سنڌ سلامت جي سموري ساٿ پاران دنيا جي سڀ کان وڏي شاعر شاهه عبداللطيف ڀٽائي جي 268هين عرس جي موقعي تي کيس ڀيٽا پيش ڪيون ٿا۔
جواب: شاهه عبداللطيف ڀٽائي جي 268 هين عرس مبارڪ تي ڀيٽا سهڻا دوست سليمان ۔۔۔ لطيف کي ڀيٽا ڏيندي لفظ کٽي ٿا وڃن۔ ڇاڪاڻ جنهن رهبر سنڌي ٻوليءَ کي اهڙي ته جوت بخشي آهي جو هيءَ ٻولي تاقيامت روشن ٿي وئي آهي ۔۔۔ هاڻ اهڙا ڪهڙا لفظ آهن جيڪي لطيف کي ڀيٽا ڏيڻ ۾ پورا لهن ۔۔۔؟؟؟ لطيف سرڪار پاڻ وڃائي هن لهڻ جو ڪامل نظريو ڏنو آهي، هاڻ اسان جهڙو سيکڙاٽ ان فڪر ۽ نظرئي کي ڪهڙي ڀيٽا ڏي ۔۔۔!!!! رب العالمين جا لک شڪرانا جو هُنَ اهڙو سهڻو انسان هِنَ قوم کي بخشيو، جنهن پنهنجي علم ۽ ٻوليءَ جي وسعت سان سنڌي قوم ۽ ٻوليءَ کي هميشه لئه زنده ڪري ويو آهي ۔۔۔ سنڌ سلامت سميت سموريءَ سنڌ کي لطيف سرڪار جي پيغام جي موجودگيءَ جون واڌايون ۔۔۔ لطيف سرڪار جي ٻوليءَ ۽ لوليءَ جون مبارڪون هجن ۔۔۔ آءُ سهڻي لطيف کي سندس جو سمورو رسالو ڀيٽ ڪريان ٿو ۔۔۔ سنڌ سلامت ساٿ سلامت
