اسلام عليڪم، ساميٽيڪ نالي هڪ ننڍڙو گروپ ٺاهيو اٿم ان غرض سان ته جيئن رياضي، ڪمپيوٽر سائنس، فزڪس ۽ ٻين تدريسي موضوعن تي سنڌي ۾ وڊيو ليڪچرس (ٽُٽوريلز) ٺاهي اپلوڊ ڪجن۔ ان حوالي سان مون جاوا لينگويج ۽ اڪائونٽنگ تي ڪجهه وڊيو ليڪچرس پڻ ٺاهي اپلوڊ ڪيا اٿم۔ اُنهن کي ڏسڻ لا هتي اوهان سان ساميٽيڪ جي ويب سائيٽ، فيس بُڪ پيج ۽ فيس بُڪ گروپ جا ڳنڍڻا ونڊ ڪيان ٿو۔ http://www.facebook.com/SaamiTech https://sites.google.com/site/saamitech/home http://www.facebook.com/groups/396600773700457/ مُنهنجي هن ننڍڙي ڪوشش کي ڪجهه دوستن ساراهيو پڻ آهي۔ پر نه ڄاڻ ڇو تدريسي وڊيوز يا ليڪچرز کي اسان جو نوجوان اُن شوق سان نٿو ڏسي انٽرنيٽ تي۔ تمام گهٽ ئي اهڙا سنڌي نوجوان شاگرد هوندا (مان ڀانيان ٿو) جن انٽرنيت جو ان مقصد سان استعمال ڪيو هُجي جنهن سان هُو پنهنجي ڪاليج يا يونيورسٽي جي پڙهائي ۾ مدد حاصل ڪري سگهن۔ مونکي ٿوري گهڻي مايوسي ضرور ٿي۔ پر هڪ لاڙو مونکي نظر آيو آهي ته انٽرنيت تي رياضي يا ٻين اهڙن اسڪولي موضوعن جي بدران ڪمپيوٽرس جي سافٽويئر جهڙوڪ فوٽوشاپ يا فليش وغيره کي سيکارڻ لا ڪا به ڪوشش اگر ڪجي ٿي ته اُن کي ڀرپور موٽ ملي ٿي۔ تنهنڪري مون سوچيو ته جيڪڏهن سنڌي کي انٽرنيٽ تي وڌائڻ ويجهائڻ واري پنهنجي اِن اڃ کي اُجهائڻ لا مان فقط اهڙا وڊيو ليڪچرس ٺاهيان جيڪي يونيورسٽي جي ڏکين موضوعن جهڙوڪ رياضي وغيره کي سمجهائڻ بدران فقط ڪجهه سافٽويئر ئي سيکارين تي گهٽ ۾ گهٽ اُهي ڏٺا ته ويندا۔۔۔ اُنهن مان ڪو فائدو ته کڻندو۔ اگر مان ويبسائيٽ ڪيئن ٺاهجي يا اهڙا ٻيا ٽُٽوريلز ٺاهيان ته اُهي گهٽ ۾ گهٽ ائين رائيگان نه ويندا جيئن ٻيا وڃن ٿا۔ سنڌي ۾ تعليمي وڊيو ليڪچرس جي تمام گهڻي کوٽ آهي يا نه هجڻ برابر آهن۔۔۔ اگر مان ۽ منهنجو ساميٽيڪ جو گروپ اهڙا ليڪچرس جهجهي مقدار ۾ ٺاهڻ ۾ ڪامياب ويو ته هڪ خال ڀرجي سگهي ٿو۔ بس خوف ان ڳالهه جو آهي ته انهن مان ڪو فائدو حاصل ڪندو به سهي يا نه جهڙي نموني ٻين ملڪن جا شاگرد پنهنجي ٻولي ۾ موجود آن لائين وڊيو ليڪچرس مان حاصل ڪندا آهن۔ هن لنڪس سان گڏ اوهان آڏو اِهو مسئلو پڻ رکان ٿو ته ڇا ساميٽيڪ کي پنهنجو مقصد بدلائڻ گُهرجي يعني تعليمي وڊيو ليڪچرس ٺاهڻ بدران فقط چند سافٽويئرس سيکارڻ جي لا وڊيو ليڪچرس ٺاهڻ گهرجن۔ اوهان جي نيڪ مشورن جو انتظار رهندو۔ مهرباني، سوجهرو ڪمپيوٽر سائنس، ٻيون سال انسٽيٽيوٽ آف بزنس ايڊمنسٽريشن ڪراچي
