The Great Dictator عظيم مطلق العنان +++++++++ اهم نوٽ؛ دوستو! هيءَ هڪ فلم ٺاهي وئي هئي، جنهن ۾ جڳ مشهور اداڪار چارلي چپلن Charlie Chaplin پنهنجي قلم، هدايتڪاري ۽ اداڪاريءَ جا جوهر ڏيکاريا هيا .... فلم ته پوري ڏسڻ وٽان آهي، هن فلم جنهن جاءِ تي چارلي چپلن کي جڳ مشهوري ڏني ساڳي جاءِ تي کيس عدالتي تڪليفون به برداشت ڪرڻيون پيون، هن فلم ڪيترائي ايوارڊ کٽي ورتا آهن ... هيٺ ڏنل ان فلم ۾ ڪيل هڪ تقرير آهي، هن تقرير ۾ چارلي چپلن پنهنجي علم ۽ قلم جا جوهر ڏيکاريندي، انسانيت ۽ جمهوريت جي اهميت کي اجاگر مطلق العنان حڪمرانن کي تنقيد جو نشانو ڪيو آهي. آءُ هن جو ترجمو ڪري اوهانجي اڳيان رکان ٿو ۽ گڏو گڏ انگريزي تقرير جو متن پڻ ڏيانٿو ... اوهان هڪ طرف تقرير ٻڌو ۽ انگريزي ڏسندا وڃو ... اميد ته تقرير اوهانکي پسند ايندي ... انکانپوءِ جن دوستن جي انگريزي مون جيئان ڪمزور هجي ته هن ترجمي کي ڏسي وٺندا ... ته ڳالهه سمجهه ۾ اچي ويندي ... ٿورا ناهن ٿورا ++++++++++++++++++++++ [JUSTIFY]معاف ڪجو، آءُ حڪمران نٿو ٿيڻ چاهيان، اهو منهنجو مقصد ناهي، آءُ حڪمراني ڪرڻ يا ڪنهنکي فتح ڪرڻ نٿو چاهيان، جيترو ممڪن ٿي سگهندو آءُ ٻين جي مدد ڪرڻ چاهيندس، يهودي يا غير يهودي، ڪارو ماڻهون يا گورو، اسين سڀ هڪٻئي جي مدد ڪرڻ گهرونٿا، انسان ائين ئي چاهي ٿو، اسين هڪٻئي جي خوشين سان رهڻ ٿا چاهيون نه ڪي هڪٻئي جي مشڪلاتن سان، اسين هڪٻئي سان نفرت ڪرڻ يا هڪٻئي کي پريشان ڪرڻ نٿا چاهيون. هن دنيا ۾ هر هڪ ماڻهونءَ لئه جڳهه موجود آهي، ۽ هيءَ ڌرتي خاصي آسودي آهي، جيڪا هر هڪ کي ڏئي سگهي ٿي. زندگيِءَ جا رستا آزاد ۽ سهڻا ٿي سگهنٿا. پر اسين ڀٽڪي ويا آهيون، لالچ انساني روحن کي زهريلو ڪري ڇڏيو آهي، نفرت دنيا کي بند ڪري ڇڏيو آهي، اسانکي شيطاني ڏکن ۽ خونريزيءَ جي طرف ڌڪيو ويو آهي، اسين رفتار ايجاد ڪئي آهي پر پاڻ کي انجي حوالي ڪري ڇڏيو آهي، مشينري جيڪا اسانکي آسودگي فراهم ڪري ٿي، خواهشن جي حوالي ڪري ڇڏيو آهي، اسانجي ڄاڻ اسانکي خودغرض بي اعتبارو ڪري ڇڏيو آهي، اسانجي عقلمندي سخت ۽ بي رحم آهي. اسين گهڻو سوچيون ٿا ۽ ٿورڙو محسوس ڪريونٿا. اسانکي، مشين کان وڌ انسانيت جي ضرورت آهي، اسانکي چالاڪيءَ کان وڌيڪ رحمدلي ۽ شرافت جي ضرورت آهي، انهن خصوصيتن کان بغير زندگي ڪروڌي ٿي پوندي ۽ هر شئي ختم ٿي ويندي. جهاز ۽ ريڊيو اسانکي هڪٻئي جي ويجهو آندو آهي، هنن تخليقن جي اصليت انسان ۾ موجود چڱائيءَ لئه رڙيون ڪري ٿي، انساني ڀائيچاري جو روئڻ روئي ٿي. اسان سڀني جي ايڪي لاءِ.... هن وقت به منهنجو آواز سموري دنيا ۾ ڪروڙن ماڻهن تائين پهچي رهيو آهي، ڪروڙين نا اميد مردن، عورتون ۽ ننڍڙن ٻارن تائين. نظام جا ظلم، ماڻهن کي ايذاءَ رسائن ٿا ۽ معصومن کي باندي ڪن ٿا. اهي جيڪي مونکي ٻڌي سگهن ٿا، آءُ چوانٿو ته، نااميد نه ٿيو، جيڪا