دوستو! سلام پيش ڪجي ٿو انهن سنڌ دوستن کي جيڪي رات ڏينهن محنت ڪري سنڌي ٻولي کي ڪمپيوٽر جي دنيا ۾ اڳ کان اڳرو ڪري رهيا آهن ۔۔۔ تازو هڪ ٻاراڻي نصاب جو سوفٽويئر ايجاد ڪيو ويو آهي ته جيئن سنڌي ٻولي کي دنيا ڀر ۾ ڪمپيوٽر ذريعي ٻاراني عمر کان سيکاريو وڃي ۔۔۔ ڪو اهڙو وقت هو جو جڏهن اسين ڪمپيوٽر کوليندا هياسون ته سنڌي ٻولي جي هجڻ جي خواهش پئدا ٿيندي هئي ۽ هاڻ ان خواب جو پورائي ڏسي دل باغ باغ ٿئي ٿي ۔۔۔ هڪ دفعو ٻيهر هن سوفٽويئر جي ايجاد ڪندڙ علي حسن ملاح کي واڌايون ۽ سلام پيش ڪجن ٿا ۔۔۔
جواب: ٻاراڻو نصابي سوفٽ ويئر وڏي خوشي جي ڳالھ آهي، سائين ابڙو صاحب جيڪڏهن اوهان کي ياد هجي ته ڪجھ وقت اڳ مون هڪ عربي ۽ انگلش سافٽ ويئر شيئر ڪيو هو جنهن ۾ ديني بنيادي تعليم سافٽ ويئر جي صورت ۾ ڏني وئي هئي، ۽ ان وقت مون اها دلي خواهش ظاهر ڪئي هئي ته ڪاش سنڌي ٻولي ۾ به سکيا سافٽويئر ٺاهجن. ڏڻي در شڪرانا جو مائٽ کي اهڙو ڪارنامو سرانجام ڏيڻ جي توفيق ڏنائين، ڌڻي کيس اڃان وڌيڪ ڪرڻ جي توفيق ڏئي، آمين...
جواب: ٻاراڻو نصابي سوفٽ ويئر ۔۔۔۔۔۔۔علي حسن ملاح سائبر ۽ڊجيٽل سنڌلاجسٽ آهي۔۔ اسان جي سنڌي اديب علي حسن ملاح سماجي ڀلائيءَ واري ويب سائيٽ فيس بوڪ تي لکيو ته پهريون جملو سنڌي ۾ ڳالهايو ۽ سنڌي ۾ لکو جنهن سان اسان مڪمل طور تي سهمت آهيون اسان جا مهان ماجد ڀرڳڙي ۽ علي حسن ملاح جنهن نموني سنڌي ٻولي کي ترقي ڏيارڻ جي لاءِ ڪوشش ڪري رهيا آهن ان تي کين جس آهي اسان جو کين سلام آهي اهڙي نموني اسان سڀني سنڌين کي جدوجهد ڪرڻ گھرجي
جواب: ٻاراڻو نصابي سوفٽ ويئر ٿورا ئي ٿورا مون تي مارن جا مون پنهنجي اَندر کي ڏاڍو جهنجهوڙيو پنهنجا ڦِڪا مٺا تِکا ۽ڪَڙا لفظ سڀ گَڏي ڍير ڪيم ته علي حسن ملاح کي واڌايون ڏِيان پر مون وٽ لفظ اَهڙا نه ٿيا جن سان علي حسن ملاح کي داد ڏئي سگهان ۔
جواب: ٻاراڻو نصابي سوفٽ ويئر اهڙن دوستن کي سلام ۽ دعائون جيڪي سنڌ جي بي لوث خدمت ڪن ٿا ۔۔۔۔۔۔۔۔۔۔۔۔۔ سچ ته انتهائي خوشي واري خبر آهي، اسان سنڌين کي هن ڊجيٽل ۽ سائبر جي دنيا ۾ به پاڻ مڃائڻو آهي ۽ ٻوليء کي جديد علمن سان سنوارڻو آهي۔ علي حسن ملاح صاحب لاء سلام، ڀاڪر ۽ دعائون۔
جواب: ٻاراڻو نصابي سوفٽ ويئر سائين علي حسن ملاح کي اسين دل جي گهراين سان مبارڪون ڏيون ٿا سنڌي ٻولي جي لائي واقعي ۾ لاجواب ڪم ڪيو آهي هاڻ اسان جو اهو فرض آهي ته ان مان فائدو حاصل ڪريون
