عادت ٽٽندي ته عبادت ٿيندي

[ڏاڏل شينو]

انسان بيشڪ فطرت الله تي خلق ٿيل آهي ان فطرت تي قائم رهڻ بندگي آهي ۔ فطرت تي قائم رهڻ پنهنجو پاڻ کي تسخير ڪرڻ آهي فطرت تي قيام بندگي جو قائم ڪرڻ آهي ۔ انساني زندگي ٻن شين جي گرد گهمي ٿي يا عادت جي گرد يا فطرت جي گرد ۔ عادت جو تعلق نفسِ عماره سان آهي ۽ فطرت جو تعلق نفسِ لوامه ۽ نفسِ مطمعنه سان آهي قرآن جي 13 سپاري ۾ نفس عماره جي مطلق اقرارِ زُليخا آهي ته هي ته هميشه بُرائي جو حڪم ئي ڏيندو آهي ۔ ۽ سالڪن جي مطابق هن نفسِ عماره جي ستر هزار رحماني و ستر هزار شيطاني جال آهن انتهائي شعور سان هن جي وارن کان بچي سگهجي ٿو جيئن سلطان باهو جو قول آهي جو دم غافل سو دم ڪافر هاڻي آخر ۾ ان کي سمجهن لاءِ حضرت علي عه جو قول پيش ڪري رهيو آهيان ۔
بُري عادت ۽ سُٺن تعلقاتن جي خبر تڏهن پوندي آهي جڏهن انهن کي ڇڏيو وڃي۔
( حضرت علي عليه السلام)

ڪجھ ڏينهن غير حاضر رهڻ تان معافي سڄي سنگت کان ۔
وسلام​

 

[نثارابڙو]

جواب: عادت ٽٽندي ته عبادت ٿيندي

بُري عادت ۽ سُٺن تعلقاتن جي خبر تڏهن پوندي آهي جڏهن انهن کي ڇڏيو وڃي۔
( حضرت علي عليه السلام)

حق سچ ۔۔۔ تمام سهڻو قول

ان قول جي صدقي اوهانجي غير حاضري، حاضريءَ ۾ تبديل ڪجي ٿي۔۔۔

لک ٿورا​

 

[سليمان وساڻ]

جواب: عادت ٽٽندي ته عبادت ٿيندي

مهربانيون سائين، سهڻو ونڊ

اوهان جي ڪمي هميشه محسوس ٿيندي آهي، ڇو ته سالڪن جون سليل ڳالهيون ٻيا دوست گهٽ ئي ڪندا آهن۔

سدا خوش هجو۔

 

[غلام مصطفي ميمڻ]

جواب: عادت ٽٽندي ته عبادت ٿيندي

سائين ڏاڏل شينو اسلام عليڪم۔توهان جي واپسي هڪ بهترين ليک،جنهن تي عمل ڪرڻ سان انسان پنهنجي منزل کي ماڻي سگهي ٿو سان ٿيو آهي۔توهان جا قرب اهڙا ليک لکڻ تي۔

 

[ڏاڏل شينو]

جواب: عادت ٽٽندي ته عبادت ٿيندي

سائين اوهان مڙني دوستن جي مهرباني جو ايتري عزت ڏيندا آهيو اسان لکون يا نه لکپن ليڪن هي سنڌسلامت اسان جي ذهن ۾ سمايل آهي ۔
مهرباني ۔
وسلام