اچو ته سنڌ سنواريون۔۔۔۔

[عرفان ديشي]

فيسبوڪ توڙي انٽرنيٽ تي اهڙا تمام گھڻا گروپ توڙي ويبسائيٽون آهن جن تي سنڌي دوست هر مسعلي تي تمام گھڻا سرگرم آهن. پر اڪثريت جيڪا به آھي اها فيسبوڪ تي ئي آھي. دنيا وارن فيسبوڪ ذريعي انقلاب آندا آهن پر جيڪڏهن اسان سنڌي گڏجي ڪنهن مظلوم جي مدد به ڪيون ته به اسان لاء وڏي خوشي جي ڳالھ ثابت ٿيندي، ان سلسلي ۾ ڪجھ دوست اهڙا گھربل آهن جيڪي هر وقت سرگرم رهندا هجن. فيسبوڪ ذريعي هن گروپ ٺاھي رهيا آهيون جنهن جو باقائده سان آغاز ڪنداسين
”سنڌي سوشل ميڊيا فورم“ SSMF
جنهن اندر ڪجھ نقطه جوڙينداسين ۽ دوستن کي هر مسعلي بابت آغاھ ڪري انهن کان ٽائيم وٺي ڪنهن به سرگرمي ۾ شامل ٿينداسين. جيڪي به دوست ان مسعلي تي سنجيده هجن يا چاھيندا هجن ته سڀ دوست بنا ڪنهن ڌڙي، گروُپ يا وري ڪنهن فرقه واريت سان هلون ته اھي دوست هتي پنهنجا رايع ڏئي تجزيو ڪري سگھن ٿا.
ياد رهي ته ان گروپ ۾ اسان جي رهنمائي ناليوارو ليکڪ، اديب، دانشور ادا اسد چانڊيو ڪندو. مهرباني

 

[ممتاز حسن ڪيهر]

جواب: اچو ته سنڌ سنواريون۔۔۔۔

تمام بهترين سوچ آهي توهان جي ۽ تمام لاجواب فورم آهي اسين سڀئي سنڌي گڏجي انسانيت جي خدمت ڪنداسين اچو سڀئي گڏجي عهد ڪريون

 

[يونس ملڪاڻي]

جواب: اچو ته سنڌ سنواريون۔۔۔۔

ادا تمام سٺي سوچ آهي

 

[نثارابڙو]

جواب: اچو ته سنڌ سنواريون۔۔۔۔

سوچ به سٺي آهي ۽ سڏ به وقتائتو آهي، اوهان دوست جيڪڏهن ان معاملي ۾ سنجيده آهيو ته ان پروگرام جا مول متا جاري ڪريو، جن دوستن کي پسند ايندا ته اهي ان پروگرام سان گڏ ٿيندا رهندا ۔۔۔

جيتري حد تائين مون سمجهيو آهي ته اوهان سنڌي عوام جي سماجي مدد ڪرڻ چاهيو ٿا ۽ ان لاءِ دوستن کي هڪ هنڌ گڏ ڪرڻ گهروٿا، ته پوءِ اوهانکي گڏجي انجو بنياد وجهڻ وقت ڪجهه ڳالهيون ذهن ۾ رکڻيون آهن۔

+ فيسبڪ سان گڏ اوهان جي آس پاس جيڪي دوست رهن ٿا انهن کي پڻ شريڪ ڪريو۔
+ مول متا واضح هجن ۽ سنڌين کي پيش ايندڙ روزمره ۾ سماجي مشڪلاتن جا حل ۽ سهڪاري پروگرام واضح هجن
+ ڪنهن به مذهب يا فرقي يا ڪنهن سياسي گروهه جي مخالفت کان علاوه هڪ مڪمل ضابطي ۾ هجڻ وارو پروگرام هجي۔

