقت هيو ... سنڌ سلامت فورم صرف نثار ناز يا انتظاميه ۾ شامل رڪنن سميت نثار ابڙو، علي علي، سليمان وساڻ يا منهنجي ملڪيت نه هو پر هي فورم نه رڳو فورم تي ايندڙن ۽ ساٿ ڏيندڙ سمورن رڪنن جو پر انهن سنڌين جو جيڪي مهمانن جي صورت ۾ اچڻ، اي ميلز ذريعي خيالن جو اظهار ڪرڻ، موبائيل ايس ايم ايس ۽ ڪالز ذريعي اسان جي همت وڌائيندڙ مهربانن جو پڻ هيو... سنڌ سلامت نه رڳو سنڌ جي وسندين، تاريخي ماڳن ۽ شهرن جي رونقنن ۾ رهندڙ سنڌين جو پر سنڌ کان ٻاهر پرديس ۾ رهي سنڌ ۽ سنڌيت جي پرچارڪ ڪندڙن جو پڻ فورم هيو...
منهنجي طرفان ننڍي پئماني تي شروعات ڪندڙ هي فورم ٿوري ئي وقت ۾ سمورين سنڌين جي سڃاڻپ ٿيڻ لڳو... فيس بوڪ تي ذاتي چيٽ هجي يا گروپ چيٽ گوگل پلس جا پروفائيل هجن يا ٽئٽر جا لنڪس مختلف بلاگ ۽ ويب سائيٽس هجن يا گوگل سرچنگ هر جاءِ تي ”سنڌ سلامت ... ساٿ سلامت“ جا لفظ چٽجڻ لڳا... ۽ دوست چاهي سلام دعا شروع ڪندا هجن يا موڪلاڻي وقت الله واهي لکندا هجن ”سنڌ سلامت ... ۽ ساٿ سلامت“ کي لکڻ نه وسارڻ لڳا...
سنڌين طرفان ايتري موٽ ۽ چاهت ملڻ کي ايترو جلد ۽ اهڙي نموني هٿن مان ويندو ڏسي يقينن مون وانگر ڪافي دوستن جون دليون دکيون هونديون... ان ڪري سڀني دوستن فيصلو ڪيو ته ڪنهن به صورت ۾ سنڌ سلامت کي ختم نه ڪيو ويندو ۽ پوري ڪوشش ڪري گذريل ڊيٽا هٿ ڪرڻ گهرجي ... ۽ جي اهو ممڪن نه هجي ته نئين شروعات ڪجي ۽ ٻيهر سنڌرا ٻڌي پنهنجي قوم جي درست رنگ کي ۽ پنهنجي مٺڙي ٻولي کي دنيا جي سامهون آندو وڃي..
دوستن جي اهڙن جذبن مون ۾ به همت آندي جنهن کان پوءِ ڪم کي ورهايو ويو... ادا علي علي جي مٿان ذميداري رکي وئي ته هُو هوسٽنگ ڪمپني سان ملن ۽ سندن کان سنڌ سلامت جو مڪمل بيڪ اپ حاصل ڪن چاهي ان لاءِ ڪا قيمت ادا ڪرڻي پوي... جڏهن ته سنڌ سلامت کي نئين سرور تي منتقل ڪرڻ ۽ نئين هوسٽنگ حاصل ڪرڻ سان گڏو گڏ ان تي سنڌ سلامت کي سجائڻ جي ذميداري منهنجي مٿان رکي وئي ان سلسلي ۾ ادا سليمان وساڻ پڻ منهنجي معاونت لاءِ موجود رهيا...
سنڌ سلامت جو ڊومين (سنڌ سلامت ڊاٽ ڪام) حاصل ڪري کي نئين سرور تي ٽرانسفر ڪرڻ لاءِ اي ميلز ڪيون ويون ان پروسيس ۾ 5 کان 7 ڏينهن گهربل هئا .. ان ڪري اڳ حاصل ڪيل سنڌ سلامت ڊاٽ نيٽ ڊومين کي نئن ورتل هوسٽنگ تي فعال ڪيو ويو ... ياد رهي ته موجوده هوسٽنگ دنيا جي مشهور ۽ پهريون نمبر چورائيندڙ ڪمپني ”گوڊيڊي“ کان خريد ڪئي وئي... جيئن ته هي هوسٽنگ لنڪس جي هئي ان ڪري ان کي سمجهڻ پڻ هڪ مسئلو هيو جنهن لاءِ ڏينهن جو مصروف هجڻ ڪري مون کي رات جو اضافي وقت ڏيڻو پيو ... مختلف ٽيوٽرل ۽ آرٽيڪل پڙهڻ سان گڏو گڏ ”گوڊيڊي“ جي سپورٽ ٽيم کان پڻ مدد ورتي وئي ... ان سان گڏو گڏ هتي مان پنهنجي محسنن محترم سلطان کوسو (سنگاپور)، رنجيت رام رکيو (انڊيا)، وهاب قمبراڻي (اسلام آباد)، عباس ”مگسي“ (ڪراچي) ۽ عامر ضياء چارڻ (دادو) جن جو پڻ ٿورائتو آهيان جن مختلف ٽپس ۽ هنٽس ڏئي منهنجي ڪم کي آسان بڻايو...
