ونڊو ايڪس پي ۾ جڏهن ڪنهن فائيل تي رائيٽ ڪلڪ ڪبو آهي توهان ان فائيل جي شارٽ ڪٽ مينيو ۾ ويندا هليا آهيو. هتي موجود آپشنن مان هڪ آپشن ”سينڊ ٽو“ جو به هوندو آهي جنهن ذريعي اوهان ان فائيل کي اي ميل ڪري سگهو ٿا، ڊيسڪ ٽاپ تي ان جي ڪاپي ٺاهي سگهو ٿا، يا وري ان کي يو ايس بي يا ميموري ڪارڊ ۾ نقل ڪري سگهو ٿا وغيره وغيره. پر جيڪر اوهان چاهيو ته Send To مينيو ۾ هارڊ ڊسڪ جي ڪنهن به جاءِ تي موجود فولڊر جو نالو به شامل ڪري سگهو ٿا، ته جيئين ان ۾ فائيل ڪاپي ڪري سگهجي. [/IMG] مثال جي طور تي اوهان جي هارڊ ڊسڪ ۾ مختلف جاين تي ڪجهه تصويرون موجود آهن جيڪي اوهان هڪ جاءِ تي رکڻ چاهيو ٿا، عام طور تي اوهان ائين ڪرڻ لاءِ ٻه ونڊوز ايڪسپلورر کولي رکندا آهيو ۽ پوءِ هڪ ايڪسپلورر مان تصويرون ڪاپي ڪري ٻي ايڪسپلورر ۾ رکندا ويندا آهيو، پر هاڻي اوهان سينڊ ٽو مينيو ذريعي تصويرن کي اوهان جي چونڊيل فولڊر ۾ محفوظ ڪري سگهوٿا. پهريان مائي ڪمپيوٽر ۾ وڃي ٽولز مينيو تي ڪلڪ ڪري فولڊر آپشن تي وڃو ۽ اتي ويو جي ٽيب تي ڪلڪ ڪري شو هڊن فولڊرس اينڊ فائلز تي چيڪ هڻو ۽ اوڪي ڪريوس. [/IMG] هاڻي ٻيهر مائي ڪمپيوٽر ۾ وڃي C ڊرائيو يا ان ڊرائيو ۾ جتي اوهان آپريٽنگ سسٽم انسٽال ڪيو هجي اهو ڊرائيو کوليو ۽ ان م ڊاڪيومينٽس اينڊ سيٽنگز تي ڊبل ڪلڪ ڪري پنهنجي اڪائونت (Administrator) تي ڊبل ڪلڪ ڪريو ۽ سينڊ ٽو فولڊر کوليو. هتي فائيل مينيو تي ڪلڪ ڪري NEW تي ڪلڪ ڪريو ۽ پور شارٽ ڪٽ تي ڪلڪ ڪريو. [/IMG] ائين ڪرڻ سان اسڪرين تي Create Shortcut وزرڊ ايندو جتي اوهان برائوزر جي بٽن تي ڪلڪ ڪريو. [/IMG] هتي اوهان کي جنهن فولڊر کي سينڊ ٽو مينيو ۾ شامل ڪرڻو آهي ان تي ڪلڪ ڪريو جيئين اسان سنڌ سلامت ڊاٽ ڪام کي شامل ڪيو آهي. هاڻي نيڪسٽ تي ڪلڪ ڪري فنش تي ڪلڪ ڪريو. [/IMG] اوهان جنهن به فائيل تي رائيٽ ڪلڪ ڪري سينڊ ٽو مينيو ۾ ويندا ته اوهان جو شامل ڪيل فولڊر به موجود هوندو. [/IMG]
