رات کي چئي ڇڏيو (محمد اسماعيل اداسي)

"رات کي چئي ڇڏيو" جيڪا شاعري "محمد اسماعيل اداسي (ملاح) جن جي لکيل آهي، هي شاعري مون ڪتاب "ڍاٽيئڙا پٽ ڍول ڪٺا" مان ڪڍي توهان دوستن آڏو پيش ڪريان ٿو۔اميد توهان دوستن کي پسند ايندي ۔مهربانيون ۔۔۔۔،

رات کي چئي ڇڏيو، سج اڀري پيو
پيار جي پوک جو، کيت نسري پيو

واهوندو آ وريو، چنڊ آهي چڙهيو
سانوري سان سکي، نينهن نبري پيو

پنڌ هو جو پري، پاڻ گهٽبو وڃي
جو نه ملندو هيو، پاڻ سنڀري پيو

مند ۾ ڪو مزو، ناهي ساجن سوا
هيل سانوڻ سٺو، ڪيڏو گذري پيو

مهڪ اهڙي گهلي، ڄڻ کٿوري کلي
ڄڻ گهٽي مان "اداسي" پرين گذري پيو ​