الرسول و النبي جي تفسير ڪر

[ڏاڏل شينو]

پنهنجي نگاه عالمگير ڪر
الرسول و النبي جي تفسير ڪر

تنهنجو وجود آهي الڪتاب
بهتر و بدتر تقدير ڪر

عزت گهرين آسمانن کان تون
ته پهريان پاڻ کي فقير ڪر

خدا رهي ٿو آدم جي اندر
نه ڪنهن انسان جي تحقير ڪر

دل ۾ ڪتاب تنهنجو وارث تون
جيڪو گهرين ان ۾ تحرير ڪر

معراجِ مصطفى ملڪيتِ انسان
باءِ بسم الله جي تعبير ڪر

هر مخلوق تابع تنهنجي آهي
عمل اهڙو ڪو بي نظير ڪر

ڏاڏل کي ڏاهن ڏنو اهو ڏس
لا جي خنجر سان پاڻ تي تڪبير ڪر



​