صاحب ساريء سنڌ تي بادل برسائينس ۔۔۔۔۔
مصري شاهه سنڌجو ڪافي جو وڏو شاعر رهيو آهي۔ سندس هي شاعري دعا آهي جيئن لطيف فرمايو آهي ته:
سائينم سدائين ڪرين مٿي سنڌ سڪار
دوست مٺا دلدار عالم سڀ آباد ڪرين
سائين مصري شاه نه فقط شاعر آهي پر سائين هڪ عارف سالڪ درويش پڻ آهي
اسان عاشقن وٽ آهي دل جو ڪتاب ڪافي
جنهن ۾ اصول اصلي لاريب لا خلافي
(مصري شاه)
وسلام
واحدَ وَسائينس، آهون عالم جون سُڻي،
موڪل ٿئي مينهن کي، تِل مَ ترسائينس،
وَسائي واٽن تي، اوڀر اُڀائينس،
صاحبَ ساريءَ سنڌ تي، بادل برسائينس،
پَکا پَکن سامهان، اوري اَڏائينس،
هونِ سدائين هِتهين، ربَ تون رهائينس،
”مصري“ ملائينس، کنڊ وانگر کير ۾!