شاه عبدالطيف ڀٽائي رحه،جي سُر ڪلياڻ مان چند بيت اوهان جي لاء تون چَئُه آللهُ هيڪڙو ، وائيِ ٻِي وسارِِِ تَنَ ۾ تَندُ تَوارِ ،سَدا سُپيرِينِ جِي۔ تون چَئُه آللهُ هيڪڙو ، ٻي وارِجِ ۾َ وائيِ جيڪا مُڪِي سَڄَڻين سِکجُ تون سائي اوڙَڪِ اِهائِي ،ڳولي لَهِجُ ڳَالَهڙِي۔ تون چَئُه آللهُ هيڪڙو ، ٻِي وِائيِ وساري ڇَڏِ تَنَ هِنيين سيِن گَڏ ،سَڄَڻُ سَاهَ پَساهَ ۾ ۔ سُر ڪلياڻ شاه صاحب جي فڪر جي عظمت ۽ اوج جي لحاظ سان ،سر ڪلياڻ نهايت ڳرو ڳُوڙهو سر آهي۔اعلي ڄاڻ ۽ معرفت حاصل ڪرڻ ۽ اعلئ مقصد ماڻڻ لاء،هن سر ۾ سمايل فڪر انسان کي شڪ ۽ شرڪ بدران يقين،آرام بدران بي آرامي،تسڪين بدران تڙپ ۽ بيتابي،رسمي ڏيکاء بدران سچائي،۽ سڌن بدران سر جي قرباني جي راه ڏيکاري ٿو۔هن سُر ۾ "توحيد" ۽ "رسالت" جي حوالي سان،انسان جي عقيدي جي صفائي ۽ ڪائنات جي وحدت جو راز سمجهايل آهي۔اعلئ ڄاڻ ۽ معرفت واري مقام تي پهچڻ خاطر،حقيقت جي تلاش ڪندڙ کي ترغيب ڏنل آهي ته هو ٻيائيءَ کي ٻوڙي،خوديءَ کي کائي،هئڻ ۽ هستي واري ڪُلاه ڪاٽي;ٻاهرين لُڇَ پُڇ بدران اندر م لوچي ۽ لُڇي، ۽ "پاڻ" کي پاڻ کان پري ڪري ائين جو ڄڻ مرڻ کان اڳ مري۔عشق جي آزمايش،محبوب جي بي پرواهي،ڪاتي ۽ ڪوس،کوري ۽ باه جو ذڪر آهي;محبوب جي ڪهڻ ۽ عاشق جي ڪسجڻ جو بيان آهي، عشق آسان ناهي پر سوريءَ جي سيج آهي۔عشق جي واردات ضربن ۽ زخمن واري آهي۔عشق جي آزمايش ۾ ڪاميابي لاءِ سچي عاشق کي محبوب آڏو ڪسي قربان ٿيڻ ۽ سرهو ٿي سوريءَ تي چڙهڻو آهي۔ اهو سڄو ماحول نهايت ڳرو ڳوڙهو آهي،سُر ڪلياڻ يقين کي محڪم ڪندڙ،قربانيءَ لاء جوش ۽ جذبو جاڳائيندڙ،اعلئ منزل تي پهچڻ لاء ولولو وڌائيندڙ،همت ۽ حوصلو ڏيندڙ آهي۔هيءَ سر خاص طرح حق ۽ حقيقت جي ڳوليندڙ کي لوڏيندڙ ۽ لرزائيندڙ آهي۔سندس سک ۽ آرام وڃائيندڙ آهي،۽ کيس اعلئ معرفت واري مقام لاء اڀاريندڙ ۽ اٿاريندڙ آهي۔انهي لحاظ سان ،سر ڪلياڻ نهايت زورائتو سر آهي۔جنهن ۾ سانت ۽ سڪون بدران ولولو ۽ ووڪُ آهي،جنهن ۾ جرات ۽ جولان هيج ۽ هيجان آهي۔هن سر ۾ اها زوردار ترغيب ڏنل آهي ته سوري ئي سيج آهي،سوز ئي سڪون آهي۔۽ جي ڪو آرام آهي ته آڳ ٻرندي ۾ ئي آهي۔هن سر ۾ اعلئ مقصد خاطر پنهنجون سموريون سڌون ڀڃڻ،سک جا سانگا پلڻ ۽ آرام ڦٽائڻ،۽ ڏک ڏاکڙا ڏسڻ ۽ سهڻ جي ترغيب ۽ تعليم ڏنل آهي۔