جواب: سنڌي ۾ وڊيو ليڪچرس جي ويب سائيٽ وعليڪم اسلام۔۔۔ سنڌي زبان ۾ جاکوڙيندڙ اسان جي دوست سوجهرو جا خيال پڙهي ڏاڍي خوشي ٿي ۔۔۔ هڪ خواهش به ٿي ته سنڌي زبان سان لڳاؤ رکندڙ هن دوست جو مڪمل تعارف ڄاڻي سگهجي ها۔۔۔ خير توهان اسان جي خواهش پوري ڪرڻ لاءِ تعارف سيڪشن ۾ ليک موڪلي به سگهو ٿا۔۔۔ جڏهن سنڌ سلامت لانچ ڪرڻ جو سوچيو هيو ته سهڪار ڪندڙ گهٽ ۽ حوصلو ٽوڙيندڙ مشورا سوايا ٿي مليا۔۔ دوستن جو خيال هيو ته سنڌي انٽرنيٽ تي تمام گهٽ آهن۔۔ جيڪڏهن ڪي چند آهن ته اهي انٽرنيٽ جي بي راه روي ۽ فيس بوڪ تي خوش گپين ۾ مصروف آهن ان ڪري جيڪو منشور سنڌ سلامت کڻي نڪتل آهي اهو ٻين ادارن وانگر هميشه رهجي ويندو ۔۔۔پر حوصلو نه هاريو۔۔ ۽ شروعات ڪئي۔۔ اڄ مون کي فخر آهي ته منهنجي هن ننڍڙي ڪوشش ۾ ساٿي مليا ۽ اسان پوري طرح نه سهي ته ڪنهن حد تائين نوجوانن کي درست رستو ڏيکارڻ ۾ ڪامياب وياسين۔۔۔ ان دوران هڪ ڳالهه جيڪا نوٽ ڪئي وئي اُها هئي ته توهان کي پنهنجي مواد ۾ دلچسپي رکڻي پوندي۔۔۔ ڇو ته ننڍو توڙي وڏو يا نوجوان انٽرنيٽ کي اڃان تائين تفريح طور استعمال ڪري رهيو آهي۔۔۔ ۽ ان رجحان کي توهان ۽ اسان گڏجي تڏهن درست ڪري سگهون ٿا جڏهن نيٽ تي ايندڙ سنڌين کي معلومات تفريحي انداز ۾ پهچائي سگهون۔۔۔ اهو ئي سبب آهي جو سنڌ سلامت تي سنجيده سيڪشن هجڻ سان گڏ تفريحي سيڪشن ۾ پڻ موجود آهن۔۔۔ ٻيو ته رياضي ۽ اڪائونٽنگ جهڙن ڳُوڙهن مضمونن ۾ دلچسپي پيد ڪرائڻ به هڪ ڏکيو ۽ پيچيده مرحلو آهي۔۔۔ ان باوجود به اسان کي نتيجن جي پرواهه ختم ڪري جستجو ڪرڻي پوندي۔۔۔ اها سوچ به ختم ڪرڻي پوندي ته ڪير ان ۾ دلچسپي رکي ٿو يا ڪير ڏسي به ٿو يا نه۔۔ يقينن اسان جي اهڙي قدم انهن شاگردن لاءِ ته لاڀائتو ٿيندو ئي جيڪي انهن مضمونن ۾ دلچسپي رکندا هجن پر اسان جو اهڙو عمل موجوده نوجوانن طرفان ملندڙ موٽ ۽ مشهوري ڏيڻ سان اسان جو ايندڙ نوجوان نسل ضرور فائدو حاصل ڪندو ۔۔۔ ان ڪري منهنجا دوست سوجهرو صاحب توهان پنهنجي جستجو کي جاري ۽ ساري رکو۔۔۔ يقينن توهان جي هن عمل کي ڀرپور اجر ملندو۔۔۔ مان پنهنجي پوري سنڌ سلامت ساٿ سان توهان سان سهمت آهيان ۽ ان سلسلي ۾ جيڪڏهن سنڌ سلامت کي به ڪو ڪردار ڏيو ته خوشيءَ سان عمل ڪيو ويندو۔۔۔ لک لائق
