منهنجي دل به لياري آهي (لياري جي حالتن تي هدايت بلوچ جي شاعري)

[سليمان وساڻ]

دوستو سلام

سائين هدايت بلوچ جو نالو سنڌي شاعريء ۾ ڪنهن تعارف جو محتاج ناهي۔ لياري جي موجوده حالتن جي منظرنگاري ڪندي پاڻ هڪ غزل لکيو اٿن، محترم سجاد مهر ساڳيو غزل ڊزائن ڪري فيسبوڪ تي پيش ڪيو آهي۔ ​

غزل
هدايت بلوچ

روز مٿس بمباري آهي
منهنجي دل به لياري آهي

ڪنهنجي خوشي لئي سڀ ڪجھ ٿئي پيو
ماڻهو ڪو ته مياري آهي

ڪڪريءَ ۾ جنهن لانئون لڌيون
ڪٿي اهو زرداري آهي

باھ جا ڀڙڪا، گوليون ڪڙڪا
ڏاڍي ڄڻ ته ڏياري آهي

پنهنجا عاشق پاڻ ٿا ماريو
اهڙي ڇا بيزاري آهي

ساڳيو درد ٿي روز سڻائي
دل ۾ پيل ڄڻ گھاري آهي

ٻي ڪا حياتي کَٽجي شايد
هيءَ ته حياتي هاري آهي

ڪهڙو هدايت منطق چئجي
زور جي آڏو زاري آهي

​

 

[منصور ميراڻي]

جواب: منهنجي دل به لياري آهي (لياري جي حالتن تي هدايت بلوچ جي شاعري)

حق موجود!
سائين تمام سٺي شاعري، سائين هدايت بلوچ سچ پچ هڪ ڀلوڙ شاعر آهي۔ سندس جي سنڌ شاعرن ۾ هڪ الڳ مقام حاصل آهي۔

 

[رياض حسين گلال]

جواب: منهنجي دل به لياري آهي (لياري جي حالتن تي هدايت بلوچ جي شاعري)

واهه واهه
تمام بهترين لاجواب ونڊ