سائين اسلام و عليڪم منهنجو عرض آهي ته ڇا ڪو اهڙو سافٽيويئر آهي جنهن سان اسان سنڌي ڪتابن کي انگريزي ۾ ڪنورٽ ڪري سگهون
جواب: مسئلو حل ڪريو منهنجا دوست عبدالعزيز، في الحال ته پنهنجي ڄاڻ ۾ اهڙو ڪو سوفٽويئر ناهي جنهن سان سنڌيءَ کي انگريزيءَ ۾ بدلائي سگهجي، ها !گوگل وارن انگريزيءَ مان عربي ۽ عربيءَ مان انگريزي عبارت کي بدلائڻ جو ٽرانسليٽر مهيا ڪيو آهي پر اهو به ڪنهن حد تائين غلطيون ڪري ٿو يا عربن هڪ اهڙو سوفٽويئر ايجاد ڪيو آهي جنهن سان عربيءَ کي انگريزي يا انگريزيءَ کي عربي ڪري سگهجي ۔۔۔ پر سنڌي قوم جا ادارا اهڙو سٺو ڪم ڪڏهن ۽ ڪيئن ڪندا ۔۔؟؟ اهو هڪ سوال آهي ۔۔۔ الله سلامت رکي سنڌ دوستن کي جيڪي پنهنجي همٿ پاڻ جي بنياد تي سنڌي ٻوليءَ جي خدمت ڪري رهيا آهن، باقي حال پورا آهن ۔۔۔ ممڪن ڪنهن دوست کي ڪا ڄاڻ هجي ان سلسلي ۾ ۔۔۔ پاڻ کي به انتظار آهي ته اهڙو ڪو ڪم ٿي پوي ۔۔۔ سنڌ سلامت ساٿ سلامت
جواب: مسئلو حل ڪريو ادا عزيز جي مهرباني جو هڪ اهم سوال اٿاريو اٿائون۔۔ انٽرنيٽ جي دنيا ۾ طرحين طرحين جي زبانن تي مشتمل ٻولين سان جڏهن ويب سائيٽس تيار ٿيڻ لڳيون ته سڀ کان پهريان گوگل وارن کي خيال ٿيو ته ڇو نه اهڙين ويب سائيٽس کي ٻين ٻولين ۾ به تبديل ڪري پڙهندڙن جي لاءِ سهولت پيدا ڪجي۔۔ ان کان سواءِ گوگل پنهنجي اشتهارن کي به سائيٽ تي موجود مواد جي حساب سان اپڊيٽ رکڻ ڪري به ان طرف قدم وڌايو۔۔۔ جيئن ته هي ڪم ڪنهن هڪ ماڻهون يا گروپ کان وڏو هيو ان ڪري ان تي مختلف ٻولين جي ادارن چڱو بجٽ رکي ڪم وڌايو اهڙن ادارن کي حڪومتي سهڪار سان گڏ گوگل جي سپورٽ پڻ حاصل رهي ته ڪم آسان ٿيندو ويو ۽ ڏسندي ڏسندي گوگل ٽرانسليشن ۾ ڪافي ٻولين جو اضافو ٿيو۔۔ پر ان باوجود جو ساڄي کان کاٻي لکائي وارين ٻولين به پنهنجو ڀرپور ڪردار نڀايو پر انهن مان صرف اهي انهن ملڪن جا ادارا ڪم اڳتي وڌائي سگهيا جن ان ڪم کي ذميواري سمجهي ڪيو۔۔ پاڪستان ۾ گوگل جي سپورٽ نه هئڻ جي برابر آهي ۽ سرڪار جو ته الله ئي حافظ آهي ان ڪري هتان جون زبانون اهڙي ڊوڙ ۾ شامل نه آهن۔۔ ايسيتائين جو جن ادارن تي فرض ٿئي ٿو اهي به خالي ڪانفرنسون ۽ سمينار ڪرائي لک لٽائي هٿ تي هٿ رکي ويهي رهيا آهن۔۔ ان باوجود به انفرادي طور جستجو جاري آهي ۽ اميد ڪجي ٿي ته دير سان ئي سهي پر ڪا اڳڀرائي ٿي سگهي۔۔۔