پر سنڌ سلامت کي واپس ورائڻ جو ڪريڊٽ يقينن ادا علي علي جن ڏانهن ويندو جو هو پنهنجي مسلسل مصروفيتن کي پاسي تي رکي پنهنجي هڙان وڙان خرچ ڪري گذريل هوسٽنگ وارن کان سنڌ سلامت جو مڪمل ڊيٽا بيس حاصل ڪرڻ ۾ ڪامياب ويو... ۽ اهڙي طرح سنڌ سلامت کي ساڳي پوزيشن ۾ واپس ورائڻ آسان ٿي پيو...
ان باوجود ته دوست مختلف ڪالز، ميسيجز ۽ اي ميلز ذريعي بار بار سنڌ سلامت بابت پڇندا رهيا جن کي مون سميت علي علي ۽ سليمان وساڻ صورتحال کان آگاهي ڏيڻ کان سواءِ سندن زور ۽ اسرار کي صبر ڪرڻ طرف ٽاريندا رهيا پر لڳاتار دير هجڻ ڪري دوستن جي مايوسي ۾ اضافو ٿيندو رهيو...
آخر ڪار مسلسل 20 ڏينهن جي محنت ۽ جستجو رنگ لاتو ۽ اڄ سنڌ سلامت پنهنجي ساڳي ڊومين سان نئين پوشاڪ زيب تن ڪري پنهنجي پٺيان اضافي خوبين ۽ طاقتن سان توهان سامهون آهي...
جيئن ته ”گوڊيڊي“ سنڌ سلامت فورم لاءِ نئين هوسٽنگ آهي ان ڪري ممڪن آهي ته ڪافي جڳهين تي اڻوڻايون، ايررس يا خاميون سامهون اچن... جنهن کي توهان طرفان نشاندهي ڏيکارڻ کان پوءِ وقت سر درست ڪيو ويندو...
دوستو يقينن هي هڪ ڏکيو مرحلو هيو جنهن مان سنڌ سلامت فورم گذريو... ۽ انتظاميه لاءِ پڻ ڪنهن امتحان کان گهٽ نه هو پر توهان جي پٺڀراين دعائن ۽ دوستن جي مسلسل ڪوششن ۽ محنتن هن ڏکئي ڪم کي آسان بڻايو... ان ڪري مون کي پنهنجي ٽيم تي فخر هجڻ سان گڏو گڏ سنڌ سلامت جي سمورن رڪنن تي پڻ ناز آهي جيڪي سنڌ سلامت جي دوري ڪجهه ڏينهن جي لاءِ به برداشت نه ٿا ڪن ۽ اسان جي همت ۽ سگهه بڻجي هر ڏکئي مرحلي کي آسان بڻائڻ ۾ اسان جا ساٿاري ۽ مددگار ثابت ٿا ٿين ... مون کي يقين آهي ته پنهنجو هي ڪاروان سمورن ڏکيائن ۽ پريشانين کي لتاڙي منزل طرف سفر جاري رکندو ...
الله پاڪ توهان ۽ اسان جو مددگار ۽ حامي رهي ...!
سنڌ سلامت .... ساٿ سلامت
گذريل مهينو سنڌ سلامت جي لاءِ ڪافي وزنائتو گذريو... ان مهيني سنڌ سلامت جو سرور لڳاتار اپ ڊائون ٿيندو رهيو ... ياد رهي ته هي اهو ئي هوسٽنگ سرور هيو جنهن سنڌ سلامت سان ابتدائي سال خوب ملهايو هيو.. پر جيئن ئي سنڌ سلامت فورم ٻئي سال ۾ داخل ٿيو ته فورم تي ٽريفڪ وڌڻ لڳي ۽ مسلسل 24 ڪلاڪ ۾ رڪنن سميت مهمان جو تعداد 50 کان گهٽ نه ٿيو.. فورم جي مسلسل مصروف هجڻ ڪري هوسٽنگ طرفان مليل بينڊ وڊٿ وڌيڪ خرچ ٿيڻ لڳي ۽ ضرورت پئجي وئي ته پنهنجي هوسٽنگ پيڪيج کي وڌائجي...
