[JUSTIFY]سنڌ سلامت سٿ پاران فورم جي سونهن ۽ ڪنهن وقت ۾ گهڻو سرگرم رهندڙ دوست محترم ممتاز وگهيو کي جنم ڏينهن تي واڌايون پيش ڪجن ٿيون۔ ممتاز انهن دوستن مان آهي جنهن علمي ۽ ادبي حوالي سان ڪيترائي قيمتي ليک سنڌ سلامت تي شيئر ڪيا ۽ سندس محنت ئي آهي جو هو سنڌ سلامت تي 1000 موضوع ڪندڙ پهريون ميمبر پڻ آهي۔ سندس علم ۽ ادب دوستي ئي آهي جو هو هميشه بهترين ليک لکڻ سان گڏ تفصيلي جواب ۽ رايا پڻ ڏيندو رهندو آيو آهي۔ خبر ناهي ڇو اسان جي سنڌ سلامت جو چمڪندڙ ستارو اسان جي اوطاق کان غائب آهي۔ اسان روز سندس راهون تڪيندا آهيون پر هو ڀلجي به ڪو نئون ليک شيئر ڪونه پيو ڪري۔ ٿي سگهي ٿو اسان مان ڪنهن دوست جي چيل ڪنهن جملي يا ڪنهن ڳالهه تي رٺل هي دوست اسان کان ايترو پرڀرو هليو ويندو جو اسان کيس پرچائڻ ۾ به ناڪام وينداسون، مان ان تي سوچيندو ئي رهيو آهيان۔ اسان اڄوڪي ڏينهن تي کيس ياد ڪرڻ سان گڏ کيس ڀيٽا پيش ڪيون ٿا ۽ دعاگو آهيون ته اسان جو هي دوست جتي به هجي، شال سدائين خوش هجي ۽ مرڪندو رهي۔[/JUSTIFY]
جواب: سنڌ سلامت جي مانواري ميمبر محترم ممتاز وگهيو کي جنم ڏينهن جون واڌايون ادا ممتاز وگهيو صاحب اسلام عليڪم۔ادا سائين اسان جي پاران به اوهان کي اوهان جي جنم ڏينهن تي لک لک واڌيون هجن۔اسان جڏهن هن فورم تي آيا سائين ته اوهان جا ڪافي ليک پڙهڻ لاء مليا جيڪي تمام گهڻي معلومات سان ڀريل ۽ محنت سان لکيل هوندا هئا۔توهان جا ڏاهپ وارا ڪمينٽس سبني ميمبرن جي لاء ڪافي مشعل راه هئا۔پر اچانڪ توهان هن فورم کان منهن موڙي ڇڏيو ۽ اسان توهانجي لکڻن کي پڙهڻ کان محروم ٿئي وياسين۔خبر نه آهي ته اهئي ڪهڙيون ڪاوڙون آهن جنهن جي ڪري توهان پنهنجي هن محبتي اڳڻ کان منهن موڙي ڇڏيو۔اسان جي مذهب ۾ ته ٽن ڏينهن کان وڌيڪ قطعي تعلقي(صلي رحمي) نه ٿي ڪري سگهجي پر توهان الائي ڇو اڃا تائين پنهنجي اڳڻ تي موٽي نه آيا آهيو۔توهانجو ۽ توهانجي تحريرن جو شدت سان انتظار رهندو۔الله سائين توهانجي زندگي جو نئون سال خوشين سان ڀرئي ۽ اوهان کي ڪو ڏک نه ڏئي۔اها اسان جي دعا اوهان لاء آهي۔هميشه خوش رهو۔
جواب: سنڌ سلامت جي مانواري ميمبر محترم ممتاز وگهيو کي جنم ڏينهن جون واڌايون مون سوچيو ته ائين ڪيئن ٿي سگهي ٿو ته ادو سليمان اسان جي پرين پياري ادي لطيفي کي وساري ڇڏي ڪٿان نه ڪٿان ڄاڻ مبارڪ باد جو تحفو کڻي پهتو سو اوهان جي پوسٽ ڏسي خوشي ٿي ته سنڌ سلامت جي هن نوجوان کي اوهان وساريو ناهي لک ٿورا ادي سليمان جا ۽ اسان جي طرفان به اسان جي پرين پياري ادي ممتاز وگهي صاحب کي سندن جنم ڏينهن تي کوڙ ساريو واڌايون قبول هجن رب پاڪ سندن حياتي ڪري ۽ زندگي جو هزارين بهارون ماڙين آمين
