اڃان ڪجهه ئي وقت ٿيو هوندو جو دوستن کي مون آگاهي ڏني هئي ته يوٽيوب پنهنجي ڊيٽابيس ۾ تبديل آڻيندي نئين ڊيزائين تي اپڊيٽ ٿيئڻ تي آهي۔۔ توهان جلد ئي ڏٺو ته يوٽيوب اهڙي تبديلي عمل ۾ آڻي ڇڏي۔۔۔ جنهن کان پوءِ هاڻي يوٽيوب وارن جو پروگرام اڃان هڪ قدم اڳتي وڌڻ جو آهي۔۔۔ ته جيئن وڊيو ڏسندڙن کي ڪجهه اضافي سهولتون ملي سگهن۔۔۔ ان سلسلي ۾ يوٽيوب وارن جو ايندڙ پروجيڪٽ جنهن کي هو Storyboards ٿا چون ويجهڙ ۾ لانچ ڪري رهيا آهن۔۔۔ جنهن تحت وڊيو اسٽرمينگ شروع ٿيڻ تي وڊيو ڏسندڙ چاهي ته اسٽريمنگ بار ۾ ڪاٿي به مائوس رکي وڊيو جي انهن حصي جو مشاهدو يا thumbnail نظارو ڏسي سگهندو۔۔ جنهن کان پوءِ هو وڊيو جي مطلوبا حصي تي تڪڙو رسائي حاصل ڪري سگهندو۔۔ هڪ دفعي دوستن کي مون ٻڌايو هيو ته يوٽيوب وڊيو اپلوڊ کان پوءِ اپلوڊ ٿيل وڊيوز جون ٽي تصويرون ٺاهيندي آهي ۽ وڊيو اپلوڊ ڪندڙ کي اختيار ڏنل آهي ته وڊيو کي پلي ڪرڻ کان اڳ ان جو نظارو ڏيڻ لاءِ انهن ٽنهي مان ڪابه تصوير چونڊي۔۔۔ پر هن نئين اپڊيٽ تحت وڊيو اپلوڊ ڪندڙ کي في وڊيو 100 تصويرون ڏنيون وينديون جنهن مان ڪنهن کي به وڊيو پلي ڪرڻ کان اڳ نظاري طور لڳائي سگهجي ٿو۔۔۔ ان کان علاوه هر وڊيو جي مڪمل اسٽريمنگ بار تي 100 تصويرون لڳل هونديون ته جيئن ڏسندڙ پنهنجي مرضي سان وڊيو کي مشاهدو ڪندي ڪنهن به جاءِ تان چونڊي هلائي سگهي۔۔ هتي storyboard تصويرن جو هڪ خاڪو پيش ڪجي ٿو۔۔ جڏهن ته هن اپڊيٽ بابت هڪ هٿ ڪيل وڊيو کي پڻ دوستن اڳيان رکجي ٿو۔۔
جواب: يوٽيوب طرفان ايندڙ نئين Storyboards ٽيڪنيڪ۔۔ سال 2011 جي آخر ۽ 2012 جي شروع کان يوٽيوب مسلسل مختلف قسم جون تبديليون جاري آهن۔ جن ۾ جاوا اپلوڊر، رزيوم ايبل اپلوڊ ۽ ٿيم ۾ نواڻ سميت ڪيتريون ۽ ننڍيون ۽ وڏيون تبديليون ڏسڻ ۾ اچي رهيو آهن۔ ۽ هاڻي توهانجي هن ونڊ کانپو اها خبر ايڊوانس ملي ويئي ته يوٽيوب ٽائيم لائين ٿمبنيل جي نواڻ جي شروعا ت ڪري رهيو آهي۔ شايد اهڙي قسم جي ٽائيم لائن ٿمبنيل ڪجهه ٻين سائيٽس تي نظرن مان گذري هئي۔ پر يوٽيوب هر پروجيڪٽ جي جيان هي به لاجواب هوندو۔ تمام بهترين معلومات آهي۔ ونڊ ڪرڻ جي مهرباني۔ دعا ۾ ياد
جواب: يوٽيوب طرفان ايندڙ نئين Storyboards ٽيڪنيڪ۔۔ ليڪن ان طرح وڊيو مختلف ننڍن ننڍن ٽڪرن ۾ ورهائجي ويندو ۽ اهو مڪمل ڊائون لوڊ ڪيئن ڪبو سائين عبدالرشيد جن کي عرض آهي اگر ان جي متعلق ڪا معلومات هجي ته شيئر ڪندا۔
جواب: يوٽيوب طرفان ايندڙ نئين Storyboards ٽيڪنيڪ۔۔ يوٽيوب جو هي هڪ وڌيڪ بهترين قدم آهي، جنهن کي اوهان اسان سان ونڊ ڪيو سائين لک ٿورا۔۔۔
جواب: يوٽيوب طرفان ايندڙ نئين Storyboards ٽيڪنيڪ۔۔ سائين لڳي ٿو توهان ڳالهه سمجهي نه سگهيا آهيو۔۔ مون اهو نه لکيو آهي ته يوٽيوب هاڻي ننڍين ننڍين تصويرن ذريعي وڊيو آڻيندي بلڪه مون لکيو آهي ته هاڻي وڊيو جي بفرنگ يا اسٽرمينگ بار تي مائوس رکڻ سان ان وڊيو جون ننڍيون ٿمبنيل نما تصويرون ظاهر ٿينديون جن کي ڏسي ئي وڊيو بابت وضاحت ٿي ويندي ۽ توهان وڊيو منجهان پنهنجي مرضي جي جاءِ تان آساني سان وڊيو ڏسي سگهندو۔۔
جواب: يوٽيوب طرفان ايندڙ نئين Storyboards ٽيڪنيڪ۔۔ چاچا ڪريم سلام ضروري ناهي ته هر ڳالهه سمجهه ۾ اچي، مون وانگر جڏهن دماغ ۾ ڪا ڳالهه نه ويهي ته اتي ڪمينٽس نه ڏجن ته بهتر آهي۔ هاهاهاها ۔۔۔۔۔۔۔۔۔۔
جواب: يوٽيوب طرفان ايندڙ نئين Storyboards ٽيڪنيڪ۔۔ سائين مان واقعي اوهان جي ڳالهه نه سمجهي سگهيو آهيان ليڪن مان پنهنجي سرگذشت طرف ڳالهه کي کڻي آيس يعني هي مسئلو ڏسو ته ان جو ڪو حل آهي ته ٻڌائيندا ته توهان جي مهرباني ٿيندي۔ Uploaded with ImageShack.us جيڪڏهن ڊائون لوڊ آل ڪجي ٿو تڏهن به ننڍن ٽڪرن ۾ وڊيو ڊائون لوڊ ٿئي ٿو اهو مسئلو سڀني وڊيوز ۾ نه آهي ليڪن ڪن ڪن وڊيوز ۾ آهي ان متعلق اگر ڪا معلومات هجي ته رهنمائي ڪندا.
جواب: يوٽيوب طرفان ايندڙ نئين Storyboards ٽيڪنيڪ۔۔ سائين توهان جي مسئلي جو حل هيٺيئن موضوع ۾ موڪليو ويو آهي۔۔۔ http://www.sindhsalamat.com/showthread.php?15955
