مان سنڌ جي ڌيء نه آهيان؟ سنڌي نور بابا چيو پٽ هاڻ تون وڏي ٿي وئي آهين ٻاهر نه نڪرندي ڪر، پر جي وڃي ته ڪنهن سان گڏ ويندي ڪر ۽ وڏي چادر ۾ ويندي ڪر۔۔۔۔۔۔۔۔۔ پر هاڻ نه بابا ساڻ آهي نه گھر جي چار ديواري ۽ نه چادر بابا هي سڀ ماڻهو مون ڏي ائين ٿا نهارين !!!!! ڄڻ مان هن دنيا جي ڪا مخلوق ئي نه هجا ؟ منهنجا ڪپڙا فاٽل ڏسي ڪير ان جي لاء سوئي سڳو ته نٿو ڏئي، پر امداد ڏيڻ جي بهاني سان هي وڏيرا ۽ ملڪ جا ڪامورا منهنجي جسم ۾ پنهنجي کائيندڙ نظرن سان هزارين سويون چڀائي وڃن ٿا۔ هنن کي اسان جي بک نظر نه ٿي اچي پر هنن جون بکيون اکيون اسان کي کائن ٿيو۔ شايد صرف مان بابا جي ڌيء آهيان سنڌ جي ڌيء نه مان سنڌ جي ڌيء نه آهيان؟؟؟ هي ننڍڙي ڪهاڻي مون ٻوڏ متاثر نياڻين تي لکڻ جي ڪوشش ڪئي آهي، جيڪي هڪ پردي دار ماحول کان پوء سڌو رستن تي ڪئمپن ۾ وقت ڪيئن پيو گذارين۔ اگر هن ۾ ڪا غلطي يا ڪجھ غلط لکيو هجي ته آگاھ ڪندا ته توهان جي ٿوراتي رهندم۔
جواب: مان سنڌ جي ڌيء نه آهيان؟ مون کي اهڙا لفظ ڪونه پي مليا جن جي ذريعي اوهان جي هن ننڍڙي پر ذهن کي جهنجهوڙيندڙ ڪهاڻي تي ڪجهه لکي سگها۔ اسان جو معاشرو ذاتي خواهشن ۽ انائن ۾ جڪڙجي ويو آهي ، جتي انسانيت ۽ اسان جي سنڌي معاشري واريون ريتون ۽ رسمون ختم ٿي رهيون آهن۔ اسان ڪنهن کي مان ڏيڻ، ڪنهن کي سام سمجهي ڀيڻ سمجهڻ واريون روايتون وساريندا ٿا وڃون ۔۔۔۔۔ بهترين سٽون جن جيء کي جهنجهوڙڻ سان گڏ ذهن کي به سوچڻ تي مجبور ڪيو آهي۔
جواب: مان سنڌ جي ڌيء نه آهيان؟ ڀيڻ توهان جا تمام سٺا خيال آهن ، ڪاش! سنڌ جي هر سورمي جا اهڙا ئي خيال هجن ته سنڌ ۽ لطيف جي سورمين جي ٻوڏ ۾ اهڙي حالت ن ٿئي ها۔ توهان جي سيني ۾ سنڌ جي مظلوم عورتن لاءِ درد آهي اهو اندازو توهان جي لکيل ننڍڙي ڪهاڻي مان لڳائي سگهجي ٿو۔
جواب: مان سنڌ جي ڌيء نه آهيان؟ ظفر صاحب توهان جي تمام وڏي مهرباني جو توهان پنهنجي قيمتي وقت مان وقت ڪڍي ٻه لفظ اسان لاء ارپيا ڪروڙي ٿورا
جواب: مان سنڌ جي ڌيء نه آهيان؟ پراثر احساسُ ۔۔۔ ڀيڻ نور جي اندر ۾ هڪ حساس انسان ڪر موڙي رهيو آهي، ۽ احساسن کي مختصر لفظ ڏئي اهو ثابت ڪيو آهي ته سنڌ سلامت جي هيءَ ڀيڻ سنڌ جي سورن ۽ سنڌ جي نياڻين جي سور تي عقابي نظر رکي ٿي ۔۔۔ ڀيڻ نور، اوهان سنڌ جي موجوده حڪمرانن ۽ آفيسر شاهيءَ جي بدنيتيءَ کي وائکو ڪري هن نظام تي ڪارو وار ڪيو آهي ۔۔۔ اديب قوم جا رهنما هوندا آهن ۽ سندن عقابي نظر انهن حادثن تي پوندي آهي جن تي عام ماڻهونءَ جي نظر نه پوندي آهي ۔۔۔۔ اوهانجي لکڻ جو انداز تمام سهڻو ۽ اثرائتو آهي، اميد ته اوهان پنهنجي قلم جي سگهه سان هن نظام تي تلوار کان به تکا وار ڪنديون رهنديون ۔۔۔ هڪ ڏاهي ڪنهن جاءِ تي چيو هو ته ”مونکي پڙهيل ۽ سلجهيل مائون ڏيو ته آءُ اوهانکي سلجهيل قوم ڏيان ۔۔۔“ سنڌ سلامت ساٿ سلامت
جواب: مان سنڌ جي ڌيء نه آهيان؟ سڀني ڀائرن جي مهرباني رسول بخش جوڻيجو، حسين جوڻيجو، ۽ سائين نثار ابڙو صاحب جا لک ٿورا جو منهنجي ننڍڙي ڪهاڻي کي ًگهڻو مان ڏنو ۽ تفصيل سان ڳالهايو۔
