[JUSTIFY]اسان جي پياري دوست ۽ سنڌي ٻولي ۽ سنڌ سلامت جي محسن محترم ابو واصف هڪ خوبصورت چترڪاري موڪلي آهي۔ هي چترڪاري اسان جي هڪ مانواري دوست فيض سڪندري پتافي صاحب ڪئي آهي۔ لطيف سائين جي شهواڻي صاحب جي رسالي جي سُر بروو سنڌي مان ورتل۔[/JUSTIFY] منهنجي مداين جي، ڪل پريان پيئي ڪڏهن ڪوسا نه ٿيا، ڏوراپو ڏيئي ساجن سڀيئي، ڍڪيم ڍول ڍلائيون
جواب: منهنجي مداين جي، ڪل پريان پيئي (سُر بروو سنڌي) ادا سليمان وساڻ صاحب اسلام عليڪم ۔ادا توهان جون تمام گهڻيون مهربانيون جو محترم ابو واصف جي موڪليل چترڪاري ،جيڪا فيض سڪندري پتافي صاحب، شاعرن جي سردار شاه عبدالطيف ڀٽائي جي سُر بروو جي هڪ بيت جي ڪئي آهي، کي هن محبتي اڳڻ جي ڪينئوس تي چٽڻ جون۔ مٿيون بيت سُر بروو جي داستان ٽيئن مان ورتل آهي۔۔سرُبروو سچي عاشق جي محبت ڀرين جذبن ۽ احساسن جو آئينو آهي; سڄڻ جي سڪ ۽ ساڻس بي انتها پيار واري شعوري ۽ لاشعوري ڪيفيت جو اظهار آهي; فراق ۾ عاشق جي اندر جي آه ۽ درد جي دانهن جو آواز آهي۔محبوب موجود ڪونهي پر هو هر دم عاشق جي اکين آڏو آهي:کيس غائبانه ياد ڪندي عاشق پنهنجي اندر جو حال اوري ٿو۔۔ڪانگ کي قاصد ڪري نيه جا نياپا موڪلي ٿو،۽ محبوب کي پيار ڀريا ڏوراپا ۽ محبت جون ميارون ڏئي ٿو۔ٻئي طرف هيء سُر محبوب جي بي مثال حسن ۽ ناز جي نظاري جو آئينو آهي۔سهڻي محبوب جي سهڻي صورت ۽ سيرت ۽ سندس ڳُڻ ۽ ڳالهيون ان جو خاص عنوان آهن۔عشق ۾ عاشق بي وس آهي: " هيرائي هٿ ڪيو هنيڙو حبيبن" ۽ "لڳيءَ جو لطيف چئي نڪو قال نه قيل" عشق زوراور ذات آهي جنهن سان ڪوبه حيلو نه ٿو هلي: " عشق اهڙي ذات جو منجهائي مَيَن کي" مٺي محبوب ۽ پياري پرين جي سهڻي صورت ۽ سهڻي سيرت داستان ٽيئن جو مکيه موضوع آهي۔وڏي حسن وارو محبوب جڏهن اُٿي ناز مان ٽلي ٿو ته آڏو زمين به "بسم الله" چئي سندس راه چمي ٿي: ناز منجهارا نڪري جڏهن پرين ڪري ٿو پنڌ ته ڀونءِ پڻ بسم الله چئي راه چمي ٿي رند۔ ادا سائين توهانجي دوستن جون ڪاوشون اسان کي پسند آيون ۔اميد ته سُر بروو جي مٿين تشريح مان شاه سائين جي اصلي فڪر ۽ ذڪر کي آساني سان سمجهي سگهبو۔
جواب: منهنجي مداين جي، ڪل پريان پيئي (سُر بروو سنڌي) سائين غلام مصطفى ميمڻ صاحب لک ٿورا لطيف سائين جي بيت ۽ سُر بروو جي تشريح ڪري اوهان اسان جي ڄاڻ ۾ اضافو ڪيو آهي۔ اوهان جو لطيف سائين جي رسالي جو وسيع مطالعو ٿو لڳي۔ اميد ته اوهان هر موڙ تي اسان جي رهنمائي ڪندا رهندا۔
