مهاجر صوبو تحريڪ ۽ ننڊ پيل سنڌي قوم۔۔

[منظور ڪلهوڙو]

منهنجا دوستو، هي صرف حڪومتي چال آهي، باقي اردو ڳالهائيندڙن کي اها ڳالهه کُکي ٿي ته اهي اهڙو ڪم ڪري پنهنجي رهيل کُهيل اڪثريتي کي به وڃائي ويهندا.. ڇو ته ان تحريڪ لاءِ توڙي جي کڻي ڪجهه اردو ڳالهائيندڙ مفاد ۾ به هجن پر انهن مان اڪثريتي ان ڳالهه لاءِ متفق نه ٿي ٿي سگهي...ڇو ته ڪراچي ۾ جتي به انهن جي گهڻائي آهي صرف اهي علائقا سندن جي اثر هيٺ آهن جڏهن ته چئني طرفن کان اهي سنڌي، بلوچي ۽ پٺاڻن جي علائقن جي گهيري ۾ آهن جنهن ڪري انهن جي تحريڪ ڪامياب نه ٿي ٿي سگهي.. ۽ جڏهن ته حيدرآباد ۽ ميرپور خاص ته سڌو سنئون سنڌي اڪثريتي علائقا آهن اتي ته اهو ممڪن ئي نه آهي ته اهڙي تحريڪ ۾ ڪامياب ٿي سگهن ..هاڻي سنڌي ايترا به بيوس ، ڪمزور ۽ ننڊ ستل به نه آهن جوڌاريا اسان جي گهرن ۾ رهندي به اسان جي گهرن تي قبضا ڪن ته پوءِ حيف آهي اهڙي قوم تي..پر ائين ٿيندو ڪو نه، باقي اها به ڳالهه هن مهل تا.ئين ثابت ٿي چڪي آهي ته اسين اڃا به ستل آهيون..اگهور ننڊ ستل آهيون اگهور ننڊ..

 

[نثارابڙو]

جواب: مهاجر صوبو تحريڪ ۽ ننڊ پيل سنڌي قوم۔۔

محترم دوست، هن وقت سنڌ جي سياست هڪ چوڏيل جيئان ٿي پئي آهي، جنهن ۾ سازشون ۽ ترڪ تاليون ۽ چالاڪيون ايتريون ته وڌي ويون آهن جو هاڻ ته عام ماڻهونءَ جو مٿو ڦرڻ لڳو آهي ۔۔۔ باقي سنڌ کي ٽڪرا ڪرڻ اڪ جا ماکي ناهي ته لاهي وٺجي، اوهان جي ڳالهه جيئان ته سنڌي هڪ مٺ ٿيا ته سڀني جي بولتي بند ٿي ويندي پر افسوس جو ـ

مون پڪ سڃاتا پنهنجا ها، ڌارين سان گڏ ڌاڙي ۾۔۔۔۔ اسانجا ڪجهه نالائق سنڌي ڪن مفادن خاطر پ پ پ ۽ مسلم ليگ جي ڇٽيءَ هيٺ جاون ڪرڻ جي پروگرام ۾ آهن، سياري جي باهه هرڪو پيو پاڻ ڏي سوري ۔۔۔ باقي عام ماڻهون، هاري ناري ۽ مزدور مڙو ته ويچارو پيٽ پالڻ ۾ پورو آهي، جيڏانهن ڌڪيو تيڏانهن پيا هلندو۔

ڇڏ منڊي کي واريءَ ۾ ۔۔۔ سئو ڏينهن چور جا هڪ ڏينهن ڀاڳئي جو۔۔۔۔

سنڌ جي سڄاڻ ماڻهن کي پنهنجو ڪردار ادا ڪندي عام ماڻهونءَ جي رهنمائي ڪرڻي آهي ۽ ظالمن جي منهن تي چڙهيل نقاب وائکا ڪري هر قسم جي جدوجهد ۾ اڳتي اچڻو آهي ۔۔۔ ته جيئن مسقتبل ۾ انهن سڀني سازشن جي سوراخن کي بند ڪري سگهجي۔

