Uploaded with هڪ خيال اي زمانا! عشق جا سڀ قصا ساڙائي ڇڏ،, پٿرن سان سڀ مجنون مارائي ڇڏ، دلين جا سڀ گلشن ويران ڪرائي ڇڏ، ذهن جا سڀ دروازا ٻيڪڙائي ڇڏ، نظرن جا سڀ رستا روڪي ڇڏ، گيت ڳائيندڙ سڀ زبانون ڪٽرائي ڇڏ، اي زمانا! وري عشق جو نئون قصو جنم وٺندو، وري نئون مجنون پاڻ ملهائيندو، وري دلين جو گلشن آباد ٿي پوندو، وري ذهن جو نئون دروازو کلي پوندو، وري نيڻن ۾ پيار جو رستو ظاهر ٿيندو، وري پيار جو گيت ڳائبو، اي زمانا! ڇا تون سج کي روشن ٿيڻ کان روڪي سگهيو آهين، ڇا تون هوائن جا رستا روڪي سگهيو آهين، ڇا تون آسمان مان وسندڙ مينهن کي جهلي سگهيو آهين، ڇا تون ڄم ۽ موت تي قبضو ڪري سگهيو آهين، ڇا تون چنڊ جو رستو بدلائي سگهيو آهين، ڇا تون زمين جا سڀ سلا سُڪائي سگهيو آهين، اي زمانا! تون پنهنجي ڪرت ڪندو رهه ۽ فطرت پنهنجي ريت نڀائيندي رهندي ... اي زمانا! هار تنهنجي پڪي آهي .... ڪالهه، اڄ ۽ صبحاڻي
جواب: هڪ خيال زبردست خيال آهي سائين، تمام گهڻو همٿائيندڙ ۽ حوصلو ڏيندڙ خيال ونڊڻ لا اوهان جي مهرباني
جواب: هڪ خيال اي زمانا! ڇا تون سج کي روشن ٿيڻ کان روڪي سگهيو آهين، ڇا تون هوائن جا رستا روڪي سگهيو آهين، ڇا تون آسمان مان وسندڙ مينهن کي جهلي سگهيو آهين، ڇا تون ڄم ۽ موت تي قبضو ڪري سگهيو آهين، ڇا تون چنڊ جو رستو بدلائي سگهيو آهين، ڇا تون زمين جا سڀ سلا سُڪائي سگهيو آهين، ادا نثار ابڙو صاحب۔توهانجي خيال اسان کي اسپيچليس ڪري ڇڏيو۔سائين منهنجا ايڏا لاجواب ۽ حقيقت تي مبني خيال جي باري ۾ اسان ناچيز ڇا ڪمينٽس ڏيون۔تواهانجي صلاحيتن جو هي نئون رنگ پنهنجو مٽ پاڻ آهي۔هڪ ته خيال تمام بهترين مٿان وري توهان جي چٽيل ڊيزائن سوني تي سهاڳ جو ڪم ڪري ڇڏيو۔وه سائين وه۔
جواب: هڪ خيال سائين نثار سلام سچ ته اوهان جي مٿين جملن ۾ سئو في صد سچائي آهي۔ زماني جو قدرت ۽ فطرت تي ڪوبه ڪنٽرول ناهي۔ هوائون آزاد آهن، سوچون آزاد آهن، خيال آزاد آهن۔ زبانن تي تالا آهن پر سوچون آزاد آهن، اسان کي نفرت ۽ محبت جي آزادي آهي۔
