[JUSTIFY]اڄ ڪلهه انسان اميدن تي ڏاڍو لهي پيو آهي، هر شئي ۾ اميد۔۔۔ شايد اهو سوچي اميدن ۾ پڪو آسرو رکيو ويٺو آهي ته دنيا اميد تي قائم آهي، پر اهو ياد رکجي ته پنهنجي دنيا پاڻ ٺاهڻي پوي ٿي، دنيا ڪنهن جي لاءِ آسائشن سان ڀريل زندگيءَ لاءِ رستو تيار ڪري نه ٿي رکي بلڪه انسان کي پاڻ اهو رستو، اهو پيچرو ٺاهڻ سکڻو پوي ٿو، ڏکن سکن جي سونهن جي چوڻي وانگر ته ڏک آهن ته زندگيءَ جي سکن جو پوءِ ئي احساس ٿئي ٿو۔ اسان ڪڏهن اهو سوچيو آهي ته اسان ڪيتري قدر زندگيءَ جي حقيقتن کي پرکي، پنهنجي رب طرفان ڏنل سهولتن کي غنيمت سمجهيو آهي؟؟ هر اها سهولت جيڪا اسان جي اڳيان هوندي به اسان کي سهولت محسوس نه ٿي ٿئي، رب جي اها نعمت جيڪا اسان جي وس ۾ هوندي به اسان کي نعمت نه ٿي لڳي۔۔ پوءِ دنيا جي ڪجهه ڳالهين، حرص ۽ حسرتن جي پٺيان لڳي پنهنجي نا اميدي وڌائڻ لڳون ٿا، تان جو اسان پنهنجو پاڻ کان هارائي ويهون ٿا ۽ پوءِ دنيا به اسان کي آسانيءَ سان هارائي ويهي ٿي۔۔۔۔ مولا علي عليه السلام جن جو فرمانِ پاڪ آهي ته ”انسان تيسيتائين نه ٿو هارائجي سگهي، جيسيتائين هو پنهنجو پاڻ کان نه ٿو هارائي“۔۔ هي آهي نريش ڪاروتُرا۔۔۔ انڊيا جو هڪ اسپيشل شاگرد۔۔ جيڪو آئي آئي ٽي انسٽيٽيوٽ مان پاس ٿيڻ بعد هاڻ گوگل ۾ ڪم ڪري رهيو آهي، توهان سوچيندو ته هن ۾ ڪهڙي خاص ڳالهه آهي، اهڙين ڪمپنين ۾ ته هزارين ماڻهو ڪم ڪن ٿا۔۔۔ پر نريش جو پيءُ هڪ اڻ پڙهيل بس ڊرائيور ۽ سندس ماءُ به گهر جو ڪم ڪار واري سڌي عورت آهي، پر وري به نريش پنهنجي مجبوري ۽ غربت اڳيان هار نه مڃيندي پنهنجي تعليم حاصل ڪئي ۽ نيٺ معذوري باوجود اڄ اُتي پهتو آهي جتي هزارين ماڻهو پهچڻ جي ڪوشش ڪندا آهن۔۔ پنهنجي پاور وهيل چيئر تي ويٺل مسڪرائيندڙ هن چهري کي ڏسي اهو وسري ٿو وڃي ته نا اُميدي نالي ڪا شئي به دنيا ۾ ٿيندي آهي۔۔۔ پر وري به جيڪڏهن توهان ڪڏهن ٿورو نا اُميد ٿي وڃيو ته ۔۔۔۔ هن وڊيو کي ٿورڙي دير ضرور ڏسو۔۔۔۔ آواز ضرور ٻڌجو۔۔۔ [/JUSTIFY]
جواب: جڏهن نا اُميدي وڌي وڃي ته۔۔ سهڻا مست لڳائي دير اٿئي اچڻ ۾ پر يار ليک لکن جو کڻي آيو آهين همٿ مردان مدد خدا بي همٿ مرد بيزار خدا بيشڪ جيڪي پنهنجي حالت بدلائن ٿا قدرت وارو به انهن جي ئي مدد ڪري ٿو محنت ۾ عظمت آهي، ٻڌندا هياسون ، پر هن نوجوان جي سببان نظر به اچي ٿي تمام سهڻو ونڊ، وڊيو مون وٽ نظر نٿي اچي الائجي ڇو؟ جڙيو هجين شل ٻچڙن ۾ ڪيچ ٿيني
جواب: جڏهن نا اُميدي وڌي وڃي ته۔۔ تمام سهڻي ونڊ ۔۔۔وڊيو کي ڏسي پنهنجي صحيح سلامت هئڻ تي الله پاڪ جا لکين شڪرانا پڻ ادا ڪيم،، ۽ اسان جي ملڪ ۾ وڏي حد تائين اهڙن اسپيشل ماڻهن ۾ مايوسي پڻ آهي، پر ٻاهرين دنيا ۾ اتي جي حڪومت طرفان اهڙن ماڻهن جي مدد ڪئي ويندي آهي، ۽ اتي پڻ اهڙا ادارا جوڙيا ويندا آهن جيڪي اهڙن ماڻهن جي صلاحيتن کي پروموٽ ڪندا آهن۔۔
جواب: جڏهن نا اُميدي وڌي وڃي ته۔۔ سائين وڊيو جيڪڏهن ڊائريڪٽ نه ٿي هلي ته اوهان يوٽيوب تي when you are hopeless, see it لکي سرچ ڪريو، پهرئين نمبر تي وڊيو اها ئي ايندي۔۔۔ منهنجي هن ليک جو اصل مواد ته اها وڊيو ئي آهي، ان کي ڏسڻ کان بعد ضرور پنهنجا قيمتي ڪمينٽس ڏجو۔۔
جواب: جڏهن نا اُميدي وڌي وڃي ته۔۔ ادا اهو ئي ته مسئلو آهي ته اسان حڪومتن تي ڀاڙي ويٺا آهيون، انڪم سپورٽ ۽ ٻين پروگرامن ذريعي عوام کي پينو فقير بڻايو ويو آهي، اسان جي انا پرستي ماري اسان کي مئل انسان ڪيو ويو آهي، هڪ هنڌ ويهي گهري کائڻ کان پوءِ هڏ حرام ٿي وڃڻ بعد انسان ڇا ڪنهن ڪم لائق رهي ٿو؟؟ اهي آفتون، تڪليفون، مصيبتون انساني زندگيءَ جو حصو آهن، پر انسان جي طبيعت انهن آفتن ۽ مصيبتن کان ڪيترائي ڀيرا سخت آهي۔۔ رڳو انسان پاڻ کي مضبوط ڪري ته پنهنجي پيرن تي بيهي ڪري هر مشڪل جو مقابلو ڪري سگهي ٿو۔۔۔
جواب: جڏهن نا اُميدي وڌي وڃي ته۔۔ اهڙن ماڻهن کي سلام اهي واقعي ئي اسپيشل آهن جيڪي زندگيء کي زندگيء جي چيلنج سمجهي گذارين ٿا ۽ معذوري کي مجبوري نه ٿا بڻائين۔
