ملڪاڻي شريف ۾ 10 آگسٽ ۽ 6 سيپٽمبر تي آيل ٻوڏ سبب سمورو شهر ٻڏي ويو هو هر طرف پاڻي ئي پاڻي هو جڏهن ته اڃان به ملڪاڻي شريف جا سوين گهر پاڻي هيٺ آهن ۽ رستا بڏل آهن ملڪاڻي شريف ٻه مهينا مڪمل پاڻي هيٺ رهيو پر هن شهر ۾ ڪنهن به اداري ٻيڙي فراهم به نه ڪئي هئي شهر جي قبرستان جو رستو ۽ قبرستان پڻ پاڻي هيٺ آهي جنهن سبب ماڻهو مري وڃڻ جي صورت ۾ انتهائي پريشاني ٿيندي آهي، هتي لاش کي تيل جي ڊرمن تي رکي شهر کان ٻاهر شاخ جي بندن تائين پهچائي دفنائڻ جو سلسلو اڄ تائين جاري آهي
جواب: اسان جا سور اڃان به ساڳيا ڙي!!!!!! مان سمجهان ٿو هاڻي گهڻو وقت ٿي چڪو آهي، پاڻي نڪرڻ گهرجي۔ حڪومت، انتظاميه ۽ مرزا صاحب کي هيڏانهن به ڌيان ڏيڻ گهرجي۔ خبر ناهي ڇو اهم ڳالهين ڏانهن ڪوبه ڌيان ڪونه پيو ڏي، ماڻهن کي لاوارث ڇڏيو ويو آهي۔
جواب: اسان جا سور اڃان به ساڳيا ڙي!!!!!! سائين پاڻي ڪوششن سان نڪرندو آهي اصل ۾ جڏهن ٻوڏ آئي ته ان مهل هن پاسي ڪنهن به توجه نه ڏني هئي اسان جي اڳياڙي ۾ جيڪي وسنديون هيون انهن مان بنان ڪنهن پلاننگ جي پاڻي نيڪال ڪرايو ويو ۽ اسان جي دانهن ڪوڪ تي ڪو به عمل نه ڪيو ويو هاڻي اسان کان اڳياڙي وارين وسندين ۾ پاڻي ناهي ۽ اُتي ماڻهو ٻنيون پوکي رهيا آهن هاڻي اسان جي پاڻي جو به لنگهه ته اتان ئي آهي سو اهي ماڻهو هرگز پنهنجي ٻنين مان پاڻي نيڪال ڪرڻ نه ڏيندا ٻيو گس قدرتي طرح سان ٺهيل ڍورا آهن پر انهن تي قبضا آهن هاڻي اسان جو پاڻي مشينن سان سم نالن ۾ اڇلائڻو پوندو ان لا حڪومت دلچسپي نٿي وٺي ۽ اسان پيا سور کائون۔