الله ڏاهي مَ ٿيان، ڏاهيون ڏک ڏسن۔​

 

[منظور ڪلهوڙو]

جواب: مهاجر صوبو تحريڪ ۽ ننڊ پيل سنڌي قوم۔۔

منهنجا سٍڄڻ۔۔توهان جي ڳالهه ته ڪجهه اسان جا پنهنجا به ان ڌاڙي ۾ گڏ هوندا به،، پر سائين اهي وڏيرڪي سوچ وارو دؤر ويو۔۔ هاڻي هر ماڻهو پنهنجي بقا لا پاڻ ميدان تي نڪري ٿو اچي۔۔جن جو ڪجهه کاڌو اهو انهن کي ڦٻيو پر هاڻي اهو وقت نه رهيو آهي۔۔ ماڻهن ۾ شعوري سوچ جا سلا وڌي وڻ ٿي ويا آهن۔۔ هرڪو پنهنجي بقا جو حيلو ڪرڻ ڄاڻي ٿو۔۔ مون ڪنهن هنڌ پڙهيو هيو شايد لفظ بدليل هجن پر لکيل هن ريت هيو۔۔۔
ته ڪنهن سياڻي چيو ته سنڌي هٿيار کڻي ئي نٿا سگهن،
تنهن تي ٻئي سياڻي چيو ته سنڌين کي هٿيار کڻڻ ئي نه ٿا اچن،
پر اتي هڪ چرئي چيو ته،، سنڌين اڃا هٿيار کنيا ئي نه آهن، جنهن ڏينهن سنڌين هٿيار کنيا ته دنيا جو نقشو ئي تبديل ڪري ڇڏيندا۔۔

 

[افتخار علي چوهاڻ]

جواب: مهاجر صوبو تحريڪ ۽ ننڊ پيل سنڌي قوم۔۔

ڪنهن به ڳالھ يا اشو کي نازڪ نه وٺجي ، برابر اهي سازشون لگن ٿيون پر اسان کي هنن سازشن کان هوشيار ۽ اقدامي لائحه عمل پڻ ڄوڻڻو پوندو ،
توڙي جو مهاجر قوم سنڌين ۽ پٺاڻڻ جي گهيري ۾ آهن پر هن جو مقصد اهو به نه هجڻ گهرجي ته اهي ڪجه به نٿا ڪري سگهن جڏهن ته مد مقابل اسان جا سنڌي اڳواڻ ۽ سياسي رهنما اهڙن سازشن کي روڪڻ ۽ ناڪام بڻايڻ لاءِ ڪو عملي صورت نٿا ڄوڙين ، انديشه پنهنجي جاءِ تي رهندا ، الله تعالى کان دعا آهي ته اهڙن سازشن کان اسان جي سنڌ جي حفاضت فرماءِ ،اسين سنڌين کي پاڻ ۾ متحد ٿيڻ جي توفيق عطا فرماءِ ،
دوستن کي به گذارش آهي ته دعائن جو به اهتمام ڪن ۽ اهڙن سازشن جي سدباب لاءِ پڻ غور فڪر ڪن ، خصوصا اسان جي موجوده حڪمران جيڪي آهن ته سنڌي پر شايد سنڌ سان نسبت هنن کي عزيز ناهي ، ​

 

[منظور ڪلهوڙو]

جواب: مهاجر صوبو تحريڪ ۽ ننڊ پيل سنڌي قوم۔۔

تمام سهڻي صلاح ڏني آهي ڀا افتّخار علي صاحب۔۔۔دعائن جو اهتمام ڪرڻ گهرجي۔ ڇو ته رب تعالى هي سهڻي سنڌ ڌرتي صرف سنڌين لا تخليق ڪئي آهي اهو ڪئين ٿو سنڌ کي سنڌين کان الڳ ڪري سگهي۔،، باقي اهي سنڌ جا حڪمران ڀل پنهنجا پيٽ ڀري دنگ ڪندا ته انهن جا پيٽ اهي غريب سنڌي ئي ڦاڙيندا ۔

 

[سليمان وساڻ]

