پيارا سنڌ سلامت جا ساٿيو ڪافي ڏينهن کان پوءِ مجاز جنهن ۾ جُدائي جِي جهورِيءَ جا اُڌما ڀرجي آيا آهن پنهنجي شاعري جي روپ ۾ توهان سان ونڊ پيو ڪريان نثارناز جي دل جي ڳالهه جيڪڏهن توهان پنهنجي دل جي ڳالهه سمجهو تڏهن به خير آهي نثار ناز هُونئن ئي ٽي درجي وارو شاعر آهي نهايت ئي خوشيءَ سان توهان جي واڌو ڪاٽو راين جو منتظر رهندو اسان لُڙڪ لَڙيون سدائين وهايون توهان جا بهارن تي آهن گُذارا
جواب: توهان ڀي وساري ڇڏيو ڇو پيارا؟ غزل (نثاراحمدناز اسان لُڙڪ لَڙيون سدائين وهايون توهان جا بهارن تي آهن گُذارا سائين نثار ناز سلام اوهان پنهنجي دل جا اڌما ۽ احساس لفظن جي روپ ۾ ونڊ ڪيا آهن۔ سچ ته لاجواب ۽ شهڪار غزل آهي۔ هر بند هر سٽ بهترين ۽ وڻندڙ۔ نثار ناز تي ڏات جي ديوي هاڻي گهڻو مهربان آهي۔ نثار ناز جا جذبا جوان آهن۔ بهترين غزل پيش ڪرڻ تي واڌايون۔
جواب: توهان ڀي وساري ڇڏيو ڇو پيارا؟ غزل (نثاراحمدناز اسان ناهي وساريو اوهان کي سائين ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تمام بهترين شآعري ۽ ڊيزائن بابا
جواب: توهان ڀي وساري ڇڏيو ڇو پيارا؟ غزل (نثاراحمدناز واهه سائين واهه لاجواب۔۔۔ جنهن جو ڪو جواب ئي ناهي تمام پيارو ونڊ۔۔۔ مهربانيون۔۔۔۔!
جواب: توهان ڀي وساري ڇڏيو ڇو پيارا؟ غزل (نثاراحمدناز ادا محمد سليمان وساڻ وعليڪم السلام : توهان منهنجي هن غزل کي شاهڪار غزل چئي منهنجي غريباڻي شاعري جو مان وڌائي ڇڏيو، ڏات جي ديوي جون دوست ڳالهيون ڇڏي ڏي، وڏي استاد ديوي اٿو، ڪنهن کي ڌڙڪو ڪنهن کي دلاسو، ڪنهن کي اکيون ڀڃڻ ڪنهن کي اشارو، اسان سان ته ڪو خدا ڪارڻ جو وير اٿس جو پُٽڪا پلاند ۽ پوتيون لاهيو لاهيو ٿڪيو پئون تڏهن مس وڃين ٿي رڳو پنهنجو پاڻ پسائي، ۽ جمعاڻي چنڊاڻي وڃي ڪا تخليق جُڙي راس ٿئي۔ مٺا پرائي وس آهيون ڇا ڪريون؟ توهان پنهنجي پسنديدگي جا پيار اسان مٿان واريو ٿا لک لائق۔
جواب: توهان ڀي وساري ڇڏيو ڇو پيارا؟ غزل (نثاراحمدناز جي توهان ڪونهي وساريو ته ڇا ٿيو ، توهان جي پاڙيسرين، توهان جي پنهنجن ، توهان جي پرايَن، توهان جي ويجهن ، توهان جي پري وارن، توهان جي دوستن، توهان جي دشمنن، ڪنهن نه ڪنهن ته ضرور وساريو آهي جو جهونو نثارناز هٿن مان پيو وڃي، جانم سمجها ڪرو۔۔۔۔۔۔۔۔۔۔!! شاعر بهترين ۽ ڊيزائن به بهترين چئي اسان کي حوصلا افزايون ڏيو ٿا۔ لک لائق ۔مهربانيون۔
جواب: توهان ڀي وساري ڇڏيو ڇو پيارا؟ غزل (نثاراحمدناز مهربانيون ادا آروزو جون جو اسان جي هن ڪم تر شاعري کي لاجواب ۽ پياري ونڊ چئي اسان جون همت افزايون ڪيون ۽ اسان جا حوصلا وڌايا لک لائق ادا آرزو جا۔
