اسلام عليڪم! مان منصور ميراڻي اڄ اوهان سان سنڌي سلامت جي ميدان تي گڏ آهيان، جيئن ته مونکي ڏاڍي خوشي ٿي آهي ته جيڪو ڪم مون پاڻ ڪرڻ پئي چاهيو اهو اڳئي سنڌي سلامت وارن ڪري ڇڏيو آهي، ان ڳالھ جو هميشه مونکي انتظار هيو ته هڪ ڏينهن اهڙو ضرور ايندو جڏهن اسان جا انٽرنيٽ استعمال ڪندڙ سنڌي ڀائر هڪ ٻئي ڏانهن سنڌي ۾ پيغام موڪلي سًگهندا۔ جي شاعر هجان ها ته پنهنجي خوشي جو اظهار ضرور شاعراڻي انداز ۾ ڪريان ها، سچ پڇو هي هڪ وڏو قدم آهي اسان جي هي قديمي ٻولي جيڪا اسڪولن ۾ بنيادي غلط پرهائي ٿي وڃي، جيڪڏهن اڳتي اهڙا قدم کنيا وڃن ۽ سنڌي ٻولي جي درست مطالعي لا آواز اٿارجي ته يقناً تمام گهڻي درستگي اچي وڃندي۔ منهنجي من ۾ ًگهڻا خيال تري رهيا آهن جن کي عملي صورت ڏيئڻي آهي جيڪا شايد مان يونيورسٽي مان پڙهي نڪرندس تڏهن ممڪن ٿيندي ڇو ته هن وقت مون وًٽ دولت ڪونهي جيڪا مونکي يونيورسٽي مان ملندي۔ ٿورو تعليمي نطام تي غور ڪريون جنهن کي زنگ لڳي چڪو آهي پراڻا نصاب جيڪي ويھ سال اڳ ۾ پڙهايا ويا هئا اڄ به اسان جي استادن اهي ئي پڙهائڻ لا ڏنا وڃن ٿا ڪابه نئين دريافت، معلومات، جديد ٽيڪنالاجي ڪانه ٿي پڙهائي وڃي جيڪا نئين نسل کي دنيا جي موجوده صورت حٍال کان واقف ڪري۔ برحال اهي سڀ ڳالهيون عمل ڪرڻ جون آهن۔ منهنجي اوهان سڀني سنڌي ڀائرن کي عرض آهي ته جيترو ٿي سًگهيو تعليم تي ڌيان ڏيو، پنهنجي ڀائرن، ڀينرين، پٽن، ڌيئرن ۽ ٻين سڀني مٽن مائٽن ۽ دوستن کي تعليم پرائڻ جي تلقين ڪندا رهو ڇو ته تعليم يافته قومون هميشه ڪاميابين جون بلنديون ڇهنديون آهن۔ اوهان جو خير خواھ، سنڌ جو خير خواھ! منصور ميراڻي
جواب: سنڌي سلامت کي پهريون سلام! سنڌ سلامت جي سموري ساٿ پاران، سنڌ جي سڄڻ، سنڌ جي تعليم جي اڻ تڻ رکندڙ منصور ميراڻي کي دل جي گهراين سان ڀليڪار ۔۔۔ منصور ميراڻي صاحب جا خيال اعلا ۽ سنڌ دوستي وارا آهن انڪري هن دوست جي اچڻ سان سنڌ سلامت کي هڪ اهڙو دوست مليو آهي جنهن جي هميشه کان گهرج رهي آهي ۔۔۔ سڄڻ آيا ڀلي آيا، سهڻن جو سلامي ٿيان دوست! اوهانجي صلاح ۽ اوهانجي تعليم بابت اڻ تڻ بجا آهي، سنڌي قوم هن وقت ڪيترين ئي بيمارين ۾ مبتلا ٿي وئي آهي جنهن مان هڪ تعليمي ڪمزوري پڻ آهي، سنڌ جا تعليمي ادارا روايتي ۽ هيٺاهين درجي جي تعليم ڏين پيا ۽ اسان جا نوجوان پڻ ان وهڪري ۾ وهي تعليم کي اها توجهه نٿا ڏين ۔۔۔ سنڌ جي تعليم کي وڌائڻ لئه اسان سڀني کي فردن ۽ مجموعي طور تي جدوجهد ڪرڻي پوندي ته جيئن سنڌ جي ادارن مان تخليقار پئدا ٿين ۽ اهڙا ڊاڪٽر، انجنيئر، معاشي ماهر ۽ ڪاروباري ماهر پئدا ٿين جو سنڌ کي روشن ڪري ڇڏين ۔۔۔ دوست ميراڻي صاحب! سنڌ سلامت جو مقصد پڻ سنڌ جي سورن جي اپٽار آهي، سنڌي ٻولي جي واڌ ويجهه جو وچن ڪيل آهي ۽ انٽرنيٽ جي دنيا ۾ سنڌي ٻولي جي مواد کي عام ڪرڻ آهي ۔۔۔ اميد ته اوهان به سنڌ سلامت سان ساٿ نڀائيندا ۽ هن علمي اوطاق جا مهندار ٿي پاڻ ملهائيندا ۔۔۔ اميد ته ڀيرو نه ڀڃندا ۽ ممڪن ٿي سگهيوَ ته پنهنجو ڪجهه تفصيلي تعرف پڻ ڪرائيندا ۔۔۔ سنڌ لئه دعاڳو ۔۔۔ سنڌ سلامت
