طاقتور شمسي طوفان جو زمين سان ٽڪراء جو انديشو

[سليمان وساڻ]

​

اڄڪلهه اها ڳالهه ميڊيا ۽ چينلن تي ڇانيل آهي ته هڪ طاقتور شمسي طوفان جو زمين سان ٽڪراء جو انديشو آهي۔ ماهر چون ٿا ته هڪ زوردار شمسي طوفان ڌماڪي سان زمين سان ٽڪرائجي رهيو آهي، جنهن سبب بجلي، مواصلات ۽ فضائي ٽريفڪ جي متاثر ٿيڻ جو خطرو وڌي ويو آهي۔ سائنسدانن مطابق هي گذريل پنجن سالن ۾ زمين سان ٽڪرائجندڙ سڀ کان وڏو ۽ طاقتور شمسي طوفان هوندو۔

آمريڪي محڪمه موسيات موجب اهو شمسي طوفان زمين سان 64 لک ڪلوميٽر في ڪلاڪ جي رفتار سان ٽڪرائبو ۽ ان سان تابڪاري اثر پڻ ٿي سگهن ٿا ۽ ويجهو لگهندڙ جهاز ۽ مواصلاتي نظام تباهه ٿي سگهي ٿو ڇو ته هي طوفان سنئون سڌو ٽڪرائجي رهيو آهي۔

اها ڳالهه ياد رکڻ گهرجي ته 1972 ۾ آمريڪي رياست الينوئي ۾ فون لائنون متاثر ٿيون هيون جڏهن ته 2003 ۾ ايندڙ شمسي طوفان ۽ ان مان اٿندڙ مقناطيسي شعاعن سبب جپان جو هڪ مصنوعي سيارو تباهه ٿيو هو۔
​

حوالو : بي بي سي اردو
ترجمو : محمد سليمان وساڻ

 

[رضوان علي جمالي]

جواب: طاقتور شمسي طوفان جو زمين سان ٽڪراء جو انديشو

سائين اهڙا ڀوائتا موضوع ته شامل نه ڪريو پروردگار رحم ڪندو کيس ٻاجهه پوندس باقي ڊڄ ۾ ساهه اڳي ئي خشڪ لڳو پيو آهي ڪي کل خوشيون واريون خبرون ڏيو ۔
الله ڏاهي مَ ٿيان ، ڏاهيون ڏک ڏسن ۔

 

[رشيد سمون]

جواب: طاقتور شمسي طوفان جو زمين سان ٽڪراء جو انديشو

اهڙا موضوع ته ايند رهندا۔۔۔ جو سائين هي سن 2012 آهي۔۔
ياد هجي ته ڪئي سائنسدان ۽ نجومي 2012 ۾ ڌرتي جو انت پيشنگوئي طور چئي چڪا آهن۔۔۔

 

[عمران درويش سومرو]

جواب: طاقتور شمسي طوفان جو زمين سان ٽڪراء جو انديشو

ادا سليمان اهڙو موضوع ونڊ ڪري توهان معلومات ۾ ته يقينن اضافو ڪيو آهي پر هاڻي اسان کي ان ڳالهه جو خوف رکندي الله جي ذات کان پپنهنجي گناهن جي معافي وٺڻ ۽ نماز قائم ڪرڻ گهرجي۔۔۔۔ ضروري نه آهي ته تمام نجومين ۽ سائنسدانن جون اڳڪٿيون سچيو يا ڪوڙيون هجن۔۔ پر پو به جيڪڏهن مون جهڙا گنهگار اهڙيون خبرون ٻڌندا آهن ته پو (نفس لواما) مونکي الله جي در توبهه ڪرڻ ۽ نماز قائم ڪرڻ لا زور ڀريندو آهي۔

وڏي مهرباني معلومات ۾ اضافي جي لا ۔

 

[مست]

جواب: طاقتور شمسي طوفان جو زمين سان ٽڪراء جو انديشو

سائين معلومات تمام گهڻي ڄاڻ واري آهي پر ان سان گڏ گهڻن کي ڊيڄارڻ واري پڻ آهي۔۔،
سائين الله خير ڪري، ڇو ته اڄ جمعي جو ڏينهن پڻ آهي۔۔۔۔

 

[عبدالرحيم]

جواب: طاقتور شمسي طوفان جو زمين سان ٽڪراء جو انديشو

ادا سليمان توهان اسان کي معلومات به ڏني آهي ۽ خطري کان به آگاھ ڪيو آهي۔ منهنجا ڀائرو ۽ دوستو الله پاڪ رحمان ۽ رحيم آهي اسان کي ان ۾ اميد رکڻ گهرجي۔ انهن ڳالهين کان ڊپ ڪرڻ بجائي الله پاڪ کان ڊڄڻ گهرجي۔ باقي اهڙيون آفتون اسان جي زمين سان ٽڪرائبيون رهنديون آهن۔ ان ۾ ڪا نئي ڳالھ نه آهي۔

 

[سليمان وساڻ]

جواب: طاقتور شمسي طوفان جو زمين سان ٽڪراء جو انديشو

ڪائنات وسيع آهي ۽ ان ۾ تبديليون به اينديون رهنديون آهن۔ هي معلومات دوستن سان شيئر ڪرڻ جو مقصد کين ڊيڄارڻ نه پر وقت ۽ حالتن کان پاڻ کي واقف ڪرڻ لاء پيش ڪئي آهي۔

 

[سليمان وساڻ]

جواب: طاقتور شمسي طوفان جو زمين سان ٽڪراء جو انديشو

ڪالهه شام کان هي شمسي طوفان زمين سان ٽڪرائجي رهيو آهي ۽ ماهرن مطابق اهو عام شمسي طوفان کان ڏهه دفعا وڌيڪ طاقتور آهي۔ اڃان تائين ان طوفان سان ڪنهن نقصان جي رپورٽ ڪانه ملي آهي۔ جيتوڻيڪ گهنن ئي ملڪن پنهنجي هوائي سروس معطل ڪري ڇڏي آهي۔ هي طوفان ٻن ڏينهن تائين جاري رهڻ جو امڪان هيو۔

 

[علي ظفر]

جواب: طاقتور شمسي طوفان جو زمين سان ٽڪراء جو انديشو

ابا الله رحم ڪندو

 

[عبدالغني لوهار]

جواب: طاقتور شمسي طوفان جو زمين سان ٽڪراء جو انديشو

يا الله اسانجي حال تي رحم فرما هر مصيبت ۽ آفت کان بچا اسانجو ايمان سلامت رکج