جواب: ٻاراڻو نصابي سوفٽ ويئر الله سائين علي حسن ملاح کي خوش رکي ۽ کين ترقي ڏئي۔ سائين سچ پچ هڪ بهترين سافٽويئر جوڙيو آهي۔ سندن اهڙي ڪم تي جيڪا خوشي ٿي آهي شايد مان صحيح طرح بيان نه ڪري سگهان پر پو به هي ضرور لکندس ته اڄڪلهه جتي ڪيئي دوست سنڌي کي رومن ۽ ڪنهن ٻي سولي لکت ۾ آڻڻ لا مهم هلائي رهيا آهن۔ اتي ملاح صاحب جن هي سافٽويئر آڻي سچ پچ ته هڪ ڪارنامو ڪري ڏيکاريو آهي جنهن جوگهڻي کان گهڻو فائدو پرڏيهه ۾ رهندڙ انهن سنڌي ڪٽنبن کي ٿيندو جن وٽ سندن ٻارڙن کي سنڌي پڙهائڻ جو ڪو جوڳو وسيلو نه هو۔ بهر حال مان حسن صاحب جن کي هڪ صلاح پڻ ڏيندس ته سافٽويئر جو هڪ ٻيو ورشن آڻڻ مهل ان ۾ جيڪڏهن سنڌي آوازن سان گڏ انگريزي جي به سکيا هجي، ته تمام بهترين لڳندو۔۔وڌيڪ لا دعاگو۔۔
س سائين علي حسن ملاح جو اهو سرهاڻ سوفٽويئر حاصل ڪرڻ جو ڏس پتو ٻڌائيندا جيئن هر سنڌي ان مان فائدو حاصل ڪري سگهي
سائين سافٽويئر بابت فيس بوڪ کان وٺي اخبارن تائين خبرون ته چڱيون عام ٿيون آهن۔۔۔ خوشي به ٿي ته آخر سنڌ جي تعليمي نصاب کي ڪمپيوٽرائيزڊ ڪرڻ ڏانهن پهرين وک ته کڄي۔۔ باقي جيتري قدر سافٽويئر هٿ ڪرڻ جو سوال اهي ته حيدرآباد ۾ رکيل سيمينار ۾ ادا علي حسن ملاح اسان جي هڪ دوست محترم شبير ڪنڀار جن کي ٻڌايو ته سافٽويئر مفت ۾ پر سي ڊي ۾ ڊسٽري بيوٽ ڪيو ويندو۔۔۔ ٻين لفظن ۾ ان سافٽويئر کي انٽرنيٽ تي ڊائونلوڊ ڪرڻ جي لاءِ في الحال نه رکيو ويندو ۔۔۔ ته جيئن ان تي آيل ڪجهه خرچا ڪڍي سگهجن۔۔۔ سو ادا بس ان سافٽويئر جي سي ڊي مارڪيٽ ۾ اجهو سا آئي۔۔۔
تمام خوشي جي ڳالھ آهي ۔ ادا علي حسن ملاح کي سلام ۔ دعا آهي ته شال مولا ڪريم سندن کي اڃان به وڌيڪ توفيق عطا فرمائي آمين
سڀني کي سلام عرض ته مهنهنجي حوالي سان لکيو ويو آهي ته”حيدرآباد ۾ رکيل سيمينار ۾ ادا علي حسن ملاح اسان جي هڪ دوست محترم شبير ڪنڀار جن کي ٻڌايو ته سافٽويئر مفت ۾ پر سي ڊي ۾ ڊسٽري بيوٽ ڪيو ويندو۔۔۔ ٻين لفظن ۾ ان سافٽويئر کي انٽرنيٽ تي ڊائونلوڊ ڪرڻ جي لاءِ في الحال نه رکيو ويندو ۔۔۔ ته جيئن ان تي آيل ڪجهه خرچا ڪڍي سگهجن“ بلڪل ائين ناهي بلڪه مذڪوره پروگرام ۾ آئون آغا مشتاق ۽ شبير ڪيريو شريڪ ٿياسون علي حسن اسانکي سندس سافٽويئر ڏيکاريو جيڪو اسان به استعمال ڪري ڏٺو بلڪل وڻندڙ ۽ انتهائي وڏي محنت سان تيار ڪيل سافٽويئر ڏسي ڏاڍي خوشي ٿيم ۽ اهو احساس پڻ ته اسانجي سنڌي ٻولي جي واثي اڃا جاري آهي۔ علي حسن جو چوڻ هو ته هو چاهي ٿو ته انٽرنيٽ توڙي سي ڊي جي صورت ۾ هي سافٽويئر رليز ڪجي ۽ ان لا کيس ڪا رقم گهربل ڪانهي بلڪه هو چاهي ٿو ته جتي انٽرنيٽ جي سهولت ناهي اتي به سافٽويئر موجود ڪجي ته جيئن ان مان هرڪو هڪجيترو لاڀ پرائي سًگهي، رهي ڳالهه ڪم تي آيل اخراجات جي سو بلڪل به ڪافي سيڙپ کانپو هي سافٽويئر تيار ٿيو آهي جنهن ۾ 5000 هزار جي لڳ ڀڳ فائل آهن جنهن مان پورهئي جو اندازو بخوبي لڳائي سگهجي ٿو پر ياد رهي ته ان جي باوجود هن مڻيادار مڙس ان لا ڪنهن معاوضي جي طلب ڪانه ڪئي آهي۔ آئون کيس سندس هن خدمت تي تعظيم جو سلام ٿو پيش ڪريان
