پوپٽ نچندا ئي رهيا،ـ رنگ رتي جهنڪار،ـ مون نه جوانيءَ ۾ لکي!ـ

[غلام مرتضى وساڻ]

سنڌ سلامت جي دوستن کان معذرت جو ڊگهي عرصي کانپوء اوهان جي خدمت ۾ حاضري ڀري آهي۔ شيخ اياز جي دور جي ساٿي ۽ مشهور شاعر نارائڻ شيام جي شاعري اوهان جي خدمت ۾ حاضر آهي۔

نارائڻ شيام


ڪوئل جي ڪونجار،ـ
مون نه جواني ۾ لکي!ـ

هير ڀني جي اوٽ ۾،ـ
آئي جا هٻڪار،ـ
مون نه جوانيءَ ۾ لکي!ـ

پوپٽ نچندا ئي رهيا،ـ
رنگ رتي جهنڪار،ـ
مون نه جوانيءَ ۾ لکي!ـ

نيري نڀ جي گهور ۾،ـ
هيئن اُڪير اَپار،ـ
مون نه جوانيءَ ۾ لکي!ـ

وڻج نجو ئي نور جو،ـ
تارن جي بازار،ـ
مون نه جوانيءَ ۾ لکي!ـ

ڪهڙي ڌُن ۾ ڌُوڪبي،ـ
ويئي ڪيئي ڄمار،ـ
مون نه جوانيءَ ۾ لکي!ـ

 

[عرس پريو]

جواب: پوپٽ نچندا ئي رهيا،ـ رنگ رتي جهنڪار،ـ مون نه جوانيءَ ۾ لکي!ـ

پوپٽ نچندا ئي رهيا،ـ
رنگ رتي جهنڪار،ـ
مون نه جوانيءَ ۾ لکي!ـ

توهان جي واپسي کي ڀليڪار ڪجي ٿو ۔۔۔۔۔۔۔۔۔۔ ڪڏهن ڪڏهن ڀيرو ڀريندا ڪريو ۔۔۔۔۔۔۔۔۔۔۔۔۔۔۔

تمام خوبصورت خيال ونڊ ڪيا اٿو بهترين

 

[سليمان وساڻ]

جواب: پوپٽ نچندا ئي رهيا،ـ رنگ رتي جهنڪار،ـ مون نه جوانيءَ ۾ لکي!ـ

واپسي تي ڀليڪار، اوهان جي سهڻي چونڊ

نارائڻ شيام سنڌي ٻولي جو سرمايو هو جنهن سنڌ جي وڇوڙي تي چيو هو ته :

الائي ڪهڙي مهل شيام ان مان نڪتاسين
جو وطن ورڻ ته ڇا ، سرحد ڏسڻ نصيب نه ٿيو

نارائڻ شيام جي موت تي شيخ اياز لکيو هو :

تنهنجي رُک کڻي ويون۔ گنگا جون لهرون
سنڌوء اٻهريون، ٻانهون ڦهلايون گهڻيون۔

 

[ڏاڏل شينو]

جواب: پوپٽ نچندا ئي رهيا،ـ رنگ رتي جهنڪار،ـ مون نه جوانيءَ ۾ لکي!ـ

واه سائين مرتضى وساڻ صاحب دل خوش ٿي وئي
بهترنن درس شاعري ۾
وسلام

 

[رشيد سمون]

جواب: پوپٽ نچندا ئي رهيا،ـ رنگ رتي جهنڪار،ـ مون نه جوانيءَ ۾ لکي!ـ

شاعري ڀلي لڳي۔۔۔ پر ان کان به وڌيڪ توهان جو ٻيهر اچڻ ڀلو لڳو۔۔۔ اميد ته حاضري جاري رهندي۔۔