جوڳي سنڌي

[جوڳي سنڌي]

سمورن دوستن کي سلام!
منهنجو نالو محمد اقبال آهي، ذات جوڻو آهي ۽ رهائش قاضي احمد ۾ آهي. هڪ دوست ’ابو واصف‘ سان نيازمندي آهي، سندس مشوري تي هيءَ سائيٽ وزٽ ڪئي اٿم. سنڌيءَ ۾ ويب سائيٽون تمام گهٽ ڏسڻ ۾ آيون آهن. ماشاءَ الله هيءَ سائيٽ تمام سُٺي لڳي.

آئون موبائل سافٽويئر، ايپليڪيشن ۾ سٺو تجربو رکان ٿو. اميد آهي ته انهن سان رليٽڊ ڪارائتون ڳالهيون سمورن دوستن سان شيئر ڪندو رهندس.

جيئي سنڌ

 

[رشيد سمون]

ادا اقبال توهان دنيا جي پهرين وڏي سنڌي فورم تي آيو اسان جون اکيون ٿڌيون ٿيون۔۔۔۔
ادا ابو واصف جا به لک لائق جن توهان کي سنڌ سلامت بابت آگاهي ڏني۔۔۔۔
اسان کي پوري اميد آهي ته توهان هتي اچي پنهنجا يادگار لمحا گذاريندو۔۔۔۔ توهان جي اچڻ سان موبائيل وارو سيڪشن به اڳتي ايندو۔۔۔۔ بس هاڻي انتظار آهي توهان جي ڀلوڙ ۽ تڪڙي لکڻي جو۔۔۔۔
سنڌ سلامت ساٿ سلامت

 

[زاهد سومرو]

ادا اقبال اوهان جا لک قرب جو اوهان اسان جي هن ننڍڙي پريت ڀريي اڱڻ تي ڪهي آيا۔۔۔ اسان تمام گهڻو شُڪر گذار آهيون ساائين ابو واصف صاحب جن جا، جن اوهان جهڙن موتين کي ميڙي هن ميڙ جي رونقن کي مزيد وڻندڙ بڻايو آهي۔۔۔۔۔۔

ادا اوهان جي خوش قلم لکڻين جو شدت سان انتظار رهندو۔۔۔

مهرباني ڀاءُ

 

[نثارابڙو]

سهڻا جوڳي ۔۔۔ڀلي ڪري آيا
سدا جيئي سنڌ؛
اسانجون اکيون ٿڌيون، اسانجي هن ننڍڙي سٿ ۾ فقير ته هيا پر هاڻ جوڳي به آيا آهن ... جوڳي من جا نه ميرا سڪ جو ساز وڄائن ... اوهانجي سڪ ۽ پريت سان علمي ڏي وٺ ٿيندي رهندي .. چار يار گڏ ٿين ته ٻيڙا ئي پار ...
هڪ دفعو ٻيهر ڀلي ڪري آيا جي آيا ...
نثار ابڙو
مڪو پاڪ

shal judy hujeen


sindhsalamatsaathsal

 

[عظيم]

سائين جوڳي سنڌي صاحب
سنڌ سلامت جي اڳڻ تي ڀلي ڪري آيا اوهان جي نڪور لکڻين جو انتظار رهندو
bhali kareayabhali kareaya
sindhsalamatsaathsal
sindhsalamatsaathsal

 

[ڦلپوٽو فقير]

ادا اقبال اسان اوهان کي سنڌ سلامت جوائن ڪرڻ تي ڀليڪار چئون ٿا اميد آهي ته توهان جو ۽ اسان جو ڀرپور ساٿ رهندو .
سنڌ سلامت جوائن ڪرڻ تي توهان هي مون جي پاران گلن جا تحفا قبول ڪيو

[/CENTER]


shal judy hujeen


sindhsalamatsaathsal

 

[ابو واصف]

ايندين چونئي اَچُ، ويندي چَوَنئي ويهه،
ڇَڏي سارو ڏيهه، اَڱڻَ اچجي اُن جي.
جيءُ آئين جيءَ جيارا جوڳي! تمام لک لائقَ جو منهنجو ڳاٽُ اوچو ڪيوَ. مهرباني فرمائي هاڻي منهنجي سُستيءَ واري ڪسر به اوهان ئي پوري ڪندا ۽ هن سٿ کي موبائيل جي سيمبين سسٽم متعلق آگاهي ڏيندا ۽ اوهان سان موبائل تي سنڌي فانٽن ۾ جيڪي اوڻايون درپيش آهن، اهي هن فورم تي ضرور شيئر ڪندا، ممڪن آهي ته اوهان کي ڪا رهنمائي ملي سگهي. منهنجي پاران هيءُ ننڍڙو تحفو دل جي اٿاهه گهراين سان قبول فرمائيندا:

