سنڌ سلامت آن لائين يونيڪوڊ ڪنورٽر۔۔

دوستو ڏينهون ڏينهن سنڌين جو انٽرنيٽ طرف لاڙو وڌي رهيو آهي۔۔ اهوئي سبب آهي جو ڪمپيوٽر استعمال ڪندڙن کي پنهنجا خيال پيش ڪرڻ لاءِ روز روز نت نيون ويب سائيٽس، فورم ۽ بلاگ ٺاهي رهيا آهن۔۔ اهڙي طرح سنڌي مواد تيزي سان انٽرنيٽ جي پنن تي پکڙجي رهيو آهي۔۔
ڪجهه وقت اڳ جي ئي ڳالهه آهي جو هر سنڌي نوجوان ان ڳالهه جي شڪايت ڪندي نظر ٿي آيو ته کين مختلف سائيٽس تي معلومات ته ملي رهي آهي پر ڪافي سارو مواد ۽ معلومات سندن وٽ پڻ موجود آهي جيڪو هو دنيا ۾ موجود سڀني سنڌين سان ونڊ ڪرڻ گهرن ٿا۔۔ پر کين ڪو اهڙو پليٽ فارم نه ٿو نظر اچي جنهن تي اهو مواد دنيا اڳيان آڻي سگهن۔۔
سندن اهڙي خواهش کي پورو ڪرڻ لاءِ سنڌ سلامت نالي خوبصورت پليٽ فارم پيش ڪيو ويو۔۔ جنهن تي اچي سندن خواهش جي پورائي جو دڳ نظر آيو۔۔ پر جيئن ته سنڌ سلامت هڪ يونيڪوڊ بيسڊ سنڌي فورم آهي ان ڪري ڪافي دوستن کي سمجهڻ ۾ پريشاني ٿي۔۔ انتظاميه طرفان سنڌ سلامت کي روز بروز وڌيڪ آسان ۽ سهل بنائڻ جي جستجو جاري آهي ان باوجود اهڙن دوستن کي سنڌ سلامت کانسواءِ فيس بوڪ استعمال ڪرڻ جو پڻ مشورو ملندو رهيو ۔۔ جنهن تي تڪڙو ريسپانس ملڻ کان پوءِ کين هڪ قدم اڳتي وڌڻ جو خيال ذهن ۾ آيو۔۔۔
۽ ڏسندي ڏسندي سنڌي بلاگز ٺاهڻ جو رجحان وڌڻ لڳو۔۔۔ ۽ اهي نوجوان سنڌي جيڪي ٿورو گهڻو اسڪرپٽ تي ڪم ڪرڻ ڄاڻڻ لڳا انهن نت نيون ۽ مختلف موضوعن تي بلاگز نما ويب سائيٽس تخليق ڪري ورتيون۔۔۔ سنڌي ٻولي لاءِ اهو ڪافي سٺو سنوڻ ثابت ٿيو ۽ ان ۾ ڪافي اڳڀرائي ٿئي ها جيڪڏهن هڪ دفعو بلاگ ٺاهڻ کان پوءِ ان کي اپڊيٽ ڪندو رهجي۔۔ پر وقت جي گهٽتائي سان گڏو گڏ سنڌي ٻولي جي اسڪرپٽ کي پي ايڇ پي يا جاوا جي سڌي سپورٽ نه هجڻ ڪري ڪافي نوجوان جيڪي پنهنجي سائيٽس يا بلاگز ۾ سنڌي کي درست طريقي سان پبلش ڪرڻ ۾ ڏکيائون محسوس ڪرڻ لڳا ۔۔ جنهن ڪري اهو ڪم هڪ دفعو وري سستي جو شڪار ٿيندو ٿو وڃي۔۔۔
اهڙن مسئلن ۽ پريشانين کي ڏسندي سنڌ سلامت سندن لاءِ سهائتا ڪرڻ جو پروگرام رٿيو آهي۔۔ ان سلسلي ۾ سنڌ سلامت طرفان هڪ وڌيڪ ٽيڪنيڪل وک کڻندي ۽ هڪ اضافي پني جو اضافو آڻيندي ”آن لائين يونيڪوڊ ڪنورٽر“ لانچ ڪيو آهي۔۔۔ جتي آن لائين رهي ڪري سنڌي اکرن، لفظن يا جملن کي يونيڪوڊڊ اسڪرپٽ ۾ تبديل ڪري سگهجي ٿو۔۔۔