پر هوسٽنگ پيڪيج وڌائڻ باوجود سنڌ سلامت فورم تي ننڍا وڏا ايرر اچڻ جو سلسلو نه رڪيو جنهن جو اهم سبب سرور جي مسلسل مينٽيننس هئي... هر دفعي وانگر گذريل مهيني به فورم جي اپ ڊائون ٿيڻ جو سبب سرور جي اپگريڊيشن کي سمجهيو ويو پر هن دفعي هوسٽنگ وارن طرفان اي ميلز وصول ٿيون ته فورم جو بيڪ اپ ٺاهي وٺو جو سرور ڪنهن به ٽائيم ڪريش ٿي سگهي ٿو...
پنهنجي پروفيشنل مصرفيتن جي ڪري آءٌ ان طرف توجه نه ڏئي سگهيس جڏهن ته ادا علي علي پڻ پاڪستان ۾ اچڻ ۽ واپسي ڪري اي ميل نه پڙهي سگهيا... ۽ بي خيالي ۾ سنڌ سلامت جو بيڪ اپ حاصل ٿي نه سگهيو...
سرور جي ڪريش ٿيڻ تي هوسٽنگ ڪمپني فورم کي ٻئي سرور تي منتقل نه ڪري سگهي ... ۽ جڏهن حقيقت واضح ٿي ته خبر پئي ته سنڌ سلامت فورم اسان جي هٿن ۾ نه رهيو آهي...
اهو هڪ تمام ڏکوئيندڙ وقت هيو ... سنڌ سلامت فورم صرف نثار ناز يا انتظاميه ۾ شامل رڪنن سميت نثار ابڙو، علي علي، سليمان وساڻ يا منهنجي ملڪيت نه هو پر هي فورم نه رڳو فورم تي ايندڙن ۽ ساٿ ڏيندڙ سمورن رڪنن جو پر انهن سنڌين جو جيڪي مهمانن جي صورت ۾ اچڻ، اي ميلز ذريعي خيالن جو اظهار ڪرڻ، موبائيل ايس ايم ايس ۽ ڪالز ذريعي اسان جي همت وڌائيندڙ مهربانن جو پڻ هيو... سنڌ سلامت نه رڳو سنڌ جي وسندين، تاريخي ماڳن ۽ شهرن جي رونقنن ۾ رهندڙ سنڌين جو پر سنڌ کان ٻاهر پرديس ۾ رهي سنڌ ۽ سنڌيت جي پرچارڪ ڪندڙن جو پڻ فورم هيو...
منهنجي طرفان ننڍي پئماني تي شروعات ڪندڙ هي فورم ٿوري ئي وقت ۾ سمورين سنڌين جي سڃاڻپ ٿيڻ لڳو... فيس بوڪ تي ذاتي چيٽ هجي يا گروپ چيٽ گوگل پلس جا پروفائيل هجن يا ٽئٽر جا لنڪس مختلف بلاگ ۽ ويب سائيٽس هجن يا گوگل سرچنگ هر جاءِ تي ”سنڌ سلامت ... ساٿ سلامت“ جا لفظ چٽجڻ لڳا... ۽ دوست چاهي سلام دعا شروع ڪندا هجن يا موڪلاڻي وقت الله واهي لکندا هجن ”سنڌ سلامت ... ۽ ساٿ سلامت“ کي لکڻ نه وسارڻ لڳا...
سنڌين طرفان ايتري موٽ ۽ چاهت ملڻ کي ايترو جلد ۽ اهڙي نموني هٿن مان ويندو ڏسي يقينن مون وانگر ڪافي دوستن جون دليون دکيون هونديون... ان ڪري سڀني دوستن فيصلو ڪيو ته ڪنهن به صورت ۾ سنڌ سلامت کي ختم نه ڪيو ويندو ۽ پوري ڪوشش ڪري گذريل ڊيٽا هٿ ڪرڻ گهرجي ... ۽ جي اهو ممڪن نه هجي ته نئين شروعات ڪجي ۽ ٻيهر سنڌرا ٻڌي پنهنجي قوم جي درست رنگ کي ۽ پنهنجي مٺڙي ٻولي کي دنيا جي سامهون آندو وڃي..
دوستن جي اهڙن جذبن مون ۾ به همت آندي جنهن کان پوءِ ڪم کي ورهايو ويو... ادا علي علي جي مٿان ذميداري رکي وئي ته هُو هوسٽنگ ڪمپني سان ملن ۽ سندن کان سنڌ سلامت جو مڪمل بيڪ اپ حاصل ڪن چاهي ان لاءِ ڪا قيمت ادا ڪرڻي پوي... جڏهن ته سنڌ سلامت کي نئين سرور تي منتقل ڪرڻ ۽ نئين هوسٽنگ حاصل ڪرڻ سان گڏو گڏ ان تي سنڌ سلامت کي سجائڻ جي ذميداري منهنجي مٿان رکي وئي ان سلسلي ۾ ادا سليمان وساڻ پڻ منهنجي معاونت لاءِ موجود رهيا...
