[JUSTIFY]محبت ڪرڻ سڀني جو حق آهي ۽ نفرت جو حق به سڀني کي آهي۔ محبت ته امر آهي، محبت ۽ پيار جي ڪا معراج ناهي، محبت کي ماپڻ جو به ڪو پيمانو ناهي، پر نفرت به محبت جو هڪ انداز آهي، نفرت ڪندڙ ماڻهو اوهان کي هر وقت ياد ڪري ٿو ۽ اوهان سندس دماغ تي قابض هوندا آهيو۔ ڪنهن چيو ته جيڪڏهن ڪوئي به مونسان محبت ڪري يا نفرت ڪري اها منهنجي حق ۾ آهي۔ ڇو ته جيڪڏهن اوهان مونسان نفرت ڪندا ته مان اوهان جي دماغ ۾ ۾ ويهي رهندس ۽ جيڪڏهن اوهان مونسان محبت ڪندا ته مان اوهان جي دل ۾ گهر ڪري ويهندس۔[/JUSTIFY]
جواب: ڇا نفرت به محبت وانگر آهي ؟؟ آهن ته ٻئي جذبا شديد، پر ٻنهي ۾ فرق اهو آهي ته ؛ نفرت جڏهن دماغ ۾ هوندي آهي ته دل جي اڱڻ کي ويران ڪري ڇڏيندي آهي ۽ جڏهن محبت دل ۾ رهندي آهي ته ذهن جي ميدان کي باغ و بهار ڪري ڇڏيندي آهي ۔۔۔ انڪري جيڪڌهن محبت بهار آهي ته نفرت خزان جي موسم ۔۔ لطيف سڳوري انهن ٻنهي جذبن کي ڪجهه هن طرح سان بيان ڪيو آهي” محبت پائي من، ۾ رنڊا روڙيا جن، تن جو صرافن، اڻ توريو ئي اگهايو۔ مدي پائي من ۾، سنهو ڪتيو جن، تن جو صرافن، دڪو ئي داخل نه ڪيو۔ سنڌ سلامت ساٿ سلامت
جواب: ڇا نفرت به محبت وانگر آهي ؟؟ سائين نثار ابڙو جي ڳالهه سان متفق ٿيندي اهو چوندس ته محبت ۽ نفرت بيشڪ شديد جذبا آهن۔ اهو ان لا ته اهي ٻئي هڪ ٻئي جو ضد آهن۔ جهڙي طرح سچ جو ضد ڪوڙ آهي، کِلَڻَ جو ضِدُ روئڻ آهي۔ ساڳئي طرح محبت ۽ نفرت هڪ ٻئي جو ضد آهن۔ ۽ ڪنهن به شي کي ٻئي شي جو ضد تڏهن ليکيو ويندو آهي جڏهن سندن مشابهت ۾ برابري نظر اچي۔ ڪو اسان سان محبت ڪري اهو اسانجو حق ته ڪنهن حد تائين سمجهه ۾ اچي ٿو۔ پر نفرت ڪرڻ کي حق جو درجو نه ٿو ڏئي سگهجي ڇوته عام طور تي نفرت جو بنياد غلط فهمين جي وجهه سان ٿئي ٿو۔۔۔ بهترين سوال آهي۔۔ پنهنجي ناچيز سوچ مطابق جواب ڏيڻ جي ڪوشش ڪئي آهي۔ دعا ۾ ياد