​

هن پني جو لنڪ سنڌ سلامت جي پروجيڪٽ مينو ۾ پڻ شامل ڪيو ويو آهي جتي ڪلڪ ڪري ان پني تي اچي سگهجي ٿو۔۔ جتي مٿئين خاني ۾ سنڌ سلامت ايڊيٽر بوڪ مارڪليٽ استعمال ڪندي ڪنهن به سنڌي اکر، لفظ يا جملي کي يونيڪوڊ ۾ تبديل ڪري سگهجي ٿو۔۔ ۽ حاصل ٿيندڙ يونيڪوڊ کي پنهنجي سائيٽس يا بلاگز جي ايڇ ٽي ايم ايل يا جاوا فائيلز ۾ لڳائي پنهنجي مطلب جي قابل بڻائي سگهجي ٿو۔۔۔

اميد ته سنڌ سلامت جو هي قدم اهڙن سڀني سنڌين لاءِ لاڀائتو ٿيندو جيڪي مختلف سنڌي سائيٽس يا بلاگز تي ڪم ڪرڻ جي بنيادي اسٽيجز تي آهن۔۔۔
سنڌ سلامت ساٿ سلامت

 

جواب: سنڌ سلامت آن لائين يونيڪوڊ ڪنورٽر۔۔

ادا طاهر جي ڳالهه به پنهنجي جڳهه تي صحيح آهي ته ڪريڊٽ رڳو رشيد کي نه وڃڻ کپي ڇو ته ضرورت ئي ايجاد جي ماءُ آهي۔ اسان جا سنڌي ڀائر ايترو ڪم ڪن پيا انٽرنيٽ تي جو سنڌي ٻولي لاءِ اهي ائڊوانس ڪم ڪرڻا پون ٿا۔ پر اهو به نه وسارجي ته نفسا نفسي ۽ وٺ وٺان جي هن دؤر ۾ شابس آهي رشيد کي جيڪو ايترو جاکوڙي پيو ٿو!

پر ايئن به آهي ته اسان اڃان جاوا جو ج به ناهيون سکيا۔ مون ته ڪوشش پئي ڪئي ته آنلائين مدد وٺندي جاوا جي ڪنهن ڪم کي ايڊٽ ڪجي۔ مثال طور منهنجي هر ليک هيٺ هڪ پين بيسٽ رگارڊ لکندي نظر اچي ٿي انهي ۾ بيسٽ رگارڊ کي ڪيئن تنديل ڪجي؟ ڇا هتي سنڌي ۾ به ڪجهه لکي سهججي ٿو؟ يا اهو ڪم جاوا جو آهي يا ڪنهن ٻي سافٽ ويئر جو؟ ڪنهن دوست کي خبر هجي ته ٻُڌائجو۔

 

جواب: سنڌ سلامت آن لائين يونيڪوڊ ڪنورٽر۔۔

اڄڪلهه سنڌي ۾ کوڙ دوستن بلاگ شروع ڪيا آهن جيڪي سنڌي فونٽس کي بهتر نموني ڪونه پيا ڏيکارين۔ سنڌ سلامت ۽ رشيد سمون جي هن نئين پروجيڪٽ تي کيس جس هجي۔ اميد ته سنڌ سلامت اهڙي قسم جي ننڍن پروجيڪٽس ذريعي ٻولي جي خدمت ۾ پيش پيش رهندي۔

دوستن جي موٽ لاء سندن ٿورا

 

جواب: سنڌ سلامت آن لائين يونيڪوڊ ڪنورٽر۔۔

ادا رشيد اوهان کي لک شاباسون۔۔۔ اصل ڪم ئي سولو ڪري ڇڏيو اوهان۔۔ اڪثر سائين ماجد ڀرڳڙي صاحب جي ويب سائيٽ تي جڏهن سورس ڏسندو هئس ته سوچيندو هئس ته ڪاش مان به سنڌي کي يونيڪوڊ ۾ مٽائي سگهان۔ اوهان ته منهجي دل وٽان ڪم ڪيو آهي۔
الله وڌائيندو اوهان کي۔