پرين کي چيم اڄ پيار ڪندڙن جو ڏهاڙو آهي
تون مونکي وش نـ ڪندين؟
چيائين چري تون تـ صفا نادان آهين
محبت اهڙو احساس آهي،
جيڪو بنا سوچڻ سمجھڻ جي
ڏينهن ، وقت مهل ۽ ڪنهن عمر جو
محتاج نٿو هجي،
پيار ۾ تـ پنهنجي هڪ ڪشش ٿئي ٿي،
۽ اهي هڪٻئي سان نـ ٽٽڻ وارن احساسن
سان جڙيل رهن ٿا.
جيئن گل کان سندس خوشبوءِ ڪڏهن ڌار نٿي ٿي سگھي..
ڪوھ ميلن جا پنڌ ڪري بـ ندي پنهنجي
محبوب سمنڊ سان وڃي ملي ٿي.
جيئن سج ايترو پري رهي بـ
پنهنجي معشوق ڌرتيءَ تي پنهنجو چاھ ۽ تاءُ
برقرار رکيو پيو اچي
۽ جيئن مٽي ۽ پاڻيءَ جي ميلاپ جي سڳند ڪڏهن بـ ناهي گھٽڻي
تيئن ئي پيار ڪرڻ وارن جا احساس ڪڏهن بـ گھٽ ناهن ٿيڻا
پيار جا احساس ڪنهن وقت جا غلام نـ آهن هوندا
تيئن ئي چاهت، پريت، محبت، هن دنيا جي رهڻ
هلڻو آهي...
