سنڌ سلامت جي خدمت ۾ ابليس عرف شيطان جو تعارف پيش خدمت آهي۔ اميد ته ناراضگي جو اظهار نه ڪرڻ فرمائيندا۔ هن جو ملعون ٿيڻ کان اڳ نالو عزازيل هيو۔ هي الله پاڪ جي مخلوق جنن مان آهي۔ ڪجھ عالمن جي بيان مطابق زمين جو ڪو اهڙو حصو باقي رهيل نه آهي جتي شيطان عبادت، رياصت ، سجدو نه ڪيو هجي۔ هي تڪبر خاطر ملعون ڪيئن ٿيو ان کان شايد هر ماڻهون واقف آهي۔ جو سيدنا آدم عليه السلام جي تخليق وقت الله پاڪ کي عرض ڪيائين ته مان باھ مان پيدا ڪيو ويو آهيان مگر سيدنا آدم عليه السلام کي مٽي مان پيدا ڪيو ويو آهي ۔ مان آدم کان افضل آهيان! مان تو الله کانسوا آدم کي هرگز سجدو ڪون ڪندس! تنهن تي مالڪ سائين ڏمرجي عزازيل مان ابليس جي نالي سان کيس پڪاريو۔ جڏهن شيطان زمين تي لٿو ته الله پاڪ کي عرض ڪيائين ته اي منهنجا رب تو مونکي زمين تي تڙي لاٿو، مردود ڪوٺيو هاڻي منهنجو گهر مقرر فرمايو۔ مالڪ کيس چيو ته غسل خانو تنهنجو گهر آ! چيائين منهنجي ويهڻ جي جڳھ ڪهڙي هوندي؟ جواب مليس ته بازار ، چوڪ۔ چوڻ لڳو منهنجو کاڌو جواب مليس ته هر اهو کاڌو جيڪو بغير بسم الله پڙهي کاڌو وڃي۔ چيائين منهنجي پيئڻ لئه ڪهڙي شي هوندي؟ جواب مليس هر نشي واريون شيون! چوڻ لڳو منهنجو سڏ ڪرڻ ڪيئن هوندو؟ جواب مليس گانا باجا! چيائين منهنجي تلاوت مقرر فرمايو؟ حڪم مليس ته برا شعر! چيائين منهنجون ڳالهيون ؟ جواب مليس ته ڪوڙ هڻڻ! چيائين منهنجو پيغمبرڪير هوندو؟ جواب مليس نجومي! چيائين منهنجو ڄار ڪهڙو هوندو؟ جواب مليس ته عورتون! حوالو: ڪنزالعمال، ابوالمليح عن ابيح دوستو اڄ هي ڪنهن فيس فوڪ تي اردو ۾ لکيل شيئر ڪيو هيو جنهنکي سنڌي ۾ ترجمو ڪرڻ جي ڪوشش ڪئي آهي ٻه چار لفظ جيڪي ياد هئا پنهنجي پاران به لکيا اٿم۔ اگر ڪا ڪوتاهي ٿي هجي ته درست ڪرڻ فرمائيندا ۔ پنهنجا پنهنجا رايا ضرور ڏيندا ته هن کان بچڻ جو ڪو سامان فراهم ٿي ۔ دعا آهي ته شال مولا ڪريم اسان سڀني مسلمانن کي هن کان بچڻ جي توفيق عطا فرمائي۔ آمين اوهانجو خادم عبدالغني واراهي
جواب: ابليس عرف شيطان جو تعارف ابليس ۽ الله ذوالجلال جي ڏنل مٿين مڪالمن جو هڪ وال پيپر عربي ۾ لکيل اڄ ئي مليو آهي، جنهن ۾ ڪجهه وڌاريون شيون به آهن ۔۔۔ ممڪن سڀاڻي انهن کي ترجمو ڪري پيش ڪبو ۔۔۔ هي وال پيپر سعودي عرب ۾ موجود اسلامي تنظيم پاران شايع ٿيل آهي ۔۔۔ جنهن ۾ ابليس کان بچڻ جا ڪجهه نقطا به شامل آهن ۔۔۔ ابليس جو مقابلو ڪرڻ ڪا سولي ڳالهه ناهي ڇاڪاڻ ته رب العالمين پاران ڏنل کيس آزادي ۽ سگهه ايتري آهي جو هو انسان جي دل ۽ دماغ تائين رسائي حاصل ڪري وٺي ٿو ۔۔۔ ظاهر آهي ته جڏهن به انساني دل ۽ دماغ ۾ هلڪي به ايمان کان خالي ڪا جڳهه موجود هوندي ته ان ۾ شيطان پنهنجو گهر ٺاهي وٺڻ جي ڪوشش ڪندو آهي ۽ انسان کان شيطاني عمل سرزد ٿيڻ لڳندا آهن ۔۔۔ پر مضبوط ايمان وارا ماڻهون ممڪن حد تائين پنهنجي دل ۽ دماغ ۾ شيطان جي داخل ٿيڻ جا رستا بند ڪري رکندا آهن، ۽ جيڪڏهن ڪٿي ڪو خال پئدا به ٿيندو آهي ته جلد ئي انکي ڀري وٺندا آهن ۔۔۔ بلڪل ساڳي طرح جڏهن ڪنهن گهر جي حفاظتي ڀت ڪرندي آهي ته جلد کان جلد ان جي مرمت ڪئي ويندي آهي ته جيئن محفوظ رهي سگهجي ۔۔۔ ادا عبدالغني ابليس جو تعرف پيش ڪري اوهان اسانکي انکان خبردار ڪيو آهي ۔۔۔ جزاڪ الله
جواب: ابليس عرف شيطان جو تعارف منهنجي نظر ۾ ته ابليس هر اها سرگرمي آهي جيڪا اسان کي رب کان غافل ڪري۔ هر اها طاقت ، هر اهو ڪم جيڪو رسول ڪريم صه جي زندگيء جي خلاف هجي يا قرآن جي ڏسيل اصولن کان هٽي ڪجي اهو شيطاني ڪم آهي۔ تنهنڪري اسان کي قرآن جي فلسفي کي سمجهي رسول جي ڏسيل واٽ تي هلڻو آهي نه ڪي ابليس جي ڳالهين ۾ اچي يا نفساني خواهشن جي پورائي لاء ڪي غلط ڪم ڪجن۔ بهترين شيئرنگ آهي ۔۔۔۔۔۔۔۔۔۔۔۔ سائين نثار ابڙو جي وڌيڪ تفصيلي مضمون جو انتظار رهندو۔