جواب: مان سنڌ جي ڌيء نه آهيان؟ تمام ٿورڙي لفظن ۾ ايتري ته توهان ادي خوبصورت ڪهاڻي لکي آهي اسان کي توهانجا لکيل لفط تمام گهڻا وڻيا اميد ته ڳتي به اهڙيون ڪوششون جاري رکندا
جواب: مان سنڌ جي ڌيء نه آهيان؟ تمام مختصر پر ھڪ وڏي معني رکندڙ ادي نو ر جي ڪھاڻي ، جنھن جي کي جهنجهوڙڻ سان گڏ ذهن کي به سوچڻ تي مجبور ڪيو آهي۔ ان کان علاوه مون وٽ ڪي لفظ نه آھن جو مان ھن ڪھاڻي جي لا لکي سًگھان۔
جواب: مان سنڌ جي ڌيء نه آهيان؟ ڀيڻ نور سنڌي توهان جي ڪهاڻي ۾ معاشري جي خامين کي نروار ڪيو ويو آهي توهان جي ڪهاڻي ۾ معاشري کي سڌارڻ لاء بهترين سبق آهي اگر اسان جون ڌئيرون ڀينرون پڙهيل لکيل هونديون ته يقينا سائين نثار ابڙو جن جي ڳالهه وانگر ته هڪ بهترين معاشرو وجود ۾ ايندو ڇو ته هڪ بهترين ماء ٻار جي بهترين پرورش ڪري کيس معاشري جو بهترين فرد بنائي سگهي ٿي. مشهور ڳالهه آهي ته حضرت عبدالقادر جيلاني رحمه الله عليه ننڍي عمر ۾ ڪنهن قافلي سان سفر تي وڃي رهيو هو اتفاق سان ان قافلي وارن کي ڌاڙيلن ڦريو ٿي، ته هڪ ڌاڙيل حضرت عبدالقادر کان پڇيو ته تو وٽ ڇا آهي؟ هن چيو ته مون وٽ 40 اشرفيون آهن ان تي هن سمجهيو ته هي ٻار آهي شايد مون سان ٺٺول ٿو ڪري اهو ڌاڙيل ان ننڍڙي عبدالقادر کي پنهنجي وڏي سردار وٽ وٺي آيو ان عبدالقادر کان پڇيو ته هن ساڳيو جواب ڏنو هن چيو ته اهي اشرفيون ڪٿي آهن؟ ته ننڍڙي معصوميت مان جواب ڏنو ته اهي منهنجي ڪپڙن ۾ سبيل آهن. پاڻ جڏهن ان ڪپڙن کي کولي اهي ڪڍيائون ته واقعي سچ هوان تي ان وڏي ڌاڙيل کيس چيو ته تو ڪوڙ ڇو نه هنيو؟ جڏهن ته تو ۾ اسان جو خواب خيال به نه هو ته تو وٽ ڪو ايترو زر هوندو. ان تي حضرت عبدالقادر وارڻيو ته مون کي منهنجي امڙ سڳوريء جو حڪم هو ته ڪڏهن به ڪوڙ نه ڳالهائجان انڪري مون ڪوڙ نه هنيو. ان ڳالهه انهن ڌاڙيلن جي دل ۾ ايتري رقت پيدا ڪئي جو هو توبه تائب ٿيا ۽ سڀ سامان قافلي وارن کي واپس ڪيائون ۽ اڳتي گناهه ڪرڻ کان به توبه ڪيائون. مقصد ته هڪ نيڪ صالحه ماء جي تربيت جو اهو اثر آهي الله تعالي اسان جي ڀينرن مائرن نياڻين کي دين تي عمل ڪرڻ جي توفيق عطا فرمائي پاڻ ديندار پڙهيل لکيل هونديون ته يقينا پنهنجي اولاد ۾ اهڙا گڻ پيدا ڪري سگهنديون. ڀيڻ توهان جي مهرباني جو توهان بهترين ڪهاڻي لکي ، اڳتي به هن فورم ذريعي پنهنجي علمي ڪاوشن کي ٻين تائين پهچائڻ جي ڪوشش جاري رکجو.
جواب: مان سنڌ جي ڌيء نه آهيان؟ هنن کي اسان جي بک نظر نه ٿي اچي پر هنن جون بکيون اکيون اسان کي کائن ٿيو۔ +++++++++++++++++++++++++++++++++++++++++++++++++++++++++ سنڌي نور ھن سٽ ۾ حقيقت جي عڪاسي ڪندي بلڪل سنڌي طرح حقيت بيان ڪئي آھي، جنھن کي مان يا اوھان ڪڙُو سچ به چئي ٿا سگھون، پر حقيقت ۾ اسان جي معاشري ۾ ائين به صفا ڪون آھي.....ڇوته ھر ھڪ ھڪ جھڙو به نه ھوندو آھي
