سالارو سنڌي اڇو ڪڪڙ، سالارو اردو سفيد مرغا عربي برطانيقي پنجابي جل چلي .سل گار ،سل سڌها طب،تامل : جيتا آڌاري گجراتي لاپاوي انگريزيQuail grass لاطيني Celdosia argentea خاندان Amaranthaceae سڃاڻپ سروالي جو ٻوٽو برسات جي موسم ۾ جوار ٻاجھر وغيره جي پوک ۾ تمام گھڻو پيدا ٿئي ٿو هن جي نازڪ پنن جو ساڳ کاڌو وڃي ٿو. هي لڳ ڀڳ ميٽر کن ڊگھو هوندو آهي. هن جا پن تبديل ٿيندڙ ساڍا ٽي سينٽي ميٽر ڊگھا ۽ اڌ سينٽي ميٽر ويڪرا هوندا آهن.هن جا گل شروع ۾ گلابي ان کان پوءِ سفيد ٿي وڃن ٿا. ٽاريون سڻڀيون ڳاڙهاڻ مائل هونديون آهن هن جي ٽارين جي آخر ۾ گل لڳي ٿو.هٿ لڳائڻ سان نرم محسوس ٿئي ٿو جيڪڏهن سڪل گل کي هٿ سان مهٽي صاف ڪيووڃي ته خشخاش جي داڻن کان ٿورا وڏا چمڪدار داڻا نڪرن ٿا هي ٻوٽو عام آهي سنڌ جي سرزمين تي انتهائي بهتر ٿئي ٿو مون خود لڳائي هن جا ٻج ڪڍياهئا. مقام پيدائش : پاڪستان سنڌ کان سواءِ انڊيا چائنا سري لنڪا ٽراپيڪل ايشيا،امريڪا ۽ آفريڪا ۾ ڪثرت سان ٿئي ٿو مقدار وخوراڪ ٻج 6گرام مزاج سرد خشڪ مضر اٻڙڪا پيدا ڪري ٿو استعمال ۾ ايندڙ جز ٻج پاڙ ۽ پن فائدا سروالي جي ٻجن کي ڪٽي سفوف ڪري اڪيلو به استعمال ڪيو ويندو آهي مغلظ مني هئڻ ڪري جريان ۾ مفيد آهي .ذيابيطس ۾ به ڪارائتو آهي ان ۾ هن جو ساڳ رڌي کارايو وڃي ٿو هن جا پن دافع بخار آهن هن جا پن سوڄ لاءِ استعمال ڪيا وڃن ٿا مقوي باه به آهن سوزاڪ ۽ جگر ۾ فا.ئدو ڪن ٿا. هن جي پنن جي ڏانڊين مان لپري ٺاهي وڃي ٿي، هن جا گل جلدي سوڄ ۾ ليپ ڪيا وڃن ٿا.هي اڄ ڪلهه ڪثرت حيض پيچش واتان رت اچڻ بواسير سيلان الرحم۾استعمال ڪرايا وڃن ٿا.هن جا ٻج کٽا آهن. جيڪي ڪيڙا خارج ڪرڻ ۾ مدد ڪندا آهن. ٻج دستن پيچش رت جي بيمارين وات جي زخمن ۾ به استعمال ڪرايا وڃن ٿا. اهڙيءَ طرح اکين جي بيماري به هن جو استعمال ٿيندو آهي. ڪيميائي جز هن ٻوٽي ۾ بيٽانين ۽ تمام گھڻا اسٽيرول هوندا آهن ايمارسن ،ايمارسٽن، آئيو ايماريتين سيلوسيانن ۽ آئسوسيلوسيانن هوندو آهي.هن جي ٻج ۾ 10.1کان 12.8سيڪڙو پروٽين هوندي آهي هن مان 7.2کان 7.9 تيل نڪري ٿو ڪولن اينٿرس آف هائيلونورڪ ايسڊ ٻوٽي مان حاصل ڪري ڪوئن کي کارايو ويو ته اينٽي السر ۽ گيس کي ختم ڪرڻ لاءِمؤثر رهيو. مرڪبات مرڪبات سفوف دارچيني والا، سفوف ڪلان
جواب: سالا رو سائين تمام مفيد نسخو شيئر ڪرڻ تي اوهان جون مهربانيون ائين ڪڏهن ڪڏهن پنهنجي فيض جي درياه مان اسان کي به مستفيد ڪندا ڪيو ۔ جزاڪم الله خيرا
جواب: سالا رو محترم رحيم بخش صاحب اسلام عليڪم اميد ته سرها هوندا ۔دعا ڪندا ته لاڳيتو سنڌ سلامت تي لکندا رهون
جواب: سالا رو سائين محمد يوسف صاحب توهان جي اهڙي ناياب نسخن جو ته اصل انتظار هوندو آهي لاجواب ونڊ ڪرڻ تي توهان کي جس هجي سائين بس پارت اٿئو پنهنجي مصروف ترين وقت مان ڪجهه وقت سنڌ سلامت فورم کي به ڏيندا ڪريو سدائين گڏ
جواب: سالا رو کتري صاحب معلومات ڏيڻ لاءِ مهرباني۔ هي خاصيتون ٻوٽن ۾ قدرت واري جي ڪمال سان موجود آهن۔ انهن خاصيتن جي ذميوار جزن (ڪيميڪلس) جي ڳولا هڪ بهترين تحقيق آهي جيڪا هن وقت تائين تمام گهڻي ٿي چڪي آهي۔ ۽ انهي تحقيق جي اهميت انهي ڪري آهي ته هڪ ٻوٽي ۾ لکين ڪيميڪلز ٿين ٿا جن مان ڪي ڪنهن بيماري تي ته ڪي ڪنهن بيماري تي پون ٿا۔ پر ڪڏنهن ڪڏنهن انهن مان ڪجه ڪن مرضن تي ابتو اثر به ڪن ٿا۔ يا وري الله تعالئ ٻوٽن جي دفاعي طاقت لاءِ ڪجه اهڙا خطرناڪ جزا به رکيا آهن جيڪي انسان لاءِ خطرناڪ هجن ٿا۔ تنهڪري ٻوٽن جي ڪيميڪل چڪاس ۽ انهن جي ڪيميڪل جوڙجڪ ڏسڻ کي همٿايو وڃي ٿو۔ ۽ نتيجي ۾ جيڪا معلومات ملي ٿي اها هيٺ ڪوٽ ڪجي ٿي کتري صاحب جي تحرير مان ئي۔ انهي ئي تناظر ۾ منهنجي پي ايڇ ڊي جو ٽاپڪ به آهي۔ مون پنهنجي پي ايڇ جي ڪم لاءِ سنڌ ۾ عام جام موجود ڪانڊيرو ۽ چلهه (ساڳ) چونڊيا جن جا حڪمت ۾ استعمال ته کوڙ آهن پر ڪيميڪل جزن جي چڪاس گهٽ ٿي آهي۔ ڪافي ڪم ٿي چڪو آهي جنهن بابت تفصيل بعد ۾ ونڊ ڪبي۔ هتي کتري صاحب کي عرض آهي ته انهن ٻوٽن بابت ڪا وڌيڪ ڄاڻ (خاص طؤر تي حڪمت جي استعمال جي حوالي سان) هجي ته مون سان ونڊ ڪن۔ مهرباني۔
