[JUSTIFY]سنڌ سلامت جو سٿ سنڌي ٻوليء جي ناليواري اديب، دانشور، محقق، تاريخدان، شاعر، لوڪ ادب ۽ لطيفيات جي پارکو ۽ ماهر لسانيات ڊاڪٽر نبي بخش بلوچ جي پهرين ورسيء تي کيس ڀيٽا پيش ڪري ٿو۔ سنڌ ڌرتي جي ڪک مان هزارين اهڙا سپوت ۽ انمول انسان پيدا ٿيندا رهيا آهن جن مٿان سنڌ ۽ سنڌ جي ماڻهن ناز ڪيو آهي، سنڌ ڌرتي کي جنهن به پنهنجو ڪيو آهي، سنڌ ڌرتي ان کي هڪ نه وسرندڙ سڃاڻپ ڏني آهي، انهن شخصيتن مان سنڌ جي مهان شخصيت علامه ڊاڪٽر نبي بخش خان بلوچ صاحب به هڪ هو، پاڻ هڪ ئي وقت عالم، محقق، تاريخدان ،لغت ۽ لسانيات جا ماهر، شاعر ۽ منتظم رهيا آهن. سنڌ سلامت جي هن لنڪ تي اسان جي دوست ممتاز وگهيو صاحب پاران ڊاڪٽر بلوچ صاحب جي شخصيت تي مضمون پيش ڪيل آهن. ڊاڪٽر نبي بخش بلوچ جي شخصيت گهڻ پاسائي هئي. پاڻ سنڌي لغت، سنڌي ادب ، سنڌي لوڪ ادب، لطيفيات ۽ لطيف سائين جي رسالي سان گڏ سنڌ جي تاريخ تي پڻ اهم ڪيو آهي. سندس شخصيت جي ڪهڙي پاسي تي ڳالهائجي. سندس زندگي سنڌ جي تاريخ ، ادب ۽ تحقيق لاء ڄڻ ته وقف ٿيل هئي. اڄ سندس پهرين ورسيء تي ڌڻي در دعاگو آهيون ته رب پاڪ سندن درجا بلند ڪري ... آمين[/JUSTIFY]
جواب: ڊاڪٽر نبي بخش بلوچ جي پهرين ورسيء تي کيس ڀيٽا ڀاء سليمان وساڻ صاحب توهان جي مهرباني جو توهان سنڌ جي عظيم عالم اديب، محقق، جناب ڊاڪٽر نبي بخش خان بلوچ صاحب جي ورسي ياد ڏياري، ادا حقيقت ته اهيا آهي ته وقت وڃي ٿو گذرندو ۽ ڪا خبر ئي ڪا نه ٿي پوي، ۽ انسان ڳهندو ڳهندو موت طرف وڃي رهيو آهي،دنيا جا فلسفي، عالم ۽ حڪيم، ”انسان“ جي اخلاقي زوال تي رت جا ڳوڙها ڳاڙي رهيا آهن، ڇو جو اخلاق جا ڀنڊار وڃن ٿا هي دنيا ڇڏيندا، ۽ آکيرن تي وڃن ٿا چٻ چڙهندا، . بس ادا ڇا ڪجي، بقول شاهه صاحب ته جي پيرن هيٺان ڀونء سا مٿان سڄڻين،،،،،،، ادا بلوچ صاحب سنڌ جو اهو عالم هو جنهن کي هر فڪر وارو ماڻهو پسند ڪندو هو، ڊاڪٽر صاحب تي ڇا لکي ڇا لکجي، اهڙيون عظيم هستيون صدين کان پوء پيدا ٿينديون آهن، ۔۔۔ ادا وساڻ صاحب منهنجي ڊاڪٽر بلوچ صاحب تي ڪيل ونڊن جون اوهان لنڪون ڏئي ٿورا ڪري ڇڏيا، ادا هت ڊاڪٽر صاحب جو هڪ انٽرويو پڻ ونڊ ڪيان ٿو، جيڪو 1974ع ۾ پاڪستان ريڊيو ڪراچي ورتو هو۔۔۔۔
جواب: ڊاڪٽر نبي بخش بلوچ جي پهرين ورسيء تي کيس ڀيٽا الله سائين سندن مغفرت فرمائي، ۽ جنت الفردوس نصيب فرمائي، آمين...
جواب: ڊاڪٽر نبي بخش بلوچ جي پهرين ورسيء تي کيس ڀيٽا سنڌ جي عظيم عالم اديب، محقق، جناب ڊاڪٽر نبي بخش خان بلوچ صاحب سنڌ جي تاريخ بابت به تمام گهڻو ڪم ڪيو آهي جنهن جي جيتري تعريف ڪجي اها گهٽ آهي تاريخ بابت ڊاڪٽر بلوچ جا ڪجهه تاثر پڻ هت پيش ڪجن ٿا،
جواب: ڊاڪٽر نبي بخش بلوچ جي پهرين ورسيء تي کيس ڀيٽا اوهان دوستن سندس تعريف ۾ جيترو لکيو آهي انکانپو ته ڪجه چوڻ ائين ٿيندو جيئن سج کي آئينو ڏيکارجي ۔۔ رب العالمين مرحوم ڊاڪٽر نبي بخش کي جنت الفردوس ۾ جڳهه عطا فرمائي ۔۔۔۔ آمين
جواب: ڊاڪٽر نبي بخش بلوچ جي پهرين ورسيء تي کيس ڀيٽا اللھ پاڪ مرحوم ڊاڪٽر نبي بخش کي جنت الفردوس ۾ جڳهه عطا فرمائي ۔۔۔۔ آمين
جواب: ڊاڪٽر نبي بخش بلوچ جي پهرين ورسيء تي کيس ڀيٽا ڊاڪٽر نبي بخش بلوچ،جهڙا محنتي محقق۔ماهر لسانيت،تاريخدان ۽ اديب صدين ۾ پيدا ٿيندا آهن۔سائين جي شاه عبدالطيف ڀٽائي رح جي شاعري جي باري ۾ ڪيل تحقيقات،شاه سائين جي شاعري کي اسان جهڙن ماڻهن جي سمجهڻ جي لاء آسان ڪري ڇڏيو۔ڊاڪٽر صاحب جن سنڌي ٻولي جي به ڏاڍي خدمت ڪئي آهي۔ادا ممتاز وگهيو ۽ محترم سليمان وساڻ جن جي ليک پڙهڻ کانپوء سائين جي تعريف ۾ ڪجه لکڻ سج کي ڏيئي جي روشني ڏيکارڻ واري ادا نثار ابڙو جي ڪمينٽس سان اسان سوء فيصد متفق آهيون۔اسان جي انهن ٻنهي ڏاهن ميمبرن جي ڊاڪٽر صاحب جي پهرين ورسي تي لکيل ليک تمام گهڻي معلومات تي مبني آهن۔ادا توهان ٻنهي جون مهربانيون۔الله پاڪ شل پنهنجي ّخصوصي رحم ۽ ڪرم سان ڊاڪٽر صاحب جي ڪامل مغفرت فرمائين،هنن کي جهنم جي باه کان پنهنجي پناه ۾ رکن ۽ جنت الفردوس ۾ اعلئ درجه عطا فرمائين۔آمين۔
