دوست ڪجهه وقت اڳ ۾ پڇڻا نه منجهڻا ۾ هڪ مسئلو اوهان آڏو آندو هئم ته ايم بي سنڌي انسٽال ڪندي دشواري پئي ٿيئي۔ مسئلو اهو هو ته مون تازو پراڻو سي پي يو تبديل ڪرائي نئون ورتو و ۽ دڪان واري پنهنجي حساب سان ونڊوز انسٽال ڪري ڏني۔ پر هتي اچي جڏنهن عام رواجي طريقي سان ايم بي سنڌي انسٽال ڪرڻ جي ڪوشش ڪيم ته نه پئي ٿي۔ مٿين ڏنل موضوع جي لنڪ ۾ ڪافي دوستن جواب ڏنا ۽ سليمان وساڻ ته ملاقات دؤران اهو به چيو ته ”لڳي نه ٿو ته ونڊوز ڪرڻ بِنا اهو مسئلو حل ٿيندو پر جي ٿيو ته به رشيد سمون يا فقير کان هيٺ ڳالهه جو توڙ ناهي“ مون به کڻي چُپ ڪئي۔ پر فقير جو جواب به اهو آيو ته مسئلو حل نه ٿيندو سواءِ انهي سي ڊي جي جنهن سان ونڊوز ڪئي وئي يا وري نئين ونڊوز جي۔ پر مون کي سدائين ونڊوز ٻيهر ڪرڻ کان چِڙ آهي۔ ڇو ته پورو ڏينهن (پوري ڏينهن مان مراد وقت هجڻ ۽ 2، 3 ڪلاڪ بجلي هُجڻ وارا آهي)۔ ڇو ته سي ڊرائيو فارميٽ ٿيڻ کا پوءِ رُڳو سڀ سافٽ ويئر ورائي ڪرڻ ۾ به ٺيڪ ٺاڪ وقت ٿو لڳي ۔ ۔ ۔ ۔ ۔۔ سو ٻروچڪي رڳ اچي وئي ۽ طئي ڪيم ته ڪجهه به ٿيئي ايم بي سنڌي انهي ونڊوز جي هوندي ئي وندوز جي ڪنهن عام سي ڊي مان انسٽال ڪبي۔ ۽ آخرڪار اڄ ڪاميابي ٿي۔ سو سوچيم ڇو نه سڀني سان شيئر ڪجي۔ جيئن سڀني مان ڪنهن سان اهو مسئلو ڪڏنهن اچي ته حل ڪري وٺن۔ جيئن ته اسڪرين شاٽ ۾ آهي ته ريجنل لئنگويج انسٽال ڪرڻ لاءِ ڪي فائيل گهربل هيون جيڪي ونڊوز جي سي ڊي مان نه پئي مليون۔ مون ڇا ڪيو جو انهي فائيل جو نالو ونڊوز جي نئين سي ڊي ۾ وڃي سرچ ڪيو ته ملي ويئي۔ پر جيئن ته پاڻمرداو (پهرين ڪوشش ۾) سسٽم اها فائيل انهي پاٿ تان کڻڻ جي ڪوشش پئي ڪئي جتان اصل ۾ ونڊوز ڪئي وئي هئي۔ تنهنڪري اهو ڪنفلڪٽ پئي آيو۔ پر هاڻي سسٽم انهي پاٿ تان گهربل فائيل کنئي۔ ۽ ڪجهه ٻين فائيل جا به نالا ڏيڻ لڳو ۽ اهي به سرچ ڪري پاٿ ڏيندو ويس ته ڪم ٿي ويو۔ جيئن هيٺ ڏيکاريل آهي۔ مون کي اڳي به يقين هو پر اڄ پختو ٿي ويو ته Where there is will there is way. ڪيئن ساٿيو آهي نه سٺي ٽِپ!