جواب: جي تو بيت ڀانيان سائين محترم غلام مصطفي ميمڻ صاحب، جزاڪ الله بيشڪ شاه عبدالطيف رح جن پنهنجي سر ڪلياڻ ۾ جنهن فڪر کي ڳايو آهي، اهو قرآني فڪر آهي، ”لا لله الا لله“ جي فڪر کي نروار ڪيل آهي، ۽ هڪ الله جي مڃڻ جي تلقين ڪيل آهي ۔۔۔ اکر پڙهه الف جو، ٻيا ورق سڀ وسار، اندر تون اجار، پنا پڙهيندي ڪيترا۔ جسي ۾ جبار جو، خفي خيمو کوڙ، جلي تون زبان سين، چارئي پهر چور، فڪر سين فرقان ۾، اسم اعظم ڏور، ٻيا در وڃي مَ ووڙ، اي اَمُلُ اتائين سپجي۔ سنڌ واسين کي لطيف جهڙا رهبر ۽ مرشد مليل آهن پر پوءِ به حالت اڃان سڌري ناهي ۔۔۔ ؟؟؟ رب ڪري ته اسين پنهنجن رهبرن جي پيغام کي سمجهندي عمل ڪريون ۔۔۔ عمل سان ئي چوٽڪارو ممڪن آهي ۔۔۔۔ لک ٿورا محترم دوست، اوهانجي سهڻي تشريح ۽ بيتن جو چونڊ سنڌ سلامت ساٿ سلامت
جواب: جي تو بيت ڀانيان سائين محترم غلام مصطفي ميمڻ صاحب، جزاڪ الله تمام خوبصورت انداز ۾ شاهه سائين جي شعرن تشريح ڪئي اٿو۔ واه سولي آ سينگار اصل عاشقن جو سائين بهترين ان سلسلي کي جاري رکجو
جواب: جي تو بيت ڀانيان سائين ماشااللله بهترن سُر جي بهترين تشريح ۔ جيئن ته ڪلياڻ لفظ جيڪو سنسڪرت جو لفظ آهي جنهن جي معني! آهي سُک شانتي ، سڪون ۔ هاڻِ جي هن سُر کي ٿا پڙهون ته هتي عجيب وارداتون آهن هن سُک جي ڳولڻ واري لاءِ ڪاتيون ڪهاڙا نيزا ڀالا سڀ جا سڀ هن طالب جي شڪار لاءِ هر دم تيار رهن ٿا ۔ مزي جي ڳالھ هن شوق ۾ اها آحي ته اهي هٿيار وري آهن به گهني ڀاکي پنهنجن جي هٿن ۾ جيڪواحساس اڃان تڙ پائيندڙ آهي ۔ ان لاءِ فقير و درويش گهڻي ڀاکي طالب کي چوندا آهن ته جي تو کي اهي اوزار نه ٿا وين ته تون پنهنجي منزل کي ٻيهر جاچي ڏس ڪٿي راه ڀليل ته ناهين ۔جيئن حضرت علي ڪرم الله وجه جو فرمانِ اطهر آهي ته جي تون حق جي راه تي هلڻ گهرين ٿو ۽ تو سفر جاري ڪيو آهي پر جي توکي رستي تي مشڪلاتون پيش نه ٿيون اچن ته تو کي پنهنجي رستي تي غور ڪرڻ جي ضرورت آهي ۔ هي به عجيب سُک آهي جنيو ڀالن ڪاتن ڪهاڙن جي ضربڻ سان ملي ٿو اهو سک ڪهڙو آهي ان سُک کي ڳولڻ جي ضرورت آهي ۔ وسلام
جواب: جي تو بيت ڀانيان سڄي سنڌ واسين کي جشني ولادت جون لک لک واڌايون۔۔ آقا جي آمد مرحبا مولا جي آمد مرحبا مرحبا يا مصطفاصلي الله وآله وسلم۔۔ يا رب پنهنجي محبوب جي ولادت جي صدقي سنڌ امڙ کي سدا آباد رک آمين۔۔۔۔
