منهنجي ڪَچي ڦِڪي شاعري

[رضوان علي جمالي]

ڏُور کان جي وڻ ڊگهيرا ٿا لڳن
ويجهڙائي کان سي ته ڪنڊيرا ٿا لڳن

اڄ سوچ جي الائي ڪهڙي موسم آ
هن وقت جا ٻار به ڳڀيرا ٿا لڳن

حڪمراني جي نشي ۽ حاصلات خاطر
جهمورين جا به آمر ڏي ڀيرا ٿا لڳن

ڪير مئو آ ڪنهن ماريو آ خبر ناهه
خوش خوش ته پنهنجا وڏيرا ٿا لڳن

هت روز ڪُسجي ٿو غريب جو حامي
سردار جي گهر ۾ قاتلن جا پيرا ٿا لڳن

 

[نثارابڙو]

جواب: منهنجي ڪَچي ڦِڪي شاعري

جانب جمالي صاحب! اڄ اوهانجو شاعرانه چهرو ڏسي خوشي ٿي ته اسانجي ساٿ ۾ ڀلوڙ شاعر به موجود آهي، جيڪو صرف اسانجا حوال ويٺو ٻڌي ،،،،

اوهان پنهنجي هن گيت ۾ آسان ۽ عام فهم اشارا ڪندي پيرو صحي رخ تي کنيو آهي ،،،، سچ ڳالهايو آهي اوهان، حقيقت کي آئينو ڏيکاريو آهي اوهان،،، اسانجي حالتن جي هوبهو عڪاسي ڪئي آهي اوهان ،،،،

اشارا، پيرا ۽ رڙيون ،،،، چور ڙي چور ،،، چور ڙي چور ،،،، چور ڙي چور

پر ڀاڳيا ڪي جاڳيل، ڪي ستل ته ڪي ڪاوڙيل، ڪي وڙهيل ته ڪي مختلف نظرين ۾ ورهائجي بجاءِ پيري جي پويان لڳي چور پڪڙن، پنهنجن تي ئي نظر رکيون ويٺا آهن

اميد آهي ته اوهانجي کنيل آڱر جو اشارو هڪ ڏينهن ته سمجه ۾ اچي ويندو

تمام سٺو، قومي، عوامي ۽ سماجي سور رکندڙ گيت آهي

ٿورا ناهن ٿورا​

 

[رشيد سمون]

جواب: منهنجي ڪَچي ڦِڪي شاعري

حقيقت جي عڪاسي ڪندڙ خوبصورت لفظ۔۔۔
توهان جي شاعري اشارا ته مختلف ٿي ڏئي پر انت هڪ ئي نڪتي پيو ٿئي۔۔۔
ڏٺو وڃي ته پٿر جي دور کان وٺي انسان جو سفر جاري آهي پر ڪو به اهڙو معاشرو يا قانون جوڙڻ ۾ ناڪام ويو آهي ۔۔۔ جنهن سان ظلم جو خاتمو ٿئي۔۔۔ بس ثابت ٿو ٿئي ته ڪتابِ الاهي ۾ ڏسيل دڳ ئي واحد حل آهي۔۔۔

 

[غلام مصطفي ميمڻ]

جواب: منهنجي ڪَچي ڦِڪي شاعري

ادا رضوان علي جمالي اسلام عليڪم۔نازڪ ۽ اهم احساسن تي اوهان جي مشتمل شاعري،سٺن ۽ پر اثر الفاظن جي مالا ۾ پروڙيل پڙهي اسان جي دل تي گهرو اثر پيو۔توهان ڪوشش ڪئي آهي ته صاحب اقتدار کي آئينو ڏيکاريو۔ان ذوق کي جاري رکندا۔

 

[رضوان علي جمالي]

جواب: منهنجي ڪَچي ڦِڪي شاعري

سڀني سڄڻن جا قرب لک لائق ٿورا ئي ٿورا مون تي ماروئڙن جا

 

[لطيفي151]

جواب: منهنجي ڪَچي ڦِڪي شاعري

ڀائو رضوان علي جمالي صاحب، اوهان جي شاعري ۾ آسان لفظ ضرور آهن ليڪن ڏٺو وڃي ته توهان جنهن طرف اشارو ڪيو آهي ۽ اُنهيء کي سهڻي نموني سان ظاهر ڪيو آهي يقين ڪيو ته پڙهي ڪري مزو اچي ويو۔۔۔ اُميد ته آئنده به اهڙي خوبصورت شاعري سان اسان کي نوازيندا رهندا۔۔۔۔ انشاءالله۔۔۔۔۔۔ لَکَ ٿورا ادل۔۔۔۔۔۔

 

[سليمان وساڻ]

جواب: منهنجي ڪَچي ڦِڪي شاعري

هت روز ڪُسجي ٿو غريب جو حامي
سردار جي گهر ۾ قاتلن جا پيرا ٿا لڳن


جمالي صاحب اوهان معاشري جي حقيقي بيان ڪئي آهي۔۔۔۔ اوهان جي احساسن ۽ جذبن کي سمجهون ٿا ان جو قدر آهي۔ اميد ته اوهان هن سلسلي کي جاري رکندا ايندا۔

 

[Abdul Wahid Soomro]

جواب: منهنجي ڪَچي ڦِڪي شاعري

خوبصورت شاعري