جواب: توهان ڀي وساري ڇڏيو ڇو پيارا؟ غزل (نثاراحمدناز توهان جا بهارن تي آهن گُذارا سائين تمام بھترين تخليق پر سائين مان سمجھان ٿو ته ھو اسان کان وڌيڪ سورن ۾ آھن۔
جواب: توهان ڀي وساري ڇڏيو ڇو پيارا؟ غزل (نثاراحمدناز ادا نثار ناز صاحب۔اسلام عليڪم۔سائين مهنجا توهان جي شاعري هڪ خوبصورت احساسن ۽ دل جي نازڪ ڪيفيتن تي مشتمل آهي۔هن شاعري مان اهو انداز لڳائي سگهجي ٿو ته توهان ڪسر نفسي کان ڪم پيا وٺو ورنه توهانجي لاجوب شاعري ڪنهن به گريڊ جي محتاج نه آهي۔هن قسم جو شاعر ي ٽيئن درجي جي شاعري ته ڪنهن به حالت ۾ نه چئبي۔ توهان جي شاعري جو هئي لائينون اسان کي تمام گهڻو پسند آيون ۔ وسارڻ گُهريا مُون مگر ڪين وسريا، توهان جون ادائون،توهان جا اشارا۔ بيشڪ هو ته ڏاڍا خوش قسمت هوندا جن جي ادائن ۽ اشارن کي توهان وساري نه ٿا سگهو۔
جواب: توهان ڀي وساري ڇڏيو ڇو پيارا؟ غزل (نثاراحمدناز سنڌ سلامت جي عاشق ، عاشق سولنگي جا ٿورا جو کين اسان جي هي شاعري بهترين تخليق لڳي۔ مگر ڀائو ڪير وڌيڪ سُورن ۾ آهي ۔۔۔۔۔۔۔۔۔۔۔۔۔۔۔۔۔۔ جي پوڙهو نثارناز سُورن ۾ آهي ته جهوني کي سُور کائڻ ڏيو گهڻا ڏينهن مستيون ڪيون ٿس۔
جواب: توهان ڀي وساري ڇڏيو ڇو پيارا؟ غزل (نثاراحمدناز محترم غلام مصطفى ميمڻ صاحب جا ٿورا جو منهنجي هن شاعري تي تفصيل سان ڪامينٽس ڏنا آهن ، ۽ منهنجي هن غريباڻي غزل کي مختلف ڪيفيتن ۽ احساسن جو مجموعو قرار ڏنو اٿس۔ ادا ڪسر نفسي ۾ به هڪڙو راز پوشيده آهي: لطيف سائين جن فرمائن ٿا ته: الله ڏاهي مَ ٿيان، ڏاهيون ڏُک ڏسن، ڀوريون ڀتار سين کليو کير پيئن، مون سِين مُون پِرِيَنِ ڀورائي ۾ ڀال ڪيا۔ ادا شاعري کي گريڊ ڏيڻ توهان محبتي ماڻهن جو ڪم آهي ۽ توهان ته ماشاالله پنهنجي پسنديدگيءَ جو اظهار ڪري منهنجي شاعري کي اي ون گريڊ ڏيئي ڇڏيو آهي جنهن جا ٿورا مان يا ڄمار لاهي نٿو سگهان ، مون شاعريءَ جي گريڊ جِي ته ڪڏهن به ڳالهه ڪانه ڪئي آهي ، پر صرف پنهنجو پاڻ کي ٽي درجي وارو شاعر سمجهندو آهيان ، ڇو جو مونکي خبر آهي ته مان ڪيتري پاڻي ۾ آهيان۔ سائين ڪهڙي ٿا ڳالهه ڪريوجن جون ادائون ۽ اشاراسان کان نٿا وسرن اهي ته سدائين خوشقسمت ۽ خوشنصيب آهن ئي آهن پر اسان به پنهنجو پاڻ کي خوش قسمت ٿا سمجهون جو انهن جي ادائن ۽ اشارن کي اڃان تائين وساري نه سگهيا آهيون. الله سائين توهان کي سدائين آباد رکي جو پنهنجا پُر خلوص پيار مون مٿان واريو ٿا۔
