شاعري جانِ عالم سومرو طوطن جون تنوارون اڃان جاري آهن لڙڪن جون لارون اڃان جاري آهن تنهنجون راهون نهاري ٿڪو آهيان، صبٍح شام اوڇنگارون اڃان جاري آهن، اڃان پن ڇڻ جي موسم آئي ته ناهي، بوندون ۽ بهارون اڃان جاري آهن، اداس نه ٿي جي ڪنول ڪوماڻا گلن تي پوپٽ اڏارون اڃان جاري آهن، سڄي سنڌ اٿي پئي آهي مگر، لٽون ڦرون مارون اڃان جاري آهن، مسڪين ڳڀي ٽڪر لئه اداس آهي، وحشي بازن جون اڏارون اڃان جاري آهن، ظالمن جا ستم سهي ٿڪا آهيون، وڏيرن جون ونگارون اڃان جاري آهن، مارئي اڄ به قيد آهي ڪوٽن ۾، تنبوري جون تارون اڃان جاري آهن، سسئيون سهسين ستم سهن پيون، هرپل پنهونء پڪارون اڃان جاري آهن، ناهي عالم جي اندر ۾ ڪو ٻيو سومرا، تنهنجون سانڍيل سارون اڃان جاري آهن۔
جواب: اڃان جاري آهن بهترين شيئرنگ آهي ادا پر جيستائين هاڻي سنڌي هڪ ٿي گڏجي جدوجهد نه ٿا ڪن تيستائين اهي سور اسان جي نصيب ۾ لکيل آهن۔