جواب: سنڌي ۾ وڊيو ليڪچرس جي ويب سائيٽ سائين اوهان جي ان عمل جي ساراهه ڪجي ٿي۔ اهي دوست جيڪي خاص ان لاء نيٽ استعمال ڪندا آهن ته ڪا علمي ڄاڻ حاصل ڪيون انهن لاء اوهان جو ڪم رهنمائي جو سبب بنبو۔ اوهان کي اهو ڪم هڪ تسلسل سان ڪرڻو پوندو ۽ پوء يقينن دوستن جو ڏسڻ وارن جو تعداد به وڌندو۔
جواب: سنڌي ۾ وڊيو ليڪچرس جي ويب سائيٽ اوهان سڀني جا ٿورا جو اوهان رهنمائي ڪئي ۽ اوهان بلڪل صحيح فرمايو ته ڪير ڏسي يا نه ڏسي پر ڪم ته ڪرڻو ئي پوندو نه۔ جي اسان نه ڪنداسون ته پو ڪير ڪندو۔ مان به ان ئي خيال جو آهيان بس سوچيم رڳو اِهو پئي ته ڪهڙي ڪم تي وڌيڪ زور ڏجي۔ تدريسي وڊيو ليڪچرز يا سافٽويئر جي ٽريننگ لا وڊيو ليڪچرز تي۔۔۔ پر هاڻ اوهان کان متاثر ٿي مون اِهو سوچيو آهي ته پنهنجي وس آهر ٻنهي تي ڪم ڪجي ۽ پنهنجن دوستن ۽ رابطن جي ذريعي ڀائرن ڏانهن اِهو شعور پهچائجي ته انٽرنيٽ کي هن مقصد لا پڻ استعمال ڪري سگهجي ٿو۔ نيٺ اڄ نه ته سڀاڻ اسان جو نوجوان انٽرنيٽ جي ان استعمال کي به ضرور اپنائيندو ۽ اُن وقت انشاالله انهن وٽ سنڌي ۾ وڊيو ليڪچرز جو خال نظر نه ايندو۔ اوهان جا لک ٿورا!
جواب: سنڌي ۾ وڊيو ليڪچرس جي ويب سائيٽ ماڻهو جڏهن ڪو نيڪ ڪم ڪندو آهي ته ان کي اهو نه سوچڻ کپي ته موٽ ڇا ملندي ڪم جاري رکو الله پاڪ مالڪ آهي ۔ ڪو نه ڪو ضرور فائدو حاصل ڪندو
جواب: سنڌي ۾ وڊيو ليڪچرس جي ويب سائيٽ جي بلڪل ادا، مونکي موٽ ملي يا نه ملي۔۔۔ مسئلو اِهو آهي ته ماڻهو اُن مان فائدو حاصل ڪندا به يا نه۔۔۔ جيڪڏهن ماڻهو اِن مان وڌيڪ فائدو حاصل ڪن جو جيڪر سامي ٽيڪ جو مڪمل گروپ ڳوٺ ڳوٺ وڃي اُتي تعليمي سيمينار ڪري ته پو انٽرنيٽ تي وڊيوز اپلوڊ ڪرڻ کان ته اُهي سيمينار چڱا۔۔۔ دراصل ڪم ته جام آهي پر پهرين ڪهڙو ڪجي؟ شروعات اُن ڪم کان ڪجي نه جنهن جو سڌو واسطو ماڻهن سان هُجي يا سولي رسائي هجي۔
جواب: سنڌي ۾ وڊيو ليڪچرس جي ويب سائيٽ سائين محترم سوجهرو صاحب، آءُ پڻ دوست رشيد سميت سڀني دوستن سان شامل راءِ آهيان ته ڪم ڪجي ۽ اهڙو ڪجي جو پنهنجي هڪ سڃاڻ رکندو هجي ۔۔۔ بيشڪ جيئن شروع شروع ۾ سنڌي ٻولي انٽرنيٽ تي بلڪل ڪون هئي پر آهستي آهستي ڪري دوستن لکڻ شروع ڪيو ۽ هاڻ پاڻ ڏسو ٿا ته مختلف سماجي نيٽ ورڪ، انٽرنيٽ اوطاقون ۽ بلاگ سنڌي ٻوليءَ سان مالا مال ٿيندا وڃن ۔۔۔ اوهانجي ڪيل ڪم کي ٿورڙي پذيرائي کپندي آهي ۔۔۔ سوشل نيٽ ورڪ ۽ + اوطاقون جت سنڌي نوجوان اچن ٿا، اتي انهن کي پيش ڪجي ۽ ور ور ڪري پيش ڪجي ۔۔۔ ته جيئن نوجوان يا ان خاص موضوع سان لاڳاپيل نوجوان فائدو حاصل ڪن ۔۔۔۔ اوهانجو ڪيل ڪم ڪو عام رواجي ناهي، تعليمي ۽ تدريبي آهي انڪري انکي ضرورتمند اپنائيندا ۽ انهن تائين پهتو ڪيو وڃي ۔۔۔۔ باقي ،،،، اڳتي وڌڻ وارا پوئتي ورائي ڪٿي ٿا ڏسن ۔ اسين سنڌ سلامت جا دوست اوهان سان گڏ آهيون سنڌ سلامت ساٿ سلامت
