چئو سٽو۔ چاهت جا چونڊيندي گل عمر وئي گذري پوءِ به نه مليو ڪو مُل عمر وئي گذري ايندي ويندي هر روز ماڻهن پئي ڏنا طعنا سمجهه ڪر ائين نه رُل عمر وئي گذري. فقير رشيد فياض
جواب: چاهت جا چونڊيندي گل عمر وئي گذري۔ فقير سائين، اڃان اوهانجي عمر ڪافي پئي آهي، اڃان ڪيترائي گل، اڃان ڪيترائي باغ آهن ۔۔۔ چاهت ۾ جيترا به گل چونڊجن سي گهٽ آهن ۔۔۔ عمر گذري ته گذرڻ ڏيوس ۔۔۔ عمر جو ته ڪم ئي آهي گذرڻ ۔۔۔ وقت سان ڪهڙي ويڙهه ۔۔۔ ها جيڪي پل آهن سي ته سجايا ڪجن ۔۔۔ ملهه جي پرواهه ڀلا عاشق ڪٿي ٿا ڪن ۔۔۔!!!! جي قيام ملن ته به ويجها ڀائنج سپرين تمام سهڻو چوسٽو ۔۔۔ فقيرن جي فقيري قائم هجي بابلا سنڌ سلامت ساٿ سلامت
جواب: چاهت جا چونڊيندي گل عمر وئي گذري۔ ادا فقير صاحب اوهان جو چئوسٽو تمام سهڻو لڳو۔۔۔ جاري رکجو، هميشه سلامت هجو۔۔۔
جواب: چاهت جا چونڊيندي گل عمر وئي گذري۔ ادا فقير سائين بلڪل ڪجھ نَوَن دوستن کي اهو مسئلو درپيش اچي ٿو، تمام گهٽ اهڙا نوان دوست پنهنجون تحريرون جتي انهن کي سمجھ ۾ اچي ٿو پوسٽ ڪن ٿا، اوهان پنهنجي ذميداري سهڻي طريقي سان سر انجام ڏيندي ٿريڊ کي پنهنجي سيڪشن ۾ موڪلي پنهنجي ذميداري جو مظاهرو ڪيو آهي۔۔ شال سدائين هي مانَ واري ٽيم احسن نموني پنهنجون ذميداريون پوريون ڪري سنڌين ۽ سنڌي ٻولي جي خدمت ڪندا رهن۔۔۔ اوهان سنڌ سلامت جي ساري محترم ٽيم جڙيا رهو، سلامت رهو۔۔۔