اوهان جيڪڏهن اهڙي ڪنهن فلاحي ۽ سنڌ دوستيءَ واري ڪم لاءِ اڳتي وڌندا ته يقين ڄاڻو ته اوهان کي ڪافي سهڪار ملندو ۔۔۔ اسين پڻ اوهان سان هر طرح جو سهڪار ڪنداسو ۔۔۔ سچ ته بيٺو نچ

يادر رکو؛
محبت پائي من ۾ رنڊا روڙيا جن،
تن جو صرافن اڻ توريو ئي اگهايو۔​

 

[سليمان وساڻ]

جواب: اچو ته سنڌ سنواريون۔۔۔۔

ادا عرفان مهربانيون

هن فورم جي باري ۾ گهڻي خبر ته ناهي پر ادا هڪ ڳالهه ضرور چوندس ته اسد چانڊيو کي مذهب ۽ شخصيت ۾ فرق ضرور رکڻ گهرجي ۽ شخصيتن جي دشمني ۾ اچي مذهب کي گهٽ وڌ نه ڳالهائجي۔ اڄ اهو به ڏٺو ويو ته ميان مٺو جي ايڊٽ ڪيل اگهاڙين تصويرن جي جواب ۾ انهن ماڻهن وري سائين جي ايم سيد جي تصويرن کي ايڊٽ ڪري بيحرمتي ڪئي آهي۔ ڪنهنجي ڪوڙن خدائن کي به گهٽ وڌ نه ڳالهايو ، متان هو ان جي بدلي اوهان جي سچي خدا کي گهٽ وڌ ڳالهائين۔

تحريڪ ضرور هلايو پر خدارا اخلاقي قدر به ٿيندا آهن۔ هميشه هر ڳالهه کي سهڻي انداز سان پيش ڪجي ۽ اسان هر ان فورم جا ميمبر رهيا آهيون جيڪي سنڌ ۽ سنڌيت جي ڳالهه ڪن ٿا پر اڄوڪي ڪيل فيسبوڪ جي سرگرمين گهڻو ڏکايو آهي۔

 

[عرفان ديشي]

جواب: اچو ته سنڌ سنواريون۔۔۔۔

ادا سليمان حقيقت ۾ سائين جي ايم سيد جي بي حرمتي ڏسي دل ته اسان جي به ڏاڍي ڏُکي آھي پر سهڻا سائين، هي گروپ صرف نه اسد چانڊئي جو آھي نڪي منهنجو آھي هن پليٽ فارم تان مظلومن جي ڊبيل آواز کي ورنايو ويندو انهن جي همٿ افزائي لا سوشل ميڊيا جا دوست گڏ ٿينداسين، فقط پڙھيل لکيل ۽ باشعور دوست هن گروپ ۾ شامل هوندي هي سڀن لا هڪ پليٽ فارم آھي باقي مذهبي يا سياسي ڳالھ هن گروپ ذريعي ڪنهن کي ڪرڻ جو حق ناهي۔ مان اوهان جي ڳالھ مان 100 سيڪڙو متفق آھيان ادا۔

 

[عرفان ديشي]

جواب: اچو ته سنڌ سنواريون۔۔۔۔

سنڌي سوشل ميڊيا فورم
پاڻ کي فقط ۽ فقط
سنڌُ ۽ سنڌيتَ
آڏو ئي ذميوار ۽ جوابدار سمجهي ٿو.
دوست ڀلي ڪهڙن به سياسي ۽ قومي خيالن جا هجن،
جي انهن ۾، سنڌ ۽ سنڌيت جو سڏ ورنائڻ جي همت نه آهي، يا اُهي پنهنجي پارٽي پاليسن آڏو ئي، پاڻ کي تابع سمجهن ٿا، اُنهن جو هن فورم کان پري رهڻ ئي، فوم لاءِ بهتر آهي.
اسان کي مقدارُ نه، خاصيت کپي.
سنڌ ۽ سنڌيت کپي

 

[عرفان ديشي]

