مادري ٻولين جي عالمي ڏينهن تي پنهنجي امڙ جي ٻولي سان وچن ڪيون

[سليمان وساڻ]

​

21 فيبروري
مادري ٻولين جو عالمي ڏينهن
---------------------------------
مادري ٻولين جي عالمي ڏينهن تي اچو ته پنهنجي امڙ جي ٻوليء لاء خوبصورت لفظن ۾ اظهار ڪيون۔

اڄوڪي ڏينهن سماجي ميڊيا تي شاعري ۽ نثر ذريعي مادري ٻوليء جي ترقي ۽ محبت جو اظهار پنهنجي پيغام ذريعي ڪيون۔

اڄ اهو وچن ڪيون ته اسان پنهنجي امڙ جي ٻوليء جي ترقي لاء پنهنجو ڪردار ادا ڪندا رهنداسون۔

اڄ اهو وچن ڪيون ته اسان هر مهيني گهٽ ۾ گهٽ هڪ سنڌي ڪتاب خريد ڪري پڙهنداسين ۽ ان ڪتاب تي پنهنجي راء ڏينداسون۔

اڄ اهو وچن ڪيون ته اسان پنهنجي ماء جي ٻولي کي قومي ٻولي قرار ڏيڻ لاء پنهنجون ڪوششون تيز ڪنداسين۔

اڄ اهو وچن ڪيون ته اسان چيٽ روم ۾ ۽ ايس ايم ايس ۾ سنڌي ميسيج لکنداسون۔

 

[نثارابڙو]

جواب: مادري ٻولين جي عالمي ڏينهن تي پنهنجي امڙ جي ٻولي سان وچن ڪيون

ڇو نه ڪنداسون، هر وقت ڪنداسون، مرڻ گهڙيءَ تائين پنهنجو ڪردار پنهنجي ٻوليءَ کي وڌائڻ لاءِ ادا ڪنداسون ۔۔۔ هونءَ به اسين فيسبڪ تي يا ٻين فورمن تي وڃي جيڪو وقت ڏيون ٿا اهو سنڌي ٻوليءَ کي وڌائڻ ۽ انکي انٽرنيٽ تي عام ڪرڻ ۾ ڏيونٿا ۔۔۔ بيشڪ اسين سنڌي ادب، تاريخ ۽ سائنسي علمن کي سنڌي ٻوليءَ ۾ آڻي سنڌي ٻوليءَ جي وڏي خدمت ڪري سگهونٿا ۔۔۔

دوست سليمان! اسين وچن ڪريونٿا ته مرڻ گهڙيءَ تائين سنڌي ٻوليءَ سان سر لڳي، هميشهه پاڻ پتوڙينداسون، پر هڪ ڳالهه ياد رکو ته جيستائين سنڌي ٻوليءَ کي سياسي طور تي قومي ٻولي نه مڃرائينداسون تيستائين سنڌي ٻوليءَ کي ڪو خاص مقام نه ملندو ۔۔۔ سياسي حيثيت ملڻ سان سنڌي ٻوليءَ جي پڙهائڻ، وڌائڻ ۽ ان ۾ نون علمن کي آڻڻ جي سرڪاري ڪوشش ٿيندي جيڪا ٻولين جي جياپي لاءِ ضروري هوندي آهي۔

اميد ته سڀ سنڌي پنهنجي پياري ٻوليءَ لاءِ پاڻ پتوڙيندا ۽ قربانيون ڏئي سنڌي ٻوليءَ کي سنڌ جي قومي ٻولي قرار ڏياريندا ۔۔۔

مونکي ان وقت افسوس ٿيو ۽ حيرت به ٿي ته سنڌ هاءِ ڪورٽ ۾ سنڌي ٻوليءَ کي جائز حق ڏيارڻ لاءِ درخواست دائر ڪرڻ وارو نئون سنڌي آهي ۔۔۔ کيس لک شاباسون هجن ۔۔۔ سنڌ نيوز جي ڊاڪومينٽري جيڪا ممتاز ونڊ ڪئي هئي ان ۾ ان همراهه جو نالو ۽ تعرف موجود آهي ۔۔۔ کيس سلام هجي ۔۔۔

لک ٿورا ادا سليمان جو اوهان سنڌي ٻولي ۽ ادب لاءِ پاڻ پتوڙيو ٿا ۔۔۔ ۽ انهن ڊاڙِي، لٻاڙي قومپرستن کان سٺو ڪم ڪيو ٿا ۔۔۔

ٻنهي هٿن جو سلام​

 

[ممتاز حسن ڪيهر]

جواب: مادري ٻولين جي عالمي ڏينهن تي پنهنجي امڙ جي ٻولي سان وچن ڪيون

آئون وچن ڪريان ٿو ته سنڌي ٻولئي کي انٽر نيٽ ۽ فسبڪ تي وڌ مان وڌ شئير ڪندس

 

[رضوان علي جمالي]

جواب: مادري ٻولين جي عالمي ڏينهن تي پنهنجي امڙ جي ٻولي سان وچن ڪيون

سائين سليمان وساڻ صاحب سائين وسندا رهو ڌڻي اوهان کي ڏکيو ڏينهن اوهانکي نه ڏيکاري ۔
پنهنجي ٻولي جنهن ۾ ورتي هئي سين لولي اُن سان وچن ؟؟؟ عجيب ٿو لڳي ڇو نه کڻي چنڊ ۽ مريخ تي پهچي وڃون ته به هوندا سين ته سنڌي ؟ باقي چاچا حفيظ قريشي جي چواڻي موجب حرامي ٻار کي ڪڏهن به ڪنهن جو به قدر نه هوندو آهي ۔ ها اِهو اسان ۽ توهان تي فرض قرض آهي ته هِن وقت اسانجا ٻچڙا پنهنجي ٻولي کان ًگهڻو ڏور آهن ۽ انهيءَ ۾ اُنهن جو ڪو ڏوهه به نه آهي اُنهن کي ويجهو رَکڻو آهي ۔ ڪمپيوٽر جي زماني ۾ ٻچڙن کي سنڌي سافٽ ويئر ڏِيڻ اسانجو ڪم آهي ۔ پروردگار سدائين خوش رکي مانواري عبدالمنان ڀرڳڙي کي جنهن بهترين وقت تي فيصلو ڪري سنڌي سافٽ ويئر ڏنو ۔ چون ٿا ته ڀرڳڙي صاحب ان لاءِ پنهنجي گهرواري جا ڳهه ڳٺا به وڪيا هئا ( الله سائين بهتر ٿو ڄاڻي ) جي ايئن آهي ته هِن ڀيڻ به
اُم المومنين جنابِ خديجه الڪبري جي سنت تي عمل ڪيو اٿس جنهن دِين اسلام جي خاطر پنهنجي سموري ملڪيت پنهنجي مڙس جي حوالي ڪري ڇڏي هئي ۔