سنڌ سلامت جو ڊومين (سنڌ سلامت ڊاٽ ڪام) حاصل ڪري کي نئين سرور تي ٽرانسفر ڪرڻ لاءِ اي ميلز ڪيون ويون ان پروسيس ۾ 5 کان 7 ڏينهن گهربل هئا .. ان ڪري اڳ حاصل ڪيل سنڌ سلامت ڊاٽ نيٽ ڊومين کي نئن ورتل هوسٽنگ تي فعال ڪيو ويو ... ياد رهي ته موجوده هوسٽنگ دنيا جي مشهور ۽ پهريون نمبر چورائيندڙ ڪمپني ”گوڊيڊي“ کان خريد ڪئي وئي... جيئن ته هي هوسٽنگ لنڪس جي هئي ان ڪري ان کي سمجهڻ پڻ هڪ مسئلو هيو جنهن لاءِ ڏينهن جو مصروف هجڻ ڪري مون کي رات جو اضافي وقت ڏيڻو پيو ... مختلف ٽيوٽرل ۽ آرٽيڪل پڙهڻ سان گڏو گڏ ”گوڊيڊي“ جي سپورٽ ٽيم کان پڻ مدد ورتي وئي ... ان سان گڏو گڏ هتي مان پنهنجي محسنن محترم سلطان کوسو (سنگاپور)، رنجيت رام رکيو (انڊيا)، وهاب قمبراڻي (اسلام آباد)، عباس ”مگسي“ (ڪراچي) ۽ عامر ضياء چارڻ (دادو) جن جو پڻ ٿورائتو آهيان جن مختلف ٽپس ۽ هنٽس ڏئي منهنجي ڪم کي آسان بڻايو...
پر سنڌ سلامت کي واپس ورائڻ جو ڪريڊٽ يقينن ادا علي علي جن ڏانهن ويندو جو هو پنهنجي مسلسل مصروفيتن کي پاسي تي رکي پنهنجي هڙان وڙان خرچ ڪري گذريل هوسٽنگ وارن کان سنڌ سلامت جو مڪمل ڊيٽا بيس حاصل ڪرڻ ۾ ڪامياب ويو... ۽ اهڙي طرح سنڌ سلامت کي ساڳي پوزيشن ۾ واپس ورائڻ آسان ٿي پيو...
ان باوجود ته دوست مختلف ڪالز، ميسيجز ۽ اي ميلز ذريعي بار بار سنڌ سلامت بابت پڇندا رهيا جن کي مون سميت علي علي ۽ سليمان وساڻ صورتحال کان آگاهي ڏيڻ کان سواءِ سندن زور ۽ اسرار کي صبر ڪرڻ طرف ٽاريندا رهيا پر لڳاتار دير هجڻ ڪري دوستن جي مايوسي ۾ اضافو ٿيندو رهيو...
آخر ڪار مسلسل 20 ڏينهن جي محنت ۽ جستجو رنگ لاتو ۽ اڄ سنڌ سلامت پنهنجي ساڳي ڊومين سان نئين پوشاڪ زيب تن ڪري پنهنجي پٺيان اضافي خوبين ۽ طاقتن سان توهان سامهون آهي...
جيئن ته ”گوڊيڊي“ سنڌ سلامت فورم لاءِ نئين هوسٽنگ آهي ان ڪري ممڪن آهي ته ڪافي جڳهين تي اڻوڻايون، ايررس يا خاميون سامهون اچن... جنهن کي توهان طرفان نشاندهي ڏيکارڻ کان پوءِ وقت سر درست ڪيو ويندو...
دوستو يقينن هي هڪ ڏکيو مرحلو هيو جنهن مان سنڌ سلامت فورم گذريو... ۽ انتظاميه لاءِ پڻ ڪنهن امتحان کان گهٽ نه هو پر توهان جي پٺڀراين دعائن ۽ دوستن جي مسلسل ڪوششن ۽ محنتن هن ڏکئي ڪم کي آسان بڻايو... ان ڪري مون کي پنهنجي ٽيم تي فخر هجڻ سان گڏو گڏ سنڌ سلامت جي سمورن رڪنن تي پڻ ناز آهي جيڪي سنڌ سلامت جي دوري ڪجهه ڏينهن جي لاءِ به برداشت نه ٿا ڪن ۽ اسان جي همت ۽ سگهه بڻجي هر ڏکئي مرحلي کي آسان بڻائڻ ۾ اسان جا ساٿاري ۽ مددگار ثابت ٿا ٿين ... مون کي يقين آهي ته پنهنجو هي ڪاروان سمورن ڏکيائن ۽ پريشانين کي لتاڙي منزل طرف سفر جاري رکندو ...
الله پاڪ توهان ۽ اسان جو مددگار ۽ حامي رهي ...!
سنڌ سلامت .... ساٿ سلامت
