[JUSTIFY]ڊاڪٽر بشير احمد شاد صاحب جو نالو سنڌي ادب ۾ ڪنهن کان به لڪل ناهي۔ رضوان گُل ۽ احسان دانش، سائين بشير احمد شاد صاحب جا فرزند آهن۔ مون سندس ڪالم، مضمون ، مقالا، ترجما ۽ ترتيب ڏنل ڪتاب پڙهيا آهن۔ ڪالهه ٽماهي مهراڻ 1985ع جي ڊسمبر واري شماري کي پڙهندي شاد صاحب جو هي بهترين غزل پڙهڻ لاء مليو، جيڪو سڀني سان ونڊ ڪجي ٿو۔ [/JUSTIFY] غزل : بشير احمد شاد جدائي جا سهبا زخم ڪيستائين اهي يار رهندا ڪرمَ ڪيستائين خدا ڏوهه انسان جا بخشي ڇڏيندو قطاريندين انسان جُرمَ ڪيستائين زماني جون نظرون بلاخيز آهن محبت جا رهندا ڀرمَ ڪيستائين جوانيءَ تي نازان نه ٿيءُ حُسن وارا اهي زلف ۾ رهندا خمَ ڪيستائين اجهو سج سکن جو هو اڀريو ڪي اڀريو سدا رهندا رنج و الم ڪيستائين سردار منصور چڙهندا ئي رهندا ڀلا تون ڪندين سر قلم ڪيستائين نه دارا سڪندر رهيو ڪو دنيا ۾ اهي رهندا جاه و حشم ڪيستائين ڇڏي مال دولت کي نيڪي ڪمايو خبر ناهي آدمَ جا دَمَ ڪيستائين اجهو “ شاد ” چاهت سندو چنگ چوريو مٺا مور ٿيندا ستم ڪيستائين ٽِماهي مهراڻ جي 1985 واري شماري تان ورتل
جواب: جدائي جا سهبا زخم ڪيستائين (بشير احمد شاد) سنڌ جي سهڻي شاعر ” بشير احمد شاد“ جو سهڻو غزل ڇڏي مال دولت کي نيڪي ڪمايو خبر ناهي آدمَ جا دَمَ ڪيستائين لک ٿورا ونڊ ڪرڻ جا، اوهان جي قربائتن هٿن جي چترڪاري ۽ پيشڪش، اسانجا ڀاڳ ڀلا
جواب: جدائي جا سهبا زخم ڪيستائين (بشير احمد شاد) واه ادا سليمان بهترين ونڊ خدا ڏوهه انسان جا بخشي ڇڏيندو قطاريندين انسان جُرمَ ڪيستائين بهترين سٽون
جواب: جدائي جا سهبا زخم ڪيستائين (بشير احمد شاد) سائين نثار لک مهربانيون هن دفعي ڏاڏل جي فرمائش کي به نظر ۾ رکيو آهي۔
جواب: جدائي جا سهبا زخم ڪيستائين (بشير احمد شاد) واه واه پيارا اوهان جي جاکوڙ کي جس هجي جو ايتري پراڻي مهراڻ جي پرچي تان هي غزل کڻي ڊزائن ڪري ونڊ ڪيو اٿوَ۔ نهايت ئي سهڻي ڊزائن ۽ اوهان جون محبتون۔
جواب: جدائي جا سهبا زخم ڪيستائين (بشير احمد شاد) ادا سليمان توهان جي ڪوششن جي عيوض ئي اهڙيون بهترين سوکڙيون انٽرنيٽ جي سرچ انجڻ ۾ شامل ٿين ٿيون بهترين شاعري ۽ پياري ڊزائين ۔۔۔ ونڊ ڪرڻ جي مهرباني۔۔
جواب: جدائي جا سهبا زخم ڪيستائين (بشير احمد شاد) مهربانيون پيارا اوهان مصروف وقت هوندي به سنڌ سلامت لاء ڪجهه گهڙيون ڪڍو ٿا۔ ان لاء ٿورا
جواب: جدائي جا سهبا زخم ڪيستائين (بشير احمد شاد) مهربانيون سائين اصل ۾ پراڻڻ رسالن کي پڙهندي ۽ ان وقت جا ليک، شاعري ۽ ڪالم وڻندا اٿم۔ سائين بشير احمد شاد صاحب کي منهنجا سلام پيش ڪجو۔
جواب: جدائي جا سهبا زخم ڪيستائين (بشير احمد شاد) سائين لک ٿورا ڀٽ شاهه جا فوٽو به ونڊ ڪجو اوهان جو روهڙيء واري پل تي ورتل هي ڦوٽو وڻيو۔
جواب: جدائي جا سهبا زخم ڪيستائين (بشير احمد شاد) مهربانيون پيارا عمران اڄڪلهه اوهان سان شڪايت ڪانه ڪبي جو اوهان جي مصروفيتن جو اندازو آهي۔ آواز ٽي وي ۽ اوهان جو ساٿ شال وڌي ويجهي ۽ سدا خوش هجو۔ سائين شاد صاحب جو شمار سنڌ جي سڄاڻ اديبن ۽ شاعرن ۾ ٿئي ٿو ۽ سندس اولاد به سندس نقش قدم تي هلندي سنڌي ادب جي آبياري ڪري رهي آهي۔
جواب: جدائي جا سهبا زخم ڪيستائين (بشير احمد شاد) جوانيءَ تي نازان نه ٿيءُ حُسن وارا اهي زلف ۾ رهندا خمَ ڪيستائين اجهو سج سکن جو هو اڀريو ڪي اڀريو سدا رهندا رنج و الم ڪيستائين ادا سليمان وساڻ صاحب اسلام عليڪم۔سائين منهنجا شاد جهڙي ڏاهي جي شاعري اوهان جي ڊيزائن واري پوشاڪ ۾ اسان جي دل تي تمام سٺو اثر ڪيو آهي ۔سائين شاد صاحب جي شاعري جي هڪ هڪ بيت ۾ وڏي رمز سمايل آهي ته ڪيستائين ساڳيون حالتن ۾ گذارينداسين۔سڄي زندگي هڪ جهڙيون حالتون ؤ جوانيون نه رهنديون۔آهئي ڳالهيون سچيون آهن ۽ ان کان ڪنهن کي به انڪار نه ٿو ٿئي سگهي۔ توهانجون مهربانيون جو شاد صاحب جي پراڻي شاعري ڳولهي اسان کي پڙهڻ جو موقعو فراهم ڪيو اٿئو۔
جواب: جدائي جا سهبا زخم ڪيستائين (بشير احمد شاد) مهربانيون سائين مونکي ياد آهي ته وفائي صاحب وفات کان اڳ ڪافي سارا ڪتاب ۽ پراڻا رسالا سنڌ گريجوئيٽس ايسووسيئيشن سچل ڳوٺ کي ڏنا هيا۔ مونکي جڏهن وقت ملندو آهي ته انهن رسالن مان ڪو هڪ پڙهڻ لڳندو آهيان ۽ سٺي شاعري ۽ اهم نوٽ دوستن سان ونڊ ڪندو آهيان۔ حوصلا افزائي ڪرڻ جي مهرباني۔