جواب: سنڌ سلامت جي مانواري ميمبر محترم ممتاز وگهيو کي جنم ڏينهن جون واڌايون سڀ کان پهريان ته ممتاز وگهيو صاحب لئه دل جي گهراين سان دعائون ۔۔۔ رب العالمين کيس پنهنجي امان ۾ رکي ۽ ڪاميابي و ڪامرانيءَ سان زندگيءَ جي هن گاڏي کي هلائڻ جي توفيق عطا فرمائي ۔۔۔ آمين دوست وگهيي صاحب کي مون سنڌ پهچي ٽيليفون به ڪيا هيا پر شايد اڻ ڄاڻ نمبر ڏسي نه کنيو هيائون پر جڏهن سليمان کي چيم ته کيس فون ملائي ته انجي فون به ۔۔۔۔ !!! خئير ساڻس ملڻ جي خواهش من ۾ ئي رهي ۔۔۔ سنڌ سلامت تي سندس ڪيل ڪم انتهائي ساراه جوڳو ۽ لاڀائتو آهي ۔۔۔ ڪجهه ڏينهن اڳ هڪ ٻه ڦيرا به ڏنا هيائين پر وري شايد ڪن مجبورين يا مصروفيتن سبب وري ڦيرو نه ڪيائون ۔۔۔ جڏهن مون سندس نالو ڏٺو ته دل چيو ته کيس سلام ڪيان ۽ موٽي اچڻ جون واڌايون ڏيان پر تيستائين آفلائين ٿي ويا ۔۔۔ خئير اسين سنڌ سلامت جا دوست ائين به ناهي ته ”جيڪو چلهه تي سو دل تي“، اسين ته سنڌ سلامت جي اڱڻ تي اها پرچار ڪندا رهندا آهيون ته ”لائجي ته توڙ نڀائجي“، انڪري سائين ممتاز وگهيو صاحب اسانجو دوست آهي ۽ هميشه لئه رهندو بيشڪ هو سنڌ سلامت تي اچي يا نه ۔۔۔ پر جيڪڏهن دوست اکين سامهون هوندو ته اسانجي حيانءَ تي ٿڏو ڇنڊو پيو پوندو ۔۔۔ ادا ممتاز اميد ته اوهان پنهنجي بي بها وقت مان ڪجهه وقت ضرور ڪڍي سنگت کي منهن ڏيکاريندا ۽ سنڌ سلامت کي سلام ڪندا رهندا ۔۔۔۔ اوهان جي نالي لطيف سرڪار جو هي بيت؛ چيتاريان چڻڪن، سنڀاريان سهي، اندر روح رهي، صورت سپرين جي۔ سدا سلامت رهو سنڌ سلامت ساٿ سلامت
جواب: سنڌ سلامت جي مانواري ميمبر محترم ممتاز وگهيو کي جنم ڏينهن جون واڌايون ادا ممتاز وًگهيو کي جنم مبارڪ اميد ته هو جلد اسان سان گڏ هوندا۔ سائين نثار صاحب منهنجي صلاح آهي ته توهان نمبر سائين سليمان وساڻ کي ڏيئي ڇڏيو۔ ممڪن آ ته سائين جن جو رابطو ٿي وڃي ۽ هو موٽي اچن۔۔۔
جواب: سنڌ سلامت جي مانواري ميمبر محترم ممتاز وگهيو کي جنم ڏينهن جون واڌايون ادا اسان جي طرفان سائين جن کي جنم ڏينهن جون واڌايون ڏجن ٿيون ۔
پياري دوست ممتاز علي وگهيو کي سنڌ سلامت سٿ پاران سندس جنم ڏينهن تي واڌايون پيش ڪيون ٿا۔ دعا آهي ته اسان جو هي علمي ۽ ادبي دوست سدا سلامت هجي ۽ نئون سال سندس لاء نيون خوشيون کڻي سندس آجيان ڪري ۔۔۔۔ آمين ۔۔۔۔ سدا سلامت هجو ۔۔۔۔ سنڌ سلامت ساٿ سلامت
ادا ممتازعلي وگهيواسلام عليڪم۔ اسانجي طرفان به اوهان کي ڄمڻ جي ڏينهن جون دل جي گهرائين سان مبارڪون هجن۔ الله پاڪ جي در تي عرض آهي ته توهان جي زندگي جو نئون سال اوهان لاء تمام گهڻيون خوشيون کڻي اچي، ڏک۔ تڪليف ۽ رنج توهان کان تمام پري رهن۔ توهان جاهر اهئي خواب جيڪي پوئين سال ۾ پورا نه ٿياهجن، الله سائين پنهنجي رحم ؤ ڪرم سان پورا ڪري۔ آمين۔ هميشه توهان جي چپن تي هن طرح جي مسڪهرائت قائم رهي۔
سنڌ سلامت جي اڳوڻي سرگرم رڪن ۽ اسان جي دوست ممتاز وگهيي کي جنم ڏڻ جون واڌايون. ممتاز ان وقت ۾ سرگرم رهيو جڏهن سنڌي ليک ورلي پڙهڻ لاء ملندا هيا ۽ سندس لکڻيون ۽ شيئرنگ اسان کي به متاثر ڪري هن طرف آندو ..... جتي به هجو سُکيا هجو، مرڪندا رهو.
سائين ممتاز علي وگهيو صاحب کي اسان جي طرفان به کوڙ ساريو واڌايون، ۽ دعائون هميشه کلندا مشڪرائيندا رهن (آمين) سنڌ سلامت ساٿ سلامت