سائين علي حسن ملاح کي جس هجي ، جنهن هي سٺو ڪم سرانجام ڏنو آهي ، ٻاراڻي نصاب جي حوالي سان تمام وڏو تاريخي ڪم آهي ۔ کيس هي ڪم سرانجام ڏيڻ تي سلام پيش ڪجي ٿو ۔ سائين نثار احمد جي سهڻي ونڊ
سائين ڪنڀار صاحب وضاحت ڪرڻ جي مهرباني، ڀلا هاڻ ڪافي وقت به ٿي ويو آهي، جيڪڏهن سي ڊي مارڪيٽ ۾ اچي وئي آهي ته مهرباني ڪري ڪو دوست ڏس پتو ڏئي ته جيئن ٻارڙن لا خريد ڪريون، ٿورا۔۔۔
ادا شڀير ڪنڀار جن جي مهرباني جن وضاحت ڪئي ته هي سافٽويئر سي ڊي ۾ آڻي ڊسٽريبيوٽ ڪرڻ جو اهو بلڪل به مقصد ناهي ته سي ڊي جي قيمت رکي وڪرو ڪجي۔۔۔ ان ڪري جيڪڏهن سافٽويئر کي جڏهن سي ڊي ۾ آڻبو ته اها سي ڊي مارڪيٽ ۾ موجود نه هوندي پر ان سي ڊي کي حاصل ڪرڻ لاءِ ادا علي حسن طرفان ڊسٽري بيوٽ ڪندڙ دوستن سان رابطو رکڻو پوندو۔۔۔ بظاهر هي عمل وڌيڪ مفيد ۽ سنڌ جي ڪنڊ ڪڙڇ تائين مفت ۾ رسائي جو ڇو نه هجي پر منهنجي خيال ۾ هن سافٽويئر تي اڳ ئي ڪافي خرچ يا وقت لڳي چڪو آهي ان ڪري هن کي سي ڊي جي صورت ۾ ڊسٽريبيوٽ ڪرڻ وڌيڪ وقت ۽ رقم طلب ثابت ٿيندو ان ڪري محنت ڪندڙن دوستن کي صلاح ٿي ڏجي ته ان سافٽويئر کي انٽرنيٽ ذريعي ئي ڊسٽريبيوٽ ڪيو وڃي ۔۔۔ اسان وٽ اڪثر ڪمپيوٽر رکندڙ دوستن وٽ نيٽ موجود هوندي آهي۔۔۔ ۽ ڀلي ڪم کي پکيڙڻ جي لاءِ ڪوشش وٺڻ جي به ضرورت نه رهندي آهي۔۔۔
بلڪل آ سائين ملاح صاحب جي ان خيال جي تاييد ڪريان ٿو ته انٽرنيٽ ۽ سي ڊي ذريعي رليز ڪن۔ جيڪڏهن سائين ذيشان رشيد صاحب جن جي رائي کي ڏٺو وڃي ته انهن به ساڳي ئي ڳالھ ڪئي آهي، هاڻ سي ڊي ذريعي جڏهن به رليز ٿئي پر سائين ملاح جن کي واقعي به گذارش آهي ته في الحال انٽرنيٽ تي بنا دير جي لانچ ڪري ڇڏن۔۔۔
سڀني دوستن جي مهرباني جن منهنجي وضاحت توجهه سان پڙهي، وڌيڪ جن دوستن جو چوڻ آهي يا صلاح آهي ته بنا دير ان (ٻاراڻي سنڌي سافٽويئر) کي لانچ ٿيڻ گهرجي ان بابت آئون ڪجهه نٿو چئي سگهان بلڪ اهڙي ڄاڻ ئي ڪانه اٿم ته علي حسن جو ان بابت ڇا خيال آهي، تنهنڪري هاڻ علي حسن ڏانهن نهارجي ٿو ته پاڻ ڇا ٿو ڪري۔
سائين ڪنڀار صاحب اوهان جي وري به مهرباني جو اڱڻ تي ان ڳالھ جي وضاحت ڪئي۔ وڌيڪ عرض آهي ته جيڪڏهن ڪنهن دوست جي وس ۾ هجي ته هو سنڌ سلامت جي سنڌي سڄڻن جون ڀاونائون سائين علي حسن صاحب جن تائين پهچائي ته ڀلو ٿيندو، يا وري سائين ملاح صاحب جو ڊائريڪٽ لنڪ ڏنو وڃي، ڀلي اهو موبائل نمبر هجي يا ايميل وغيره تاڪِ اسان (انٽرنيٽ جي پهرين ۽ وڏي سنڌي فورم جا سڄڻ) سائين علي حسن صاحب جن سان پنهنجي خواهش جو اظهار ڪري سگهون۔۔
