سنڌ جي ورهاڱي جي ڳالهه تي رت جا درياءَ وهائڻ جون ڌمڪيون ڏنيون پيون وڃن۔ الطاف حسين

[منظور ڪلهوڙو]

لنڊن (م ڊ) متحده قومي موو مينٽ جي سربراهه الطاف حسين چيو آهي ته سنڌ جي ورهاڱي جي ڳالهه ڪرڻ تي رت جا درياءَ وهائڻ جون ڳالهيون ڪيون پيون وڃن. قومپرستن کي نه روڪيو ويو ته ڳالهه هٿن مان نڪري ويندي. هڪ ويڊيو پيغام ۾ الطاف حسين چيو ته سنڌ ۾ منظم سازش تحت نام نهاد قومپرست سنڌ ۾ رهندڙ اردو ڳالهائيندڙ سنڌي جن کي عرف عام ۾ مهاجر چيو ٿو وڃي، انهن خلاف تيز زبان استعمال ڪندي رت جا درياهه وهائڻ جون ڌمڪيون ڏئي رهيا آهن. هن چيو ته صدر آصف علي زرداري، وزيراعظم، چيف آف آرمي اسٽاف آءِ ايس آءِ جو ڊائريڪٽر، سنڌ جو گورنر عشرت العباد، وڏو وزير قائم علي شاهه ۽ گهرو وزير منظور وساڻ اهڙن عنصرن کي روڪين نه ته ڳالهه هٿن مان نڪري ويندي. الطاف حسين چيو ته هزارين ماڻهن جي ميڙاڪي ۾ چئي ڇڏيو آهي ته سنڌ جي ورهاست نه ٿا چاهيون پوءِ به مهاجرن کي ڌمڪيون ڏنيون پيون وڃن. هن چيو ته قومپرست ياد رکن ته هي 21 هين صدي آهي، جنهن نموني جي ڳالهه ڪئي ويندي، اهڙي طريقي سان جواب ڏنو ويندو.04


عوامي آواز تان کنيل۔۔۔

 

[نثارابڙو]

جواب: سنڌ جي ورهاڱي جي ڳالهه تي رت جا درياءَ وهائڻ جون ڌمڪيون ڏنيون پيون وڃن۔ الطاف ح

الطاف ۽ ايم ڪيو ايم جو مثال به ائين ئي آهي جيئن ڪو زهريلو نانگ پاليو ويو هجي ۽ انکي کير پياري وڏو ڪيو ويو هجي، هاڻ هو ايترو ته خطرناڪ ٿي ويو آهي جو ڏسندي ئي ڏسندي ڪراچي، حيدرآباد ۽ سنڌ جي ٻين شهرن ۾ لاشن مٿان لاش ڪرنٿا ۔۔۔ بس ايم ڪيو ايم جي ڪارڪنن کي اشاري جي دير آهي۔

عقلمند ماڻهون اهو هوندو آهي جو بيماري جي شروع ٿيندي ئي احتياط ۽ علاج ڪري ان بيماري کي رڪيندو آهي يا ممڪن ختم ڪري ڇڏيندو آهي، پر سنڌين ان الطاف ۽ ايم ڪيو ايم کي نه فقط پلجڻ ڏنو بلڪ هن وقت اسانجي ووٽن سان چونڊيل حڪمرانن سان ڪلهو ڪلهي ۾ ملائي سنڌ دشمني جا ڪم ويٺا ڪن ۽ سنڌين جي پيرن هيٺان زمين کسڪائڻ جي ڪري رهيا آهن۔

جيتوڻيڪ تازو قومپرست دوستن ۽ سنڌ اسيمبلي اها ڳالهه واضح ڪري ڇڏي آهي ته سنڌ کي ٽٽڻ نه ڏبو پر پو به قومپرست دوستن يا وري حڪومتي پارٽين اڃان ڪو اهڙو بلو نه ڪيو آهي جنهن سان سنڌ دشمنن سان مهاڏو اٽڪائي سگهجي۔

اميد ڪريونٿا ته سنڌي قومپرست ۽ حڪومتي ڌريون عقل کان ڪم وٺندي ان مامري کي حل ڪندا ۔۔۔ ڪجهه اهڙا به اشارا ملن ٿا ته اهڙيون سازشون به ٿي رهيون آهن جيڪي عام عوامي نظرن کان شايد لڪل آهن ۔۔۔ انهن ۾ ايندڙ چونڊو کٽڻ جا به ڪجهه جتن ٿي رهيا آهن ۔۔۔ جن ۾ ڪجهه پارٽيون ڏي وٺ ڪري ڪجهه ماڻهون قتل ڪرائن ۽ انهن قتل ٿيل ماڻهن تي چونڊو کٽي وٺن ۔۔۔

مطلب ته هن وقت پاڪستان جي سياست ۽ رياست هڪ اهڙي ورن وڪڙن واري راند آهي جنهنکي سمجهڻ نه فقط ڏکيو بلڪ خطرناڪ به ٿيندو وڃي۔

سنڌي قوم جيڪڏهن هاڻ اتحاد جو مظاهرو ڪندي سنڌ جي مالڪي نه ڪئي ته خطرناڪ نتيجا نڪري سگهنٿا۔

اميدن تي جهان قائم آهي

سنڌ سلامت ساٿ سلامت​

 

[مشير احمد صديقي]

جواب: سنڌ جي ورهاڱي جي ڳالهه تي رت جا درياءَ وهائڻ جون ڌمڪيون ڏنيون پيون وڃن۔ الطاف ح

سائين اسان سنڌي خد ان نانگ کي کير پياري رهيا آهيون ايم ڪيو ايم هاڻي نه ڪراچي،حيدرآباد تائين محدود آهي پر اندرون سنڌ تائين پهچي چڪي آهي، اندرون سنڌ ۾ ايم ڪيو ايم کي سپورٽ ڪندڙ اهي ماڻهون آهن جن جو رڪارڊ پوليس فائيل ۾ درج آهي يا وري اهي ماڻهون جيڪي پنهنجي پراڻي پارٽي طرفان نظر انداز ٿيل آهن۔ منهنجو سڀني سنڌين کي هن فورم جي توسس سا عرض آهي ته پنهنجو ووٽ جو استعمال سنڌ ڍرتيءَ کي نظر ۾ رکي ڪن، سڀاڻي ائين نه ٿئي جو ايم ڪيو ايم اڪثريت سان چونڊجي وڄي ۽ سنڌ ڌرتيءَ جي ورهاڱي جي ڳالهه ڪري۔

 

[منظور ڪلهوڙو]

جواب: سنڌ جي ورهاڱي جي ڳالهه تي رت جا درياءَ وهائڻ جون ڌمڪيون ڏنيون پيون وڃن۔ الطاف ح

منهنجا دوستو، جيسين ذاتي مفاد اسان سان سلهاڙيل هوندا تيسين ايم ڪيو ايم جهڙيون پارٽيون، اسان جي گهرن تائين پهچنديون رهنديون، مان ذاتي طور اهڙن پنهنجن کي سڃاڻان ٿو جيڪي ذاتي فائدي ڪارڻ اهڙي پارٽي ۾ شامل ٿيا آهن۔ جن لا قومي مفاد يا سنڌ سان ڪا به همدردي نه آهي۔
مون پڪ سڃاتا پنهنجا ها ڌارين سان گڏ ڌاڙي ۾۔۔