شڪر۔۔۔

[مست]

الله پاڪ اسان حقير انسانن کي ڪيتريون ئي نعمتون ڏنيون آهن پر اسان جي سوچ سدائين مٿئين شئي لاءِ سوچي انهن نعمتن جي شڪراني کان دور هوندي آهي،
شايد هن تصوير وانگر اوهان سان به ڪڏهن صورتحال پيش آئي هجي، جي نه ته وري به هڪ ڀيرو سوچيو ۽ پنهنجي صحيح سلامت هجڻ تي الله جو شڪر ادا ڪريو۔۔

​

 

[ڦلپوٽو فقير]

جواب: شڪر۔۔۔

توهان درست آهيو ادا

اسان کي الله پاڪ طرفان ڏنل تحفن جو قدر ڪرڻ گهرجي ۽ هرحال ۾ شڪر ادا ڪرڻ گهرجي

 

[سليمان وساڻ]

جواب: شڪر۔۔۔

بلڪل ادا رب پاڪ جڏهن اسان کي جسماني طور سڀ نعمتون عطا ڪيون آهن ته انهن تي شڪر ڪرڻ گهرجي ۔۔۔۔۔۔ باقي ٻيون نعمتون به پيون ملنديون ۽ ڪجهه پنهنجي محنت ۽ ذهانت ذريعي حاصل ڪبيون۔ مان انهن ماڻهن کي سلام ڪندو آهيان جيڪي معذور هوندي به مجبور ناهن هوندا۔

 

[نثارابڙو]

جواب: شڪر۔۔۔

هڪ سبق آموز ننڍڙي آکاڻيءَ کي تصويري رنگ ڏئي وڌيڪ فڪر انگيز ۽ سمجهڻ جي لائق بڻايو ويو آهي ۔۔۔ اها آکاڻي اسين ننڍڙي لاءِ کان ٻڌندا اچون۔ هن ڪائنات ۾ هر هڪ انسان جي حالت هڪ جهڙي ناهي انڪري ڪجهه آسوده حال ماڻهن کي ڏسي انسان جي اندر به ان جي لالچ اڀرڻ فطري آهي پر جڏهن انهن آسوده حال ماڻهن جي ويجهو وڃبو آهي ته خبر پوندي آهي ته؛ سندن سورن جا وٿاڻ هوندا آهن،

انڪري شڪر ڪرڻ گهرجي ۽ بهتر کان بهتر زندگي گذارڻ لئه همٿ ڪرڻ گهرجي، پر فڪر ۽ پريشاني ڪرڻ جي ڪا ضرورت ناهي ۔۔۔

هڪ وک سٺي عمل ڏانهن وڌائڻ سان الله به مدد ڪري ٿو ۔۔۔

جڙيا هجو شال​