جواب: مهاجر صوبو تحريڪ ۽ ننڊ پيل سنڌي قوم۔۔

دوستن جون ڳالهيون ۽ هنن جي سنڌ لاء اڻ تڻ ڏسي خوشي به ٿي ته دوستن کي سنڌ لاء اونو آهي۔

مهاجر صوبي جي تحريڪ ۾ ڪنهن جا هٿ آهن، ڪنهن جا انٽريسٽ آهن ڳالهه واضح آهي۔ جناح پور کي هاڻي وري مهاجرستان طرف آندو ويو آهي۔ هزاره تحريڪ به ان ئي تحريڪ جو حصو آهي۔ مون کي حيرت ٿيندي آهي ته هاجرن جون ته ڪيمپون ٿينديون آهن پر هتي اهي صوبي جي گهر پيا ڪن۔ هاڻي ته تحريڪ ۾ حصو وٺندڙ سڀ سنڌ ۾ ئي ڄايا آهن، سنڌ ۾ ئي هنن جا گهر آهن، ڪاروبار آهن پوء به اهي پاڻ کي مهاجر پيا سڏائن۔

حڪومت خاموش آهي ۽ هنن کي سڀ خبر آهي۔ پر هو ڪجهه ڪونه ٿا ڪن ان جو هڪ سبب سندن اها پاليسي آهي جنهن کي هو مفاهمت جو نالو ڏين ٿا۔ افسوس جو سنڌ ۾ پ پ جو متبادل ناهي۔ جيڪي آهن ته وري اهي انهن کان به بدتر آهن۔ سنڌ جي سياست خاص ڪري اسيمبلين واري سياست تي وڏيرا، جاگيردار ، سيد، پير، مير قابض آهن، انهن جا پنهنجا مفاد آهن جيڪي پورا ڪري رهيا آهن۔ تنهنڪري سنڌ ۾ شعوري تحريڪ جي کوٽ آهي، تحريڪن کي ايجنسيون ناڪام بنائي ٿيون ڇڏين۔

هي هڪ سنجيدهه مسئلو آهي ۽ مونکي خدشو آهي ته اڳتي هلي ڪنهن خون خرابي واري صورتحال نه پيدا ٿئي؟ هن تحريڪ کي لنڊن ۽ نيويارڪ جي حمايت ملي رهي آهي ۽ پس پشت انهن جا به پنهنجا مفاد آهن۔

 

[منظور ڪلهوڙو]

جواب: مهاجر صوبو تحريڪ ۽ ننڊ پيل سنڌي قوم۔۔

توهان سچ ٿا چئو ادا سليمان صاحب، ڇو ته امريڪا جو مفاد ان ڪري به ٿي سگهي ٿو ته ان کي سينٽرل ايشيا تي پنهنجي حڪمراني ڪرڻ آسان ٿي پوندو، امريڪا کي اچ وڃ ۽ جنگي حالتن ۾ سامان جي رسائي ۽ فوجي امداد لا سامونڊي رستو نهايت آسان ۽ مفيد آهي۔ ۽ ان ڪري مهاجر صوبي ۾ امريڪي مفاد به سورنهن آنا سچ ٿي سگهي ٿو۔

 

[TAHIR SINDHI]

جواب: مهاجر صوبو تحريڪ ۽ ننڊ پيل سنڌي قوم۔۔

ادا سليمان جي ڳالھ تمام گهڻو وڻي ته مهاجرن جون ته ڪيمپون ٿينديون آهن هي صوبو ڪيئن ٿا گهُرن ٻيو ته 67 سالن کان پو به هي اڃان تائين مهاجر آهن؟ هنن کي سنڌي سڏرائڻ ۾ ڇا ٿو ٿئي؟!!