جواب: سنڌي ۾ وڊيو ليڪچرس جي ويب سائيٽ هڪ وڊيو هاڻ آءُ ڏسان پيو، پر آواز تمام گهٽ آهي جنهن لاءِ فون ڪن تي لڳايم پر پوءِ به آواز جو معيار سٺو ۽ سمجهڻ جهڙو ناهي ۔۔۔۔ انکي بهتر ڪرڻ جي ضرورت آهي ۔۔۔۔ لک ٿورا
جواب: سنڌي ۾ وڊيو ليڪچرس جي ويب سائيٽ بيشڪ سائين نثار، اوهان بلڪل صحيح ڳالهه ڪئي۔۔۔ ڪم ته ڪرڻو ئي پوندو۔۔۔ منهنجي پوري ڪوشش اها هوندي ته مان ۽ منهنجو گروپ ان ڪم کي اُن حلقي تائين ضرور پهچائي جنهن کي اِن جي ضرورت آهي۔ تنهن ڪري مان هر هنڌ ان جون لنڪس وغيره شيئر ڪندو آهيان۔ منهنجا ڪمپيوٽر سائنس جا امتحان پيا هلن 3 ڏينهن کان پو ختم ٿيندا ته ٻيا ليڪچر پڻ ٺاهيندم۔ انشاالله جي ضرورت پئي ته انهن ليڪچرس کي سي ڊي جي شڪل ڏيئي دوستن ۾ ورهائيندم ته جيئن اِهي ليڪچرس ڳوٺ ڳوٺ پهچن ۽ انهن تائين پهچن جن جي انٽرنيٽ تائين رسائي نه آهي۔ ڇاڪاڻ ته سڀني کان وڌيڪ ضرورت ته انهن کي آهي نه جن وٽ انٽرنيٽ آهي انهن وٽ ايترو شعور ته آهي ته هو انٽرنيٽ جو ڪهڙو استعمال ٿا ڪن ۽ هو اهڙا ليڪچرس ڳولهي سگهن ٿا۔ بس اوهان سڀني جي ساٿ جي ۽ دعا جي ضرورت آهي ته سامي ٽيڪ جنهن مقصد سان نڪتو آهي اهو پورو ٿئي۔
جواب: سنڌي ۾ وڊيو ليڪچرس جي ويب سائيٽ اُن ئي ساڳئي ليڪچر جو هڪ ٻيو ورزن پڻ رکيل آهي جنهن ۾ مون ڳالهايو آهي توهان اُهو ڏسي سگهو ٿا۔ ساڳيو ئي ليڪچر آهي۔ جيڪو اوهان ٻڌو آهي سو سامي ٽيڪ جي هڪ نئين ميمبر ٽيسٽ جي طور تي ٺاهيو هيو۔
جواب: سنڌي ۾ وڊيو ليڪچرس جي ويب سائيٽ ادا سوجهرو، توهان تمام بهترين ڪم ڪري رهيا آهي ته ان ۾ سوچڻ جي ڳالھ ئي نه آهي۔ منهنجي رائي اها آهي ته توهان ڪمپيوٽر جي ڪورس تي سنڌي ۾ ويڊيو ٺاهيو ته ڌيڪ بهتر آهي۔ تدريسي ڪورسن تي شاگردن جو رجهان گهٽ آهي۔ ان جو خاص وجھ اها آهي ته پيپرن ۾ نقل عام آهي۔ ان ڪري اسان جي شاگردن جو لڳائو گهٽ آهي۔ ان کان علاوه اسان وٽ سليبس به سنڌي ۾ نه آهي جو شاگرد سنڌي ۾ فزڪس، رياضي وغيره سنڌي ۾ سکن۔ اسان جو دعائون توهان سان گڏ آهن۔ اسان لائق ڪو ڪم هجي ته ضرور چوجو۔ سنڌ سلامت ساٿ سلامت