جواب: اچو ته سنڌ سنواريون۔۔۔۔

سنڌي سوشل ميڊيا فورم
سنڌي سماج ۾ عوامي سُجاڳي لاءِ پنهنجو ڪم ڪرڻ چاهي ٿو.
اُهو سنڌي سماجُ
جنهن کي سڀن ڌرين وساري ڇڏيو اهي
پنهنجي پنهنجي سياسي يا ذاتي ايجنڊا ڪري.
مختلف معاملن تي، سماجُ جو ذهن صاف ڪرڻ
۽ ضرورت پوَڻ تي، ظلم خلاف هر ممڪن مذاحمت ڪرڻ، اسان جي اڪيلي ايجنڊا آهي.
مظلومن کي اهو محسوس نه ٿيڻ گهرجي ته،
اهي اڪيلا آهن

 

[منظور ڪلهوڙو]

جواب: اچو ته سنڌ سنواريون۔۔۔۔

تمام سهڻي ّصلاح آهي، پر اهڙين فورمن کي پنهنجن مقصدن کي حاصل ڪرڻ ۾ تمام گهڻو وقت گهرجندو آهي، مان اميد ٿو ڪيان ته، وڌ کان وڌ دوست ً ٿورڙي وقت ۾گڏ ٿين ۽ پنهنجي سچي ڪارڪردگي ظاهر ڪن۔۔۔سدائين گڏ۔

 

[عرفان ديشي]

جواب: اچو ته سنڌ سنواريون۔۔۔۔

سائين مڻظور علي عباسي صاحب: اسان جي اميد به اها ئي آھي ته انشا الله سوشل ميڊيا جي نوجوان دوستن ذريعي اسان جلد ئي ڪنهن مقام تائين پھچنداسين۔

 

[منظور ڪلهوڙو]

جواب: اچو ته سنڌ سنواريون۔۔۔۔

منهنجا سڄڻ اسان جي هر طرح جي سهڪار توهان جهڙن سڄڻن سان هميشه کان رهي آهي ۽ هميشه رهندي، اسان هر ان سڄڻ سان ٻانهن ٻيلي رهندا سين جيڪو سنڌ۽ سنڌيت کي اولين ترجيح ڏيندو۔۔سدائين گڏ۔۔

 

[رشيد سمون]

جواب: اچو ته سنڌ سنواريون۔۔۔۔

بيشڪ فيس بوڪ ذريعي انقلاب آيا آهن۔۔۔ پر هڪ ڳالهه ياد رکڻ گهرجي ته فيس بوڪ هڪ آزاد ۽ کليل پليٽ فارم آهي ۔۔ جنهن کي انتظامي طور سنڀالڻ ڪافي ڏکيو آهي۔۔ ٻيو ته اسان سنڌين کي گڏجڻ ۾ ڪافي ديوارون حائل آهن ۔۔ ڪاٿي مذهب ته ڪاٿي انا پرستي، ڪاٿي خوشامد ته ڪاٿي مغروري اسان کي گڏجڻ نه ٿي ڏئي ۔۔۔ اهڙي صورت ۾ گروپ جي مول متن کي حاصل ڪندي جيڪڏهن قانون جو ڏنڊو هلائبو ته مخالفت وڌندي ۽ جي نه هلائبو ته اختلاف وڌندا۔۔۔
پر انهن سمورين مشڪلاتن باوجود جيڪڏهن سنڌ ۽ سنڌيت جي ڀلائي ۾ ڪو ڪم ٿئي ته به جس لهڻي ۔۔۔ بس سائين نثار ابڙو جي ڳالهه وانگر ضابطا ۽ قانون صاف ۽ سڌا رکڻ کانسواءِ انهن تي عمل ۾ ڪنهن جي به پوزيشن جو خيال نه رکجي ته شروعات ڀلي رهندي۔۔۔

 

[جي ايم جتوئي]

هر اهو عمل جيڪو سنڌ ۽ سنڌين لا هوندو آئون ان محاذ تي اوهان سان گڏ آهيان۔سنڌ سلامت ته ساٿ سلامت رهندو۔تمام سٺو عمل آهي۔