ساٿيو اوهان ڪڏنهن سوچيو آهي ته عام طور تي شيون گرم ڪرڻ سان سختي کان نرمي ڏي (نهري کان پٽڙي) ڏانهن مائل ٿينديون آهن۔ ايستائين جو گرمي جي هڪ درجي تي پُهچي لوهه به پاڻي ٿيڻ لڳندو آهي پر انڊي جي پاڻياٺ (خاص طور سفيدي) گرم ڪرڻ تي ڄمي سخت ٿيڻ لڳندي آهي۔ اڪثر اهو سوال سائنس جي شاگردن کان انٽرويو ۾ به پُڇيو ويندو آهي۔ اڄ اوهان سان مختصراً انهي جو سبب ونڊ ڪجي ٿو۔ دراصل انڊي جي گهاٽي پاڻياٺ ۾ 10 فيصد پروٽين (امائنو ايسڊ جي تريتبوار چئن) هوندي آهي۔ جيڪا هڪ مخصوص شڪل ۾ هوندي آهي۔ ڪئمسٽري جي زبان ۾ انهي کي پيپٽائيڊ لنڪيج چئبو آهي۔ پر اها لنڪيج ۽ بانڊنگ صرف نارمل ٽئمپريچر تي هوندي آهي۔ جڏنهن انڊو گرم ڪبو آهي ته اهي بانڊ ۽ لنڪيج ٽٽي پوندا آهن ۽ هڪ بي ترتيب بانڊنگ جُڙن لڳندي آهي ۽ پاڻي سان ملي هڪ جيل ٺهڻ لڳندي آهي۔ انهي جي تمثيل ايئن به ڪري سگهجي ٿي ته اوهان ڪپڙن جو جوڙو عام حالت ۾ رکو۔ اهو نرم ملائم هوندو۔ پر اوهان انهي کي ويڙهي سيڙهي ڪنهن تمام ننڍڙي شئي ۾ لڳايو ته اوهان کي اهو پهرين جي نسبت سخت لڳندو۔ ايئن ئي پروٽين جڏنهن ترتيب ۾ هوندا آهن ته نرم هجن ٿا۔ پر جڏنهن گرم ٿيڻ تي ترتيب ڦٽي ٿي ته سخت ٿي وڃن ٿا۔
جواب: انڊو گرم ڪرڻ تي پگهرڻ بجاءِ ڄمي ڇو ٿو؟ يار حفيظ لاجواب شيئرنگ آهي ۔۔۔۔۔۔ سچ ته اسان به اهڙي ڄاڻ کان بي خبر هئاسين۔ اميد ته اهڙي قسم جي شيئرنگ خاص ڪري سائنسي سبب مختلف وقتن تي ٻڌائي ڄاڻ ڏيندا رهو ته مهرباني ٿيندي۔
جواب: انڊو گرم ڪرڻ تي پگهرڻ بجاءِ ڄمي ڇو ٿو؟ اهو ڪم به ڀلو جو آنو ڄمي ٿو وڃي ۽ اسانجي کائڻ جي ڪم اچي ٿو، جي رجي وڃي ها ته ممڪن اسانجي کائڻ جي قابل نه رهي ها ۔۔۔ الله جي قدرت ۽ لک ٿورا جو اسان لئه آساني پئدا ڪئي اٿس ۔۔۔ عبد الحفيظ لغاري صاحب جو هي ونڊ به ڪارائتو ۔۔۔۔ اڄ خبر پئي ته آخر آنو ڄمي ڇو ٿو ۔۔۔ لک قرب سنڌ سلامت ساٿ سلامت
جواب: انڊو گرم ڪرڻ تي پگهرڻ بجاءِ ڄمي ڇو ٿو؟ ادا عبد الحفيظ لغاري صاحب تمام زبردست معلومات آهي۔ يقينا اهڙي معلومات ماڻهن کي مختلف سينٽر ۾ ليڪچرز جا پئسا ڏئي ڪري حاصل ٿيندي آهي۔ اوهان دوستن جي محنت آهي جو اهڙي ڪارائتي معلومات اهو به پنهنجي سنڌي ٻولي ونڊ ڪري سنڌ سلامت فورم کي رونق بخشيو ٿا۔ اميد ته اوهان جون اهڙيون معلوماتي ونڊون جاري رهنديون۔ مهرباني۔۔ دعا ۾ ياد۔
جواب: انڊو گرم ڪرڻ تي پگهرڻ بجاءِ ڄمي ڇو ٿو؟ ادا حفيط لغاري صاحب تمام سٺي معلومات وند ڪئي آهي مهرباني
جواب: انڊو گرم ڪرڻ تي پگهرڻ بجاءِ ڄمي ڇو ٿو؟ ادا تمام سٺي معلومات ونڊ ڪئي اٿو ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ادا عمران عبد الطيف لغاري نه پر عبد الحفيظ لغاري آهي ۔۔۔۔۔
جواب: انڊو گرم ڪرڻ تي پگهرڻ بجاءِ ڄمي ڇو ٿو؟ ادا حفيظ لغآري صاحب اسلام عليڪم۔ادا جڏهن ڪاليج ۾ پڙهندا هئاسين ته ڪيمسٽري واري سائين کان انڊ جو گرمي تي رجڻ جي بدران ڄمڻ متعلق پڇو هئوسين۔انهن جواب ته ڏنو مگر ان طرح نه سمجاهيو جيئن توهان پنهنجي ليک ۾ تصويرن سان سمجهايو آهي۔اسان کي گهٽ ۾ گهٽ پنهنجي روزمره زندگي ۾ واپرائڻ وارن شين جي باري ۾ ته معلوم ٿيڻ گهرجي ته اهئي ڪيئن ٺهن ٿيون ۔ان ساڳي ڳاله کي مدنظر رکندي اسان ماکي جي مک جي باري ۾ هڪ ليک هن پيج تي ونڍ ڪيو هئو ته جيئن خبر پوئي ته ماکي ڪيئن ٺهندي آهي ۽ ان ۾ ڪنهنجون محنتون شامل هونديون آهن۔تواهان هڪ سٺي ڄاڻ هن اوطاق تي ونڍ ڪئي آهي۔توهانجون مهربانيون جو توهان اسان کي پنهنجي هڪ ليک جي ڪيمنٽس جي جواب ۾ بزرگ جو درجو ڏنو آهي۔
