سنڌ سلامت سٿ پاران فورم جي پراڻي سرگرم ساٿي ۽ دوست عبدالوهاب قنمبراڻي کي سندس جنم ڏينهن تي واڌايون پيش ڪيون ٿا۔ قنبراڻي سنڌ سلامت تي ڇانيل رهندو هو ۽ هو ايندو هو ته ڄڻ طوفان بڻجي ايندو هو ۽ هزار تحريرن جي هندسي کي پورو ڪرڻ ته هن لاء هڪ ڏينهن جو کيل هوندو هو۔ پر اسان جو دوست ڪنڌڪوٽي اسلام آباد ڇا ويو ڄڻ سنڌ سلامت ۽ سنڌ کي ئي وساري ويٺو آهي۔ هاڻي ته ڇهين ، ٻارهين مهيني به ڀيرو ڪونه ڀڃي۔ سندس لاء ڪنهن فيسبوڪ فوٽو تي سائين نثار ناز جا ڪيل شاعراڻه ڪمينٽ پيش ڪجن ٿا: عبدو تي اعتبار ناهي ڪبو پرديسين سان پيار ناهي ڪبو وساري جي ويهي رهن اسانکي اسلام آبادي سان اقرار ناهي ڪبو پياري دوست لاء دعا آهي ته جتي به هجي خوش هجي پر ڪڏهن ڪڏهن ڀيرو ضرور ڀري۔
جواب: سنڌ سلامت جي ساٿي ۽ پياري دوست عبدالوهاب قنمبراڻي کي جنم ڏينهن جون واڌايون ادا سليمان جڏهن قنمبراڻي نئون هو ته سندس جلوه ڏسڻ وٽان هيا ۔۔۔ سنڌ سلامت تي اصل ائين ويٺو هوندو هو جيئن ڪاڪو پريو چلم دکائي واهه جي ڪپ تي ويٺو هجي ۔۔۔ هر ايندي ويندي کي سلام، کيڪار، ڀليڪار ۽ لکڻين تي ٽيڪا ٽپڻي، کل ڀوڳ، ائين لڳندو هو ته اوطاق تي ڪو پريو مڙس ويٺو هجي ۔۔۔ پر هاڻ جڏهن اوهان لفظ استعمال ڪيو آهي ” پراڻو“ ته ادا سائين پراڻا ڪپڙا پاڙي وارن غريب ماڻهن کي ڏئي ڇڏبا آهن سو اسان به اهو پراڻو دوست اسلام آباد موڪلي پنجاب کي ڏئي ڇڏيو آهي ۔۔۔ الله کيس ڀلو ڪري ۔۔۔ خوش هجي جت به هجي ۔۔۔ هت نه هجي اسلام آباد ۾ هجي۔ اسانجو دعائون ساڻس گڏ آهن۔ ڪي ويجها ئي ڏور، ڪي ڏور به ويجها سپرين ڪي چڙهن نه چت تي، ڪي وسرن نه مور، جيئن مينهن ڪنڍيائي ڪور، تيئن دوست وراڪو دل سان۔
جواب: سنڌ سلامت جي ساٿي ۽ پياري دوست عبدالوهاب قنمبراڻي کي جنم ڏينهن جون واڌايون جڏھن به ھن دوست جي ياد ايندي آھي ته سنڌسلامت جو پراڻو دور ياد اچي ويندو آھي لڪيل چاھت کي ياد ڪنداسين ته سنڌسلامت به ياد اچي ويندي.....خير دوست اڄ سنڌسلامت کان پري ضرور آھي پر اسان جي دل جي قريب آھي، سندن جنم ڏينھن تي لک لک واڌايون.
جواب: سنڌ سلامت جي ساٿي ۽ پياري دوست عبدالوهاب قنمبراڻي کي جنم ڏينهن جون واڌايون تازو ئي ڪالهه ساڻس ملاقات ٿئي قسم سان ته اهي تصوير وارا ئي ڪپڙا پاتل هئس لاڙڪاڻي کان ڪنڌڪوٽ پئي ويو ملاقات ٿئي ڪچهري ٿئي سنگت کي پڻ ياد ڪيو سين سنگت کي سلام پڻ ڏنائين الله پاڪ کيس خوش ڪري کيس جنم ڏينهن جون واڌايون هجن سدائين گڏ
جواب: سنڌ سلامت جي ساٿي ۽ پياري دوست عبدالوهاب قنمبراڻي کي جنم ڏينهن جون واڌايون سنڌ سلامت جي ساٿي ۽ پياري دوست عبدالوهاب قنمبراڻي کي منھنجي طرفان به جنم ڏينهن جون واڌايون
جواب: سنڌ سلامت جي ساٿي ۽ پياري دوست عبدالوهاب قنمبراڻي کي جنم ڏينهن جون واڌايون سنڌ سلامت جي ساٿي ۽ پياري دوست عبدالوهاب قنمبراڻي کي جنم ڏينهن جو لک لک واڌايون ڏجن ٿيون ۔۔۔۔