جواب: سنڌي سلامت کي پهريون سلام! ادا منصور ميراڻي صاحب اوهانکي سنڌ سلامت هن محبت، اخوت، علم و ادب، تعليم ، سکيا سان ڀرپور فورم تي ڀليڪار چئجي ٿو۔۔۔
جواب: سنڌي سلامت کي پهريون سلام! ادا توهان کي سنڌ سلامت سٿ جي هن رڪن طرفان دل جي گهراين سان ڀليڪار ٿر جي ڪنهن شاعر چواڻي: ويلڪم ويلڪم ڊيئر ڊيئر سر، وئري گلئڊ ٽو سي يوُ ڊيئر ڊيئر سر،،،، معذرت سان هڪ درستگي ڪرائڻ چاهيندس ته فورم جو نالو سنڌ سلامت آهي۔ توهان موضوع ۾ باربار سنڌي سلامت پئي لکيو آهي۔ اهو نالو صحيح ڪري پڙهندا
جواب: سنڌي سلامت کي پهريون سلام! ادا منصور توهان کي هن فورم سنڌ سلامت ۾ اچڻ تي اسان سنڌ سلامت ترفان اسان جي طرفان دل جي گهراين سان ڀليڪار چئون تا۔
جواب: سنڌ سلامت کي پهريون سلام! ادا منصور ميراڻي صاحب اوهانکي سنڌ سلامت هن محبتي فورم تي ڀليڪار چئجي ٿو۔۔۔
جواب: سنڌ سلامت کي پهريون سلام! ادا منصور ميراڻي صاحب اوهانکي سنڌ سلامت هن محبتي فورم تي دل جي گهرائين سان ڀليڪار چئجي ٿو۔۔۔توهان جي تعليم جي باري ۾ ٻڌايل خيال توهانجي باشعور ۽ علم سان محبت رکڻ وارو انسان ظاهر ڪن ٿا۔آنشاالله اسان جو تعليمي شرسطو به بدلجندو ۽ ماڊرن ٽيڪنالجي سان تعليم ڏيڻ جو سلسلو شروع ٿيندو۔اميد ته دنيا قائم آهي۔توهانجي ليکن جو انتظار رهندو۔
جواب: سنڌ سلامت کي پهريون سلام! اسلام عليڪم! اوهان سڄڻن جي وڏي مهرباني جن مونکي بااخلاق موٽ ڏني آهي ۽ آ اوهان جي هن اعتبار جي موٽ سٺن، معلومات ڀريل مضمونن سان ڏيندس ۽ وڌ م وڌ اها ڪوشش ضرور ڪندس ته سنڌي سلامت جي ميار مطابق پنهنجون لکڻيون پيش ڪريان۔ اوهان جو خير خواھ! سنڌ جو خير خواھ! منصور ميراڻي۔
جواب: سنڌ سلامت کي پهريون سلام! سهڻن ۽ من مهڻن خيالن سان شروعات ڪندڙ محترم منصور ميراڻي صاحب کي سنڌ سلامت جي سهڻي فورم تي ڀليڪار ٿا ڪيون تمام گهڻي خوشي ٿي جو اوهان سنڌ سلامت فورم جا ساٿي بڻيا آهيو جيڪو اسان سڀني سنڌين جو گڏيل فورم آهي ۽ اها اميد ته اوهان سٺا ليک ۽ نيون نيون ڳالهيون فورم تي شيئر ڪندا رهندا۔سنڌ سلامت انٽر نيٽ تي سنڌي ٻوليء جي ترقي لاء ڪوشان آهي۔ اميد ته سنڌ سلامت اوهان جي اعتماد تي پورو لهندي ۽ سنڌي ادب جي نماء سان گڏ سنڌ جي مسئلن کي نمايان ڪندي رهندي۔ اميد آهي ته اوهان به پنهنجي لکڻين، پنهنجي خيالن ۽ بهترين راين سان فورم جي سونهن ۾ اضافو ڪندا رهندا۔ سنڌ سلامت ساٿ سلامت