مشڪل اسان جي مٿان آهي سا لالچ جي ڪارڻ آهي، انساني بي وقوفي جنهن کي انسان جي ترقيءَ کان خوف ٿو ٿئي. انسان جي نفرت ختم ٿي ويندي، مطلق العنان حڪمران مري ويندا، ۽ جيڪا سگهه ماڻهن کان کسي وئي آهي سا عوام ڏانهن موٽي ايندي. ۽ ماڻهون مرندا ئي رهندا پر آزادي ڪڏهن ختم نه ٿيندي. سپاهيو! پنهنجو پاڻ کي ظلم جي حوالي نه ڪريو، اهو شخص جيڪو اوهانکان نفرت ڪري ٿو، غلام ڪري ٿو، اوهانجي زندگين تي اختيار رکي ٿو، اوهانکي ٻڌائي ٿو ته، ڇا ڪيو، ڇا سوچيو، ۽ ڇا محسوس ڪيو! جيڪو اوهانکي وس ڪري ٿو، اوهانجي کاڌي تي نظر رکي ٿو، اوهان سان جانورن جهڙو سلوڪ ڪري ٿو، اوهانکي پنهنجي لٺ ڪري استعمال ڪري ٿو، پنهنجو پاڻ کي ان غيرفطري ماڻهونءَ جي حوالي نه ڪريو، مشيني ماڻهون، جنهنجو دل ۽ دماغ به مشيني آهي! اوهان مشين ناهيو، اوهين جانور ناهيو، اوهين ماڻهون آهيو، اوهان جي دلين ۾ انسانيت لئه پيار آهي، اوهان نفرت ناهيو ڪندا، صرف بي زرر نفرت، غير اهم ۽ غير فطري. سپاهيو! غلاميءَ لاءِ نه وڙهو! آزاديءَ لاءِ وڙهو، سينٽ ليوڪ جي 17 باب ۾ لکيل آهي ته، “ خدا جي شهنشاهيت انسان جي اندر آهي“ نه ته هڪ ماڻهون ۾ يا ڪنهن ماڻهن جي گروهه ۾، پر سڀني ماڻهن ۾! اوهان ۾، اوهان، ماڻهن کي اها سگهه آهي، مشينن کي ايجاد ڪرڻ جي سگهه، خوشين کي پئدا ڪرڻ جي سگهه، اوهان، ماڻهن کي اها سگهه آهي ته هن زندگيءَ کي آزاد ۽ سهڻو ٺاهي سگهو، هن زندگيءَ کي عظيم سفر ۾ بدلائي سگهو. پوءِ اچو ته جمهوريت جي نالي ۾ اسين ان سگهه کي استعمال ڪريون. اچو ته اسين سڀ هڪ ٿي وڃون، اچو ته اسين نئين دنيا لئه وڙهون، هڪ مهذب دنيا جيڪا ماڻهونءَ کي ڪم ڪرڻ جو موقع فراهم ڪري، جيڪا نوجوانن کي مستقبل ڏي، ۽ پوڙهن کي امن. انهن ئي واعدن جي بنياد تي ظالم حڪمران سگهارا ٿي اڀريا آهن، پر اهي ڪوڙا آهن، انهن اهي واعدا پورا نه ڪيا آهن ۽ نه وري پورا ڪندا، مطلق العنان پاڻ کي ته آزاد رکندا آهن پر ماڻهن کي غلام ڪري رکندا آهن. هاڻ اچو ته اسين انهن واعدن کي پوري ڪرڻ لاءِ وڙهون، دنيا کي آزاد ڪرڻ لاءِ وڙهون، قومي رڪاوٽن کي هٽائيندي، لالچ، نفرت ۽ محدود سوچ کي ختم ڪندي، اچو ته مقصدن واري دنيا لاءِ وڙهون، هڪ اهڙي دنيا جتي سائنس ۽ ترقي هر انسان جي خوشيءَ جي مهندار ٿيندي. سپاهيو! جمهوريت جي نالي ۾، اچو ته اسين سڀ متحد ٿي وڃون. [/JUSTIFY] [JUSTIFY] I'm sorry, but I don't want to be an emperor. That's not my business. I don't want to rule or conquer anyone. I should like to help everyone if possible; Jew, Gentile, black man, white. We all want to help one another. Human beings are like that. We want to live by each other's happiness, not by each other's misery. We don't want to hate and despise one another. In this world there is room for everyone, and the