ايوب کوسو ننڊ پاسي رکي ، ڀرجهلا سارجن۔

[Abdul Wahid Soomro]

ننڊ پاسي رکي ، ڀرجهلا سارجن۔
زلف ڪارا، هٿن جا ڇلا سارجن۔

پنڌ ڌوڏي ڀلي، وقت لوڏي ڀلي،
آء اُس ۾ هلي، قافلا سارجن۔

دل تي اوندھ چڙهي ٿي وڃي تو سوا،
تون ٻُڌا زخم ڪيسين ڀلا سارجن۔

پاڻ آهيون ڪٿي، ساڻ آهيون ڪٿي؟
هاڻ آهيون ڪٿي؟ فاصلا سارجن۔

مينهن وسندي جا فرصت آ ٿوري ملي،
ڇو نه ڪنهن جا وچن دادلا سارجن۔

چئو جنازا کڻون يا چُمئ جو پڇون؟
ڪهڙا ڪهڙا پرين مسئلا سارجن۔

پنهنجي تاريخ جي آ تقاضا اها،
اجرڪن کي چمي روپلا سارجن۔

ايوب کوسو