 

[منظور ڪلهوڙو]

جواب: مهاجر صوبو تحريڪ ۽ ننڊ پيل سنڌي قوم۔۔

سائين منهنجا اها صرف اسان سنڌين جي لاپرواهي جو نتيجو رهيو آهي جو اهي هن وقت تائين پاڻ کي مهاجر يا اردو ڳالهائيندڙ سمجهن ٿا۔ نه ته ٿيڻ ائين گهربو هيو، 67 سال اڳ جا اسان جا حڪمران ٿورڙي حڪمت عملي جوڙن ها ۽ انهن سڀني کي هڪ مخصوص پلاننگ تحت ۽ هتي آباد ڪن ها ۽ انهن کي ڪجهه شرطون مهيا ڪن ها ته اڄ هي ڏينهن ڏسڻا نه پون ها۔ اهي شرطون نج سنڌ جي مفاد ۾ هجن ها ته اهي مهاجر سڏرائيندڙ سنڌي ٿي وڃن ها جئين سنڌ جي تاريخ ۾ اهڙا ڪيئي ڌاريا اڄ سنڌي قوم طور سڃاتا وڃن ٿا۔۔جڏهن ته اهي ذاتيون سنڌ جون اصلوڪي رهاڪو به نه آهن۔ پر وقت جي بدلجندڙ حالتن انهن کي سنڌي سڏرائڻ تي مجبور ڪري وڌو۔

 

[مست]

جواب: مهاجر صوبو تحريڪ ۽ ننڊ پيل سنڌي قوم۔۔

هڪ مخصوص پلاننگ تحت اردو ٻولي ڳالهائيندڙ طبقي ۾ موجود شر پسند پنهنجو ايجنڊو اڳتي وڌائيندا آيا ۽ هاڻي تائين هر حڪومت جي هنج ۾ رهي انهن ايتري ته طاقت حاصل ڪري ورتي آهي جو ڪراچي، حيدرآباد، ميرپورخاص، سکر توڙي نوابشاهه جهڙي شهرن ۾ سندن اڪثريت سبب انهن کان سواءِ ڪو فيصلو نه ٿو ٿي سگهي، انهن جو اثر رسوخ ايترو ٿي ويو آهي جو جڏهن چاهي سيڪنڊن ۾ ڪاروبار بند ڪرائي سگهن ٿا، گاڏيون ساڙائي سگهن ٿا، ميڊيا تي انهن جو ايترو اثر آهي جو ٻين جي نوڙيءَ کي به نانگ ڪري ڏيکاريندا ۽ سندن طرفان ڇڏيل اجگر نانگ به ميڊيا جي مهربانيءَ سان نوڙي پيا نظر ايندا۔ قانون انهن جي جوتيءَ جي تري جي هيٺان لتاڙجي پيو۔۔ پر ڇا ٿو ڪري سگهجي، اسان جي سنڌي حڪمرانن کي رڳو پئسي، حڪومت جي لوڀ۔۔۔ انهن کي سنڌ امڙ جي سورن سان ڇا؟؟؟؟​

 

[عرس پريو]

جواب: مهاجر صوبو تحريڪ ۽ ننڊ پيل سنڌي قوم۔۔

تمام دوستن جا خيال پڙهي خوشي ٿي ته اڃا ڪجهه آهن جن کي سنڌ امڙ جو اونهو آهي ۔۔۔۔۔۔۔۔۔۔۔۔۔۔۔۔۔۔۔۔ مهاجرن کي سنڌين جيء ۾ جايون ڏئي پنهنجي لاء ڏچو ڪري ڇڏيو ۔۔۔۔۔۔۔۔۔۔۔ پر انهن کي شايد اها خبر ڪانه هئي ته هي ايترا مڪار ء احسان فرموش ٿيندا ۔۔۔۔۔۔۔۔ پنجاب وارن ههن کي تڙي ڪڍيو ء پنهجي جان ڇڏائي ويا ۔۔۔۔۔۔۔۔۔۔۔۔۔۔۔۔

مان سمجهان ٿو هن وقت ايترو آسان ڪون آهي سنڌ کي ورهائڻ ۔۔۔۔۔۔۔۔۔۔۔۔۔۔۔ مرڻ مارڻ تائين ته ڪون ڏينداسين ۔۔۔۔۔۔۔۔۔۔۔ پر افسوس جو اسان جا سنڌي حڪمران اقدار جي نشي ۾ چپ ڪيون ويٺا آهن جيڪا چپ سنڌين لاء وڏي نقصانڪار ثابت ٿيندي