جواب: ايئن به ٿيندو آهي ايم بي سنڌي انسٽال ڪندي! بالڪل صحيح where there is will there is way.... چاه کي راه آهي۔۔۔
جواب: ايئن به ٿيندو آهي ايم بي سنڌي انسٽال ڪندي! مطلب ته ڪم ٿي ويو ۔۔۔۔۔۔۔۔۔۔ اوهان به ڪي جادوگرن کان گهٽ ناهيو ، بس ڪوشش ڪيو ته ڪم ٿي به ويندو ته وري ڪم لهي به ويندو ۔۔۔ هاڻ اوهان جي ذريعي اسان به سکي وياسين
جواب: ايئن به ٿيندو آهي ايم بي سنڌي انسٽال ڪندي! ادا تمام بهترين ونڊ آهي۔ انسان ڪوشش ڪندو آهي ته الله پاڪ ان کي ڪاميابي ضرور ڏيندو آهي۔
جواب: ايئن به ٿيندو آهي ايم بي سنڌي انسٽال ڪندي! پنهنجو مسئلو ٻڌائيندي توهان ان کي پاڻ ئي حل ڪرڻ جو جذبو ڏيکاريو۔۔۔ ان ڪري توهان کي جستجو ڪرڻ ڏني وئي جو مون کي يقين هوندو آهي ته هڪ مسئلي کي پاڻ سلجهائيندي ڪافي ڪجهه سکي سگهبو آهي۔۔۔ ۽ جي اهو مسئلو حل نه به ڪري سگهجي ته ڪا نه ڪا نئين ڳالهه ضرور سکي سگهبو آهي۔۔۔۔ ان ڪري دوستن کي هميشه گوگلنگ ڪرڻ جي صلاح ڏيندو آهيان ۔۔۔ جنهن سان نيٽ تي مسئلي جي حل سان گڏو گڏ ڪئي ٻيون به دلچسپ ۽ فائدي واريون شيون ملي وينديون آهن۔۔۔۔۔ رهيو سوال توهان جي مسئلي جي حل جو ته توهان ان کي حاصل ڪري ورتو ۔۔۔ خوشي ان ڳالهه جي به بجاء پر سڀ کان اهم هڪ سوال جو جواب ملي ويو ته ان مسئلي جا ڪارڻ ڇا آهن۔۔۔؟ ۽ هڪ بونس سوال ته ان مسئلي کي سلجهايو ڪهڙي طرح ويو۔۔۔؟ توهان يقينن ڄاڻي ورتو هوندو ته توهان جي ڪمپيوٽر جي ونڊو ان پراپر طريقي سان ڪيل هئي ۔۔۔ ممڪن آهي ته لوڪل تيار ڪيل ايڪس پي جي ونڊوز سروس پيڪ 3 سان يا وري گهوسٽ ونڊوز سان ۔۔۔ ۽ اهڙا اڪثر مسئلا اهڙين ونڊوز ڪرڻ سان عام هوندا آهن۔۔۔ پر الائي ڇو سائين رحيم بخش جن کي وري به گهوسٽ ونڊوز انسٽال ڪرڻ ئي بهتر رهندو آهي۔۔۔ شايد هوُ به مسئلا سلجهائڻ ڄاڻندا آهن يا وري کين وٽ وقت گهٽ هوندو آهي جنهن ڪري ٿوري وقت ۾ گهڻو فائدو وٺڻ کي ترجيح ڏيندا آهن۔۔۔۔ ۽ ٻيو ته توهان اهو به معلوم ڪري ورتو ته بي ترتيبي سان يا وري گهوسٽ ذريعي تيار ڪيل ونڊوز ۾ هر شي انسٽال بجاء جهڙوڪ اڳ جي بيڪ اپ ڪيل ونڊوز کي ريسٽور ڪيو ويندو آهي۔۔۔۔ ۽ ظاهر آهي ان ونڊوز جي ترتيب به بيڪ ٺاهيندڙ پنهنجي سيٽنگ تحت رکي هوندي آهي۔۔۔ خير سمورن دوستن جي راين وانگر ڀلي ڳالهه اها ته توهان کي ڪافي شيون نيون ڳالهيون سمجهه اچي ويون۔۔۔ اميد ته پنهنجي تجربن کي اهڙي طرح سمورن دوستن اڳيان شيئر ڪندا رهند۔۔۔
جواب: ايئن به ٿيندو آهي ايم بي سنڌي انسٽال ڪندي! سائين اوهان جي ڳالهه وانگر ٿوري وقت ۾ ڪم ٿي ويندو آهي لائيٽ اهڙي فقدان واري دور ۾ گوسٽ وارو طريقو آسان آهي منهنجي نظر ۾ ۽ مون سان ڪڏهن ڪو گوسٽ ڪرڻ بعد اهڙو مسئلو پيش به نه آيو آهي جيڪو پريشاني جو باعث هجي ۽ نئون ونڊو ڪرڻ سان حل ٿي ويو هجي ۔ بهرحال دوستن جي ڪوشش سٺي ڳالهه آهي۔