good earth is rich and can provide for everyone. The way of life can be free and beautiful, but we have lost the way. Greed has poisoned men's souls, has barricaded the world with hate, has goose-stepped us into misery and bloodshed. We have developed speed, but we have shut ourselves in. Machinery that gives abundance has left us in want. Our knowledge has made us cynical; our cleverness, hard and unkind. We think too much and feel too little. More than machinery, we need humanity. More than cleverness, we need kindness and gentleness. Without these qualities, life will be violent and all will be lost. The airplane and the radio have brought us closer together. The very nature of these inventions cries out for the goodness in men; cries out for universal brotherhood; for the unity of us all. Even now my voice is reaching millions throughout the world, millions of despairing men, women, and little children, victims of a system that makes men torture and imprison innocent people. To those who can hear me, I say, do not despair. The misery that is now upon us is but the passing of greed, the bitterness of men who fear the way of human progress. The hate of men will pass, and dictators die, and the power they took from the people will return to the people. And so long as men die, liberty will never perish. Soldiers! Don't give yourselves to brutes, men who despise you, enslave you; who regiment your lives, tell you what to do, what to think and what to feel! Who drill you, diet you, treat you like cattle, use you as cannon fodder. Don't give yourselves to these unnatural men - machine men with machine minds and machine hearts! You are not machines, you are not cattle, you are men! You have the love of humanity in your hearts! You don't hate! Only the unloved hate; the unloved and the unnatural Soldiers! Don't fight for slavery! Fight for liberty! In the seventeenth chapter of St. Luke, it is written that the kingdom of God is within man, not one man nor a group of men, but in all men! In you! You, the people, have the power, the power to create machines, the power to create happiness! You, the people, have the power to make this life free and beautiful, to make this life a wonderful adventure. Then in the name of democracy, let us use that power. Let us all unite. Let us fight for a new world, a decent world that will give