دوستو سلام محترم رضوان گُل سنڌ جو ڀلوڙ شاعر ۽ نثرنويس آهي۔ سندس فيسبوڪ ۽ ادبي پروگرامن ۾ تمام گهڻي سرگرمي رهندي آهي۔ سندس ايندڙ نئين شاعريء جي ڪتاب مان سندس هڪ نڪور وائي جنهن جو عنوان آهي چوڙيون کڙڪن ٿيون ، ڪالهه فيسبوڪ تي پيش ڪئي اٿس۔ اوهان اڳيان حاضر آهي۔ وائي هٿ ڏئي منهن تي هوءَ شرمائي ٿي چوڙيون کڙڪن ٿيون نيڻ کڻي هر هر ڪنڌ جھڪائي ٿي چوڙيون کڙڪن ٿيون ناري ڪمري ۾ ويس مٽائي ٿي چوڙيون کڙڪن ٿيون بارش ۾ پُسندي دل هرکائي ٿي چوڙيون کڙڪن ٿيون هٿ اشارن سان ڳالهه ٻڌائي ٿي چوڙيون کڙڪن ٿيون چوڙيون کڙڪن ٿيون
جواب: چوڙيون کڙڪن ٿيون (رضوان گُل) ناري ڪمري ۾ ويس مٽائي ٿي چوڙيون کڙڪن ٿيون رضوان گل صاحب جي شاعري جي لاجواب چونڊ ساڻ اوھان جي چترڪاري به زبردست۔
جواب: چوڙيون کڙڪن ٿيون (رضوان گُل) مهربانيون عاشق سائين رضوان گُل جي شاعري جو ڪتاب جلد اچڻ وارو آهي۔ هي وائي به ان ئي ڪتاب جي زينت هوندي۔
جواب: چوڙيون کڙڪن ٿيون (رضوان گُل) تمام خوبصورت وائي پياري سائين رضوان گل جي هٿ ڏئي منهن تي هوءَ شرمائي ٿي چوڙيون کڙڪن ٿيون سليمان وساڻ صاحب جي موهيندڙ ڊزائين ۔
جواب: چوڙيون کڙڪن ٿيون (رضوان گُل) مهرباني پسندي ڪرڻ جي اميد ته جلد اوهان جي ڪيل خوبصورت ڊزائننگ پڻ ڏسڻ لاء ملندي
جواب: چوڙيون کڙڪن ٿيون (رضوان گُل) مختصر لفظن سان موهيندڙ منظر نگاري ۔۔۔ رضوان گل هڪ اهڙي عاشق جي تصوير چٽي آهي جيڪو محبوب جي پل پل تي نظر رکي ٿو ۽ محبوب جي چوڙين جي کڙڪي جي انتظار ۾ رهي ٿو ۔۔۔ واه مٿان وري سليمان اهڙي ته چترڪاري ڪئي آهي جو رضوان گل جو هي غزل اصل اندر ۾ گهر ڪيو ڇڏي ۔۔۔ اصل هڻ کڻ ۔۔۔۔ سنڌ سلامت ساٿ سلامت
جواب: چوڙيون کڙڪن ٿيون (رضوان گُل) مهربانيون سائين مجيب سادن ۽ سولن لفظن ۾ تمام سهڻا خيال پيش ڪيا آهن اسان جي دوست رضوان گُل۔ باقي يار سهڻي شاعري کي ۽ سهڻن شاعرن کي ڪنهن ڊزائن جي ضرورت ئي ڪانه هوندي آهي۔ اها ته اسان پيا پنهنجي پاران ٺڪ ٺوڪ ڪندا آهيون۔
جواب: چوڙيون کڙڪن ٿيون (رضوان گُل) اهي چوڙيون پڪ شيشي جون ناهن نه ته ڀڄي پون ها ۔۔۔۔۔۔۔۔۔۔۔۔۔۔۔ هاهاهاها شاعري به سٺي آهي پر سليمان تصويرون به اهڙيون ٿو هڻي جو اسان جهڙن جهونن جا جذبا به جوان ٿي ٿا وڃن۔
جواب: چوڙيون کڙڪن ٿيون (رضوان گُل) پياري ڀا محمد سليمان وساڻ جون محبتون لفظن جي ڪمزور سهاري سان بيان ڪري ڪٿي ٿيون سگهجن ۔۔ يقينن هن قسم جون محبتون ئي اتساهه جو سبب بڻجن ٿيون۔۔۔ انهن سڀني پنهنجي پيارن دوستن جون به مهربانيون جن هن وائي تي را لکي ۽ پسند ڪيو ۔۔۔ شال هميشه خوشين جي ڀاڪر ۾ هجو
جواب: چوڙيون کڙڪن ٿيون (رضوان گُل) سائين نثار لک مهربانيون ادا رضوان گُل جي اها خوبي آهي جو هو سولن ۽ سادن لفظن ۾ خوبصورتي پيش ڪرڻ جو هنر خوب ڄاڻي۔ شاعر ته محبوب جي پل پل تي نظر ضرور رکندو ۽ پوء انهن پلن کي لفظن ۾ به سهڻي انداز سان پيش ڪندو آهي۔ باقي سائين اسان جي ڊزائن ڪا هڻ کڻ ڪانهي بس دل کي موهت ضرور ڪندي آهي۔
جواب: چوڙيون کڙڪن ٿيون (رضوان گُل) ادا رضوان مهربانيون جو اوهان هميشه سهڻن لفظن سان ياد ڪندا آهيو ۽ پنهنجائپ ۽ پيار ارپيندا آهيو۔ سچ پڇو ته ڪجهه ڏينهن کان اوهان جي شاعري کي پڙهي رهيو آهيان جيڪا اوهان کي تمام سٺي ڪلاس وارن شاعرن جي ص ف ۾ ٿي بيهاري۔ اڄوڪي ڪيفيتن ۾ اوهان جي شاعري پڙهي انهن کي پنهنجا رنگ ڏيڻ جي ڪوشش ڪندو آهيان۔ جيتوڻيڪ اوهان اسان کان وڌيڪ خوبصورت ڊزائئنگ ڪندا آهيو پر ڪڏهن ڪڏهن ڪي معاملا فهيون اهڙيون هونديون آهن جو اوهان مجبورين ۾ هوندا آهيو۔ مان اهڙين مجبورين کان آزاد آهيان، تنهنڪري سهڻيون تصويرون لڳائي چترڪاري ڪندو آهيان۔ جيتونيڪ ان تي سخت اعتراض ۽ مخالفت به ٿيندي آهي پر اسان جو اهوئي اسٽائل آهي۔ اوهان جي خوبصورت شاعريء جي ڪتاب جو انتظار آهي۔
جواب: چوڙيون کڙڪن ٿيون (رضوان گُل) مهرباني ادا گلال اوهان جي سنڌ سلامت تي موجودگي اسان لاء حوصلا افزا رهندي آهي۔
جواب: چوڙيون کڙڪن ٿيون (رضوان گُل) مهرباني ادا آرزو انهن چوڙين جي کڙڪن ۾ اڄ ادا رضوان گُل جو جنم ڏينهن پڻ آهي۔
