تون ڪنهن کي ڪنهن کي ماريندين؟ تون ڪيسين رت روئاريندين؟ تون ڦورو، چور، لتيرو آن، تون قاتل، دل جو ميرو آن، ٿو سنڌ جو حال پلال ڪرين، تون ڊئمن جي ٿو ڳاله ڪرين، او سنڌي! سنڌ پڪاري ٿي، اج غيرت ڪي للڪاري ٿي، اج سر قلم ڪو ڪرڻو آ، يا ڌرتي خاطر مرڻو آ۔ شاعر ۔۔۔۔ (احمد"ناياب")
جواب: تون ڪيسين رت روئاريندين؟ ادا احمد ناياب، اوهانجو گيت به اوهان جيئان ناياب آهي، اسانجي دل جو آواز آهي ۔۔۔ پر دشمن ته تيستائين اسانکي ماريندو ۽ ڦريندو رهندو جيستائين اسان پاڻ مارائيندا ۽ ڦرائيندا رهنداسون، جنهن ڏينهن ڀاڳيا جاڳيا پوءِ سور نه رهندا ساڳيا ۔۔۔ انڪري ڀاڳين جي جاڳڻ ۽ انهن جي ايڪي جو انتظار آهي اوهانجي حب الوطنيءَ تا صدقي سنڌ سلامت ساٿ سلامت
جواب: تون ڪيسين رت روئاريندين؟ دل جي گهرائي مان نڪتل لفظ ۔۔ خوبصورتي سان سچائي جو اظهار آهن۔۔۔ اهڙا سجاڳي جا جهٽڪا ڏيڻ وارا موجود رهيا ته دير نه ٿيندي۔۔۔ قوم سجاڳ ٿيندي ضرور ٿيندي۔۔
جواب: تون ڪيسين رت روئاريندين؟ مهرباني ادا ۔ هڪ ڏينهن ضرور ايندو جو سنڌ سراپا انقلاب هوندي۔ ان ڏينهن جو انتظار آ۔
جواب: تون ڪيسين رت روئاريندين؟ خوبصورت سٽون ۔۔۔۔۔۔۔۔۔۔ سچ ته سنڌ جو آواز ۽ هر سنڌي جو اهوئي آواز آهي، جنهن جو اظهار اوهان سهڻي سٽڻ ۾ ڪيو آهي۔
جواب: تون ڪيسين رت روئاريندين؟ مان سمجهان ٿو ۽ منهنجو هن وقت تائين جو تجربو به رهيو آهي ته سنڌ ڌرتي جا اهي عاشق جيڪي سنڌ سان بنا ڪنهن لالچ ۽ لوڀ سان عشق ڪن ٿا ، سنڌ سان جن جند جوڙي آهي، اهي هڪ ئي مٽي جي خمير مان ڳهي ٺاهيا ويا آهن، ان ڪري ئي اهو سبب آهي جو هر اهو فرد جيڪو سنڌ جي حق جي ڳالهه ڪري ٿو ته اسان جا روح به ان آواز ۾ گڏجي وڃن ٿا، ڇو ته اها مٽي ساڳي آهي جنهن مان اسان جو وجود جڙيو آهي، ان ڪري به اها ڪشش آهي، ۽ هر اهو ساڃاهه وند جيڪو پنهنجي پاران علمي، ادبي، اخلاقي، سماجي، طور تي سنڌ جي ڪنهن ڪم اچي ٿو ان جي دل جو دل لالچ ۽ لوڀ کان ڪوهين ڏور آهي۔ ان ڪري بس پاڻ گڌجيو ٿا وڃون ۽ اهڙو ڏينهن به ايندو هڪ آواز، هڪ روح بڻجي سنڌ جي وجود کي ويرين کان واندو ڪندا سين۔
جواب: تون ڪيسين رت روئاريندين؟ ڊيمن جي ڳالھ نڪتي آهي ته عرض ڪندو هلان ته گذريل ڏينهن آ حيدرآباد شهر جي سنڌ نيشنل اڪيڊمي جي آفيس ۾ هوس جيڪو محترم محمد موسئ ڀٽو صاحب جن جو هڪ (ٽرسٽ) ادارو آهي، اتي ڪتاب گردي ڪندي مونکي سائين محمد ادريس راجپوت صاحب جو هڪ ڪتاب نظر آيو جنهن جو نالو آهي (ڪالاباغ ڊيم ۽ صوبن ۾ پاڻي جي ورهاست جا مسئلا) ڪجھ شروعاتي صفحن پڙهڻ کان پو مون ڪتاب خريد ڪرڻ جو فيصلو ڪيو تاڪه ڪالاباغ ڊيم جي ڪيس کي صحيح طور سمجهي سگهجي، بهرحال ڪتاب وٺي آيو آهيان، ۽ مطالعو شروع ٿا ڪريونس۔۔۔۔