men a chance to work, that will give youth a future and old age a security. By the promise of these things, brutes have risen to power. But they lie! They do not fulfill that promise. They never will! Dictators free themselves but they enslave the people. Now let us fight to fulfill that promise. Let us fight to free the world! To do away with national barriers! To do away with greed, with hate and intolerance! Let us fight for a world of reason, a world where science and progress will lead to all men's happiness. Soldiers, in the name of democracy, let us all unite! [/JUSTIFY]
جواب: The Great Dictator عظيم مطلق العنان هڪ مزاحيه اداڪاري ڪندڙ اهڙو شخص جيڪو ڳالهائيندو گهٽ ۽ پنهنجي بيوقوفي وارين حرڪتن سان ڏسندڙ رڳو مسڪرائڻ تائين نه پر کلي کلي کيرو بڻائي ڇڏيندڙ کي به جڏهن پنهنجي ڪردار کي وائکو ڪرڻ جو موقعو مليو ته هن ڳالهايو ۔۔۔ ها هن ڳالهايو ۽ ڇا ته خوب ڳالهايو۔۔ سندس لفظ لفظ سچائي جي دليل آهي ۔۔۔ سچائي به اهڙي جو حقيقت لڪي نه سگهي۔۔ سندس چيل لفظ لفظ ٻڌڻ وٽان آهي جو اسان پنهنجي خواهشن جي پورائي ۾ ايترا خود غرض ٿي ويا آهيون جو اهڙين ڳالهين ۽ عملن کي به نظر انداز ڪري ويٺا آهيون ۔۔ جيڪي اسان کي زندگي ۽ انسانيت کان پري وٺي چڪا آهن۔۔۔ سندس تقرير نما چماٽ اسان جي معاشري ۽ اهڙن نظامن تي به آهي جيڪي انسانيت به وساري ويٺا آهن۔۔ يقينن توهان جو ڪم آواز اٿارڻ آهي۔۔ پڪ سمجهو ته توهان جو ترجمو ڪيل ۽ محنت ڀريون سٽون رائگان نه ويون۔۔۔
جواب: The Great Dictator عظيم مطلق العنان معاف ڪجو، آءُ حڪمران نٿو ٿيڻ چاهيان، اهو منهنجو مقصد ناهي، آءُ حڪمراني ڪرڻ يا ڪنهنکي فتح ڪرڻ نٿو چاهيان، جيترو ممڪن ٿي سگهندو آءُ ٻين جي مدد ڪرڻ چاهيندس، هن تقرير جي هر سٽ، هر جملو، هر لفظ اهم ۽ عمل ڪرڻ جهڙو آهي۔ ڪاش حڪمران ان ڳالهه کي سمجهي سگهن۔ اسان جي فوج، اسان جا حڪمران، اسان جا ادارا انهن ڳالهين تي غور ڪن ۽ انهن تي عمل ڪن۔ سچ ته سڄي تقرير انسانيت جي اصولن تي ٻڌل آهي۔ سائين نثار مهربانيون، اوهان هڪ اهم تقرير کي سولي سنڌي ۾ ترجمو ڪري اسان سان ونڊ ڪيو آهي۔
جواب: The Great Dictator عظيم مطلق العنان جن دوستن کي هي فلم ڏسڻي هجي ته هيٺ آ انجي پهري قسط ڏيانٿو، باقي 8 قسطون به اوهان هڪ ختم ڪري ٻي ڏسي سگهو ٿا ۔۔۔ هر هڪ قسط لڳ ڀڳ 15 منٽن جي آهي ۔۔۔ فلم ۾ مذاح به بلا جي آهي ۽ هٽلر جي نقل ته اهڙي ڪئي اٿس جو وڃي ٿين خئير ۔۔۔ اميد ته اوهانکي فلم وڻندي ۔۔۔
جواب: The Great Dictator عظيم مطلق العنان هونءَ ته سموري فلم تمام مذاحيه ۽ وڻندڙ آهي پر هن فلمي ٽڪڙي ۾ غور طلب ڳالهه اها آهي ته ڪيئن ڊڪٽيٽر دنيا سان پنهنجي مرضيءَ مطابق کيڏندا آهن ۔۔۔ انداز توهانکي يقينن پسند ايندو ۔۔۔
