“خِزان جي خُو شبو”

[Moazam Ali]

آزاد نظم

“خِزان جي خُو شبو”

تو کي ياد ڪرڻ لاءِ مون کي ذهن تي زور ڏيڻ جي ضرورت ناهي
مون دنيا جي هر منظر ۾ توکي محسوس ڪيوآ........
خزان ۽ بهار جي تصديق تون ئي ڪري سگهين ٿي
مان صحرا ۾ پنهنجي وجود کي وڃا ئي چُڪو آهيان........
بِرهه جي باهه کي ڪنهن سمنڊ جي تلاش نه هئي
نه ئي نيڻن ڪو دلڪش نظارو ٿي گهريو
بس تون خوش رهين انهي تمنا ۾
خوابن کي خودڪشي ڪرڻ کان نه روڪي سگهيس..........
مان اڪثر ماڻهن ۾ پاڻ کي اڪيلو محسوس ڪندو آهيان
تون ناهين ته ڪير به ناهي
اڻپورين خواهشن جا روح پنهنجي چوءَ ڏس ڀٽڪندي ڏسان ٿو
منهنجا خواب به مون وانگر آهن......
دنيا جي حقيقت کي ڏسي مون خوابن کي ڦاهي ڏني.
زخمن جي جوڙ ڪٽ لاءِ ڪنهن ڪتاب جي ضرورت ناهي
تو کي هارائي مون سڀ سکي ورتو......
اُن کان پهرين جو خيال به خودڪشي ڪن.
مون ڪاغذ ۽ قلم کان ناراضگي ختم ڪري ڇڏي آ..
سرد موسم ۾ وکريل زرد پتن کي ڏسي
خزان جي خوشبو جو احساس ٿيو
مونکي ڪنهن بهار جو اوسيئڙو ناهي................


وفا شيراز نظاماڻي
ٽنڊوسومرو

 

[سنڌي نور]

جواب: “خِزان جي خُو شبو”

خوابن کي خودڪشي ڪرڻ کان نه روڪي سگهيس..........
مان اڪثر ماڻهن ۾ پاڻ کي اڪيلو محسوس ڪندو آهيان
تون ناهين ته ڪير به ناهي
اڻپورين خواهشن جا روح پنهنجي چوءَ ڏس ڀٽڪندي ڏسان ٿو
منهنجا خواب به مون وانگر آهن......



تمام بهترين ادا زبردست مون وانگي خوابن ۾ زنده آهيون۔ شايد

 

[سليمان وساڻ]

جواب: “خِزان جي خُو شبو”

نه ئي نيڻن ڪو دلڪش نظارو ٿي گهريو
بس تون خوش رهين انهي تمنا ۾
خوابن کي خودڪشي ڪرڻ کان نه روڪي سگهيس..........

لاجواب چونڊ ۔۔۔۔ بهترين نظم

 

[رياض حسين گلال]

جواب: “خِزان جي خُو شبو”

بهترين ادا ۔۔۔۔۔۔۔۔۔۔۔۔

 

[نجمه]

جواب: “خِزان جي خُو شبو”

ادا معظم بهترين شيئرنگ