[/CENTER][/IMG] سرِ محفل اگهاڙي منهن اچڻ ناهي مناسب، اچي پنهنجن پراوَن کي ڦٽڻ ناهي مناسب. حجاب آلود نظرن سان ڏسڻ ناهي مناسب، اڳيان ڪنهن غير جي مرُڪڻ کلڻ ناهي مناسب. ٿين ٿا ڪيترائي ايندي ويندي نيم بسمل، اداوَ ناز سان ترِڇو تڪڻ ناهي مناسب. سڄي محفل کي مقتل گاهه سمجهڻ ٺيڪ ناهي، ڪُهي، ٻيهر وري اُن کي ڪُهڻ ناهي مناسب. پراون ۾ ۽ پنهنجن ۾ رکڻ ڪجهه فرق گهرجي، سڀن ڏي شوخ نظرن سان ڏسڻ ناهي مناسب. ستايل غمزده، غمناڪ ڪوئي راهه ويندڙ، مسافر مفت ۾ مارڻ سڄڻ ناهي مناسب. الائي ڪيترا “مدهوش“ ٿيندا هڪ جهلڪ سان، ائين سامهون اچي پردو کڻڻ ناهي مناسب. “مدهوش“
جواب: سرِ محفل اگهاڙي منهن اچڻ ناهي مناسب، (مدهوش) ادا عرس پريو اسلام عليڪم،مدهوش جي خوبصورت شاعري کي چمڪندڙ ڊيزائن جو اوهان لباس پهرائي ڪمال ڪري ڇڏيو۔ ٿين ٿا ڪيترائي ايندي ويندي نيم بسمل، ادا وَ ناز سان ترِڇو تڪڻ ناهي مناسب. مٿين شعر ۾ ڪيڏي نه پياري انداز ۾ محبوب جي ادا جو تعريف شڪايتي انداز ۾ ڪئي اٿن۔ وه سائين مدهوش وه۔
جواب: سرِ محفل اگهاڙي منهن اچڻ ناهي مناسب، (مدهوش) مدھوش منھنجي پسند جي شاعرن مان ھڪ شاعر آھي سندن جي تخليق ڪنھن تعريف جي محتاج نه آھي، پريل ير اوھان جي شاعري جي چونڊ ھميشه بھترين رھي آھي، اوھان شاعري ڊزائين به ڪريو ٿا اھا ڳالھ تمام سٺي آھي۔۔۔۔۔۔لاجواب۔
جواب: سرِ محفل اگهاڙي منهن اچڻ ناهي مناسب، (مدهوش) الائي ڪيترا “مدهوش“ ٿيندا هڪ جهلڪ سان، ائين سامهون اچي پردو کڻڻ ناهي مناسب. تمام سهڻي چونڊ ۔۔۔۔۔۔۔۔۔ عشق جي ماريل عرس ٻين جو هوش وڃائڻ لاء مدهوس جي خوبصورت شاعري پيش ڪئي آهي۔ احمد خان مدهوش سنڌ جو عوامي شاعر ، جنهن جي شاعري عاشقن جي شاعري آهي۔ دوست ڪنهن کان جدا خدا نه ڪري، ڪنهن کي هي غم عطا خدا نه ڪري منهنجو سينو ڳڀا ڳڀا ٿي پئي، تير تنهنجو خطا خدا نه ڪري روزِ محشر سواءِ تنهنجي ٻي، ڪاڀي مون کان پڇا خدا نه ڪري توکي سامهون ويهاري مدهوش، ڇا ڪري جي خدا خدا نه ڪري
جواب: سرِ محفل اگهاڙي منهن اچڻ ناهي مناسب، (مدهوش) سائين محبوب جي تعريف هر انداز ۾ خوبصورت لڳندي آهي پسند ڪرڻ جي مهرباني
جواب: سرِ محفل اگهاڙي منهن اچڻ ناهي مناسب، (مدهوش) ادا عشق جا ماريل ته سڀ آهن پر اظهار نٿا ڪري سگهن ۔۔۔۔۔۔۔۔۔۔۔۔۔ ء عشق ۾ هوش ته هوندوئي نه آهي هل ڙي خدا خدا نه ڪري ته ٻيو ڇا ڪري غضب جي شاعري آهي ۔۔۔۔۔۔۔۔۔۔ توهان جي پسند به لاجواب
جواب: سرِ محفل اگهاڙي منهن اچڻ ناهي مناسب، (مدهوش) بهترين شاعري۔۔۔ بهترين لفاظي۔۔۔۔ ۽ ان جي مٿان ادا عُرس پريو جي بهترين ڊزائين۔۔۔۔ زبردست۔۔۔۔