يار باشد! صحبت باقي

 

[رشيد سمون]

۔۔۔۔۔ هن سٿ کي موبائيل جي سيمبين سسٽم متعلق آگاهي ڏيندا ۽ اوهان سان موبائل تي سنڌي فانٽن ۾ جيڪي اوڻايون درپيش آهن، اهي هن فورم تي ضرور شيئر ڪندا، ممڪن آهي ته اوهان کي ڪا رهنمائي ملي سگهي.۔۔۔۔۔

ادا اهو ڪهڙو سسٽم آهيي ۔۔۔ هاڻي ته واقعي به تجسس ٿي پيو۔۔۔۔
ٻيو ته ڇا اهڙو واقعي به ڪو موبائيل مارڪيٽ ۾ آيو آهي ڇا جنهن ۾ مڪمل سنڌي اکرن جي سپورٽ موجود هجي۔۔۔۔۔۔۔ اهو به ٻڌايو ته ڇا توهان موبائيل لاءِ سنڌي فونٽس تي ڪم ڪري رهيا آهيو؟

 

[ابو واصف]

سائين منهنجا السلام عليڪم!
ادو جوڳي منهنجو تقريباً 1986 کان دوست آهي، هو منهنجو ڪلاس فيلو پڻ رهي چڪو آهي. وقت جي لوڏن لهرن جي ڪري تقريباً 1992ع کان وٺي وڇوڙو ٿي چڪو هو، اتفاق سان هو مون کي وري 2006ع ۾ ملي ويو. پوءِ ته خوب ڪچهرا ٿيا. هڪ ٻئي سان ويچار ونڊياسين. جڏهن هن عاجز کيس ٻُڌايو ته آئون ڪمپيوٽر سان وابسته آهيان ۽ سنڌي فانٽن جي موڊيفاءِ تي ڪم پڻ ڪيو آهي، ان سان گڏوگڏ ڊزائننگ ڏانهن پڻ رجحان آهي، منهنجي واتان اهو ٻڌي، ڏاڍو خوش ٿيو ۽ ڪجهه حيرت انگيز ڳالهيون پڻ ڪيائين. سندس چواڻيءَ موجب ته آئون موبائيل تي ’سيمبين سسٽم‘ سان هٿ چُراند ڪريان پيو. مون کي توهان کان سنڌي فانٽن جي سلسلي ۾ رهنمائي گهرجي. سائين! سَچُ پُڇو ته مون کي به اوهان وانگر ئي تمام گهڻي حيرت به ٿي ته خوشي پڻ ٿي ته هاڻي اسين ڪمپيوٽر وانگر موبائيل تي به سنڌي چيٽنگ کي ممڪن بڻائي سگهون ٿا.

موصوف صاحب تازو 3 ڏينهن اڳ ڪنهن ڪم سانگي حيدرآباد آيو ته مون سان رابطو رکيائين. پر مصروفيتن سبب يڪسوئيءَ سان ڳالهه ٻولهه نه ٿي سگهي. بهرحال اها خوشيءَ جهڙي ڳالهه آهي ته موبائيل تي به سنڌي فانٽن سان ’هٿ چُراند‘ ٿي رهي آهي. باقي جيستائين موبائيل تي سنڌيءَ جي سپورٽ جو مسئلو آهي، ته منهنجو خيال آهي ته اهو به ساڳيو عربي، فارسي يا وري اردو ٻوليءَ جي سهڪار سان ’هٿ چُراند‘ ڪرڻ سان ڪو کَڙُ تيل نڪري سگهي ٿو. باقي ان سلسلي ۾ دوست ئي صحيح رهنمائي ڪري سگهي ٿو. سندس چواڻي ته نوڪيا ڪمپني جي موبائيل جا جيڪي ’اين سيريز‘ يا ان کان جديد سيٽ آهن، انهن جو سسٽم ’سيمبين‘ آهي.

صاحب موصوف قاضي احمد شهر جي هڪ ننڍي ڳوٺ سان تعلق رکي ٿو، جتي بجليءَ جي مسلسل اکٻوٽ هئڻ سبب هن فورم تي پنهنجا ويچار نه ونڊي سگهيو آهي۔ ساڻس رابطي ۾ آهيان. جيئن ئي هو لاگ آن ٿيو ته انشاءَ الله انهيءَ سلسلي ۾ اسان سڀني جي رهنمائي